Latest News
මේ අවස්ථාවේ සියලුම දෙනා අඩුම පඩියකට රටට වැඩ කිරීමට හැකි නම් හොඳ තත්ත්වයක් බව මුදල් රාජ්ය අමාත්ය රංජිත් සියඹලාපිටිය පවසනවා.
අද (20) පාර්ලිමේන්තුවේදී මහ බැංකු නිලධාරීන්ගේ වැටුප් වැඩි කිරීම සම්බන්ධයෙන් අදහස් පළ කරමින් රාජ්ය අමාත්යවරයා සඳහන් කළේ, ලෝකයේ සෑම රටකම මහ බැංකුවල වැටුප් තලය ඉතාමත් ඉහළ ස්ථානයක තිබෙන බවයි.
ඉතාමත් ඉහළ ආර්ථික විද්යාඥයින් මෙම ස්ථානයේ රඳවා ගැනීම ඊට හේතුව වී ඇති බවත්, 2022-2023 කාලය තුළ මහ බැංකුවේ සේවක සංඛ්යාවෙන් 99% ක් ලංකාව අතහැර ගොස් ඇති බවද රාජ්ය අමාත්යවරයා සඳහන් කළා.
ආරච්චිකට්ටුව මයියාව ප්රදේශයේදී යතුරුපැදියක් දුම්රියේ ගැටීමෙන් කාන්තාවක් සහ කුඩා දරුවන් දෙදෙනෙකු මියගොස් තිබෙනවා.
දරුවන් උපකාරක පන්ති කරා රැගෙන යමින් සිටි මවක් පැදවූ යතුරුපැදිය මෙලෙස අද (19) පස්වරුවේ දුම්රියේ ගැටී ඇති බවයි වාර්තා වෙන්නේ.
විධායක ජනාධිපති ධූරය අහෝසි කිරීම ගැන දේශපාලඥයින් කතා වන්නේ 2012 සිට බවද, එය කෙරෙන වැඩක් නොව බොරු වැඩක් බවද මල්වතු පාර්ශවයේ මහානායක අති පූජ්ය තිබ්බටුවාවේ ශ්රී සුමංගල මහනායක හිමියන් පවසනවා.
දේශපාලඥයින් විසින් මිනිසුන් රැවටීමට ලක් කරන අතර ජනතාව ද හැමදාම රැවටෙන බවයි සත්ය සමඟිය ප්රතිසංවිධානය සඳහා වූ සංවිධානයේ අධ්යක්ෂ ජනරාල් නීතීඥ අසංග ගුණවංශ හමුවූ අවස්ථාවේදී මහානායක හිමියන් සඳහන් කළේ.
නොයෙක් නොයෙක් කොමිෂන් සභා පත් කළද සිදුවී ඇත්තේ මොනවාදැයි ගැටලු සහගත බවද මහනායක හිමියන් වැඩිදුරටත් සඳහන් කළා.
මේ මාසයේ ගත වූ දින 15ක කාලය තුළ කොළඹ නගරය ආශ්රිතව CCTV දර්ශන මඟින් වැරදිවලට සම්බන්ධ පුද්ගලයන් 793 දෙනෙකු හදුනාගත් බව පොලීසිය පවසනවා.
අදාළ වැරදිකරුවන් සම්බන්ධයෙන් අවශ්ය ක්රියාමාර්ග ගැනීමට පොලිස් ස්ථාන 300කට පමණ තොරතුරු දැනුම් දී ඇති බවයි පොලිස් මාධ්ය ප්රකාශක නියෝජ්ය පොලිස්පති නිහාල් තල්දූව සඳහන් කළේ.
CCTV දර්ශන මඟින් රථ වාහන වැරදි හඳුනා ගැනීමේ වැඩසටහන පසුගිය මාසයේ ආරම්භ කර තිබුණා.
යුක්තිය මෙහෙයුම යටතේ වැලිවිට ප්රදේශයේදී මත්ද්රව්ය ජාවාරම්කරුවෙකුගේ ඥාතියෙකු භාරයේ තිබී සැකපිට පොලිස් භාරයට ගත් බස් රථ 05 ක් ඇතුළු රථවාහන, අධිකරණය ලබාදුන් නියෝගයකට අනුව යළි භාරදීමට කටයුතු කරන බව පොලීසිය පවසනවා.
කඩුවෙල පොලිස් ස්ථානය විසින් සිය භාරයට ගත් එම රථවාහන සම්බන්ධයෙන් වැඩිදුර විමර්ශන සිදුකරනු ලැබුවේ නීති විරෝධී වත්කම් කොට්ඨාශය විසින් බවයි පොලිස් මාධ්ය ප්රකාශක නියෝජ්ය පොලිස්පති නිහාල් තල්දූව සඳහන් කළේ.
ඒ අනුව අධිකරණ නියෝගය අනුව එම වාහන භාරදීමට කටයුතු කරන බවත් එම නියෝගය සම්බන්ධයෙන් අභියාචනයක් ඉදිරිපත් කරන්නේද නැතහොත් නීතිපති උපදෙස් ලබාගන්නේද යන්න සම්බන්ධයෙන් ඉදිරියේදී තීරණය කරනු ඇති බවයි පොලිස් මාධ්ය ප්රකාශකවරයා වැඩිදුරටත් ප්රකාශ කළේ.
සිරගතකර සිටි රුසියානු විපක්ෂ නායක ඇලෙක්සි නවල්නි ජීවිතක්ෂයට පත්වී ඇති බව විදෙස් මාධ්ය සඳහන් කරනවා.
47 හැවිරිදි ඔහු ශාරීරික සුවතාවය සඳහා ඇවිදීමෙන් පසු ඔහුට සිහිය නොමැති වූ බවත්, පසුව ගිලන් රථ කණ්ඩායමක්ද එහි කැඳවූ බවයි බන්ධනාගාර ප්රකාශකවරයා සඳහන් කර ඇත්තේ.
ඔහුට ප්රතිකාර සිදුකළද ඔහු මරණයට පත්වූ බවත්, ඔහුගේ මරණය සම්බන්ධයෙන් ව්ලැඩිමීර් පුටින්ට දැනුම් දුන් බවද එරට බන්ධනාගාර ප්රකාශකවරයා වැඩිදුරටත් සඳහන් කර ඇති බවයි විදෙස් මාධ්ය වාර්තා කරන්නේ.
නාරම්මල පොලීසියේ නිලධාරීයෙකු විසින් ලොරි රථ රියදුරෙකු වෙඩි තබා ඝාතනය කිරීම තුළින් සිදුවූ මූලික මිනිස් අයිතිවාසිකම් උල්ලංඝනය කිරීම වෙනුවෙන් වන්දි ඉල්ලා පෙත්සමක් ගොනුකර තිබෙනවා.
ඒ අනුව වැඩබලන පොලිස්පති දේශබන්දු තෙන්නකෝන් ඇතුළු වග උත්තරකරුවන්ගෙන් රුපියල් මිලියන 200ක වන්දියක් අයකර දෙන ලෙස ඉල්ලා එම සිද්ධියෙන් මියගිය රොෂාන් කුමාරසිරිගේ බිරිඳ ශ්රේෂ්ඨාධිකරණය හමුවේ මෙම මූලික අයිතිවාසිකම් පෙත්සමක් ඉදිරිපත් කර තිබෙනවා.
එහි වග උත්තරකරුවන් ලෙස නාරම්මල පොලීසියේ උප පොලිස් පරීක්ෂක කේ. ගුණවර්ධන, පොලිස් කොස්තාපල් කේ.එම්. චමුදිත බණ්ඩාර කුළසේකර නාරම්මල පොලීසියේ ස්ථානාධිපතිවරයා, වැඩබලන පොලිස්පති දේශබන්දු තෙන්නකෝන් සහ නීතිපතිවරයා නම් කර ඇති බවයි වාර්තා වෙන්නේ.
කිසිදු සාධාරණ හේතුවක් නොමැතිව පොලීසිය විසින් එල්ලකල වෙඩි පහරින් තම සැමියා මරණයට පත්වීම තුළින් සිය මූලික මිනිස් අයිතීන් උල්ලංඝනය වී ඇති බවට තීන්දුවක් ලබා දෙන ලෙසත් ඒ වෙනුවෙන් වග උත්තරකරුවන්ගෙන් රුපියල් මිලියන 200ක වන්දියක් අයකර දෙන ලෙසයි ඇය සිය පෙත්සම මඟින් වැඩිදුරටත් සඳහන් කර තිබෙන්නේ.
හෙට (17) කොළඹ ප්රදේශ කිහිපයකට පැය 16 ක ජල කප්පාදුවක් සිදුවන බව ජල සම්පාදන සහ ජලාපවහන මණ්ඩලය පවසනවා.
ඒ අනුව හෙට පස්වරු 5.00 සිට 18 වන ඉරිදා පෙරවරු 9.00 දක්වා කොළඹ 11, 12, 13, 14 සහ 15 යන ප්රදේශවලට ජල සැපයුම අත්හිටුවන බවයි වැඩිදුරටත් සඳහන් වන්නේ.
නාරාහේන්පිට පොලිස් ස්ථානයේ සේවය කරන පොලිස් සැරයන්වරයෙකු සහ කොස්තාපල්වරු දෙදෙනෙක් හට අගතියට පත් පුද්ගලයෙක් ඉදිරියේ දණ නමා සමාව අයැද සිටින ලෙසට අධිකරණය නියෝග කර තිබෙනවා.
2017 වසරේ දිනයක අදාළ පුද්ගලයා නාරාහේන්පිට පිහිටි පුද්ගලික රෝහලක් වෙත යමින් සිටියදී, මාර්ගයේ සේවය කළ සනීපාරක්ෂක සේවකයෙකු අනතුරට ලක්ව සිටිනු දැක පොලිසියටද දන්වා තුවාලකරු රෝහල්ගත කර ඇති අතර, පසුව සැකකාර සැරයන්වරයා හා කොස්තාපල්වරුන් දෙදෙනා විසින් අදාළ පුද්ගලයාව අත්අඩංගුවට ගෙන පොලිස් සිර මැදිරියට දැමූ බවයි පෙත්සමක් මගින් ඔහු දන්වා සිටියේ.
නීතිවිරෝධීව අත්අඩංගුවට ගැනීමෙන් හා රඳවා තබාගැනීමෙන් අගතියට පත් කිරීම යන කරුණ යටතේ අධිකරණයට මූලික අයිතිවාසිකම් පෙත්සමක් ගොනු කර තිබුණු නමුත්, පසුව වගඋත්තරකාර පොලිස් නිලධාරින් සමග සමාදාන වීමට පෙත්සම්කරු එකඟ වී තිබෙනවා.
ඒ අනුව, ඊයේ (15) ශ්රේෂ්ඨාධිකරණයේදී මෙම නඩුව කැඳවූ අවස්ථාවේදී මින් ඉදිරියට මෙවැනි ක්රියා සිදු නොකරන ලෙසට විනිසුරුවරයා විසින් අවවාද කර ඇති අතර, ඉන්පසුව පොලිස් නිලධාරින් තිදෙනාම වෙන් වෙන්ව පෙත්සම්කරු ඉදිරියට ගොස් දන නමා වැඳ සමාව ඉල්ලා ඇති බවයි සඳහන් වන්නේ.
පිරිවෙන් භික්ෂුන් වහන්සේලා සහ සීලමාතාවන් ඇතුළු පාසල් සිසු සිසුවියන් උදෙසා 2024 වර්ෂයට අදාළ පාසල් පෙළපොත් හා නිල ඇඳුම් රෙදි බෙදා දීමේ ජාතික වැඩසටහන කොළඹ ශාන්ත අන්තෝනි බාලිකා මහා විද්යාලයේ දී ජනපති රනිල් වික්රමසිංහ මහතාගේ ප්රධානත්වයෙන් අධ්යාපන අමාත්ය සුසිල් ප්රේමජයන්ත් මහතාගේ සහභාගිත්වයෙන් අද (15) පැවැති අතර මධ්යම පළාත් ප්රධාන උත්සවය පළාත් ආණ්ඩුකාර නිතිඥ ලලිත් යු ගමගේ මහතාගේ ප්රධානත්වෙයන් මහනුවර විද්යාර්ථ විද්යලයේදි පැවැත්විණි.
ඒ අනුව පාසල් 10,126 ක හා පිරිවෙන් 822 ක ඉගෙනුම ලබන මිලියන 4.5 ඉක්මවන පාසල් ශිෂ්ය ප්රජාව හා ශිෂ්ය භික්ෂුන් වහන්සේ මෙන් ම සීලමාතාවන් ද රජයෙන් නොමිලේ ප්රදානය කරනු ලබන මෙම පෙළපොත් හා නිල ඇඳුම් රෙදි කට්ටල ප්රතිලාභීහු වෙති. මෙවරත් සිංහල, දමිළ හා ඉංග්රීසි යන මාධ්ය තුනෙන් ම පෙළපොත් මුද්රණය කර ඇති අතර ඒ සඳහා රජයට රුපියල් බිලියන 12කට ආසන්න මුදල් ප්රතිපාදන වැය කර ඇත.
මෙහිදි ආණ්ඩුකාර නිතිඥ ලලිත් යු ගමගේ මහතා කියා සිටියේ ගුණ නැණ බෙලෙන් යුතු දරුවෙකු සමාජයට දායාද කිරිම අධ්යාපනයේ පරම වගකිමක් බවත් වර්තමාන සමාජයේ කළ ගුණ සැලකිමේ ගුණය ක්රමක්රමයෙන් ඇත්විගෙන යන බවත් එසේ නොවන අධ්යාපනය වගේම ගුණවත් යහපත් දරුවෙකු නිර්මාණය කිරිමට සියලු දෙනාගේ වගකිම බවය.
මෙම අවස්ථාවට මහනුවර දිස්ත්රික් සම්බන්ධීකරණ කමිටු සභාපති/පාර්ලිමේන්තු මන්ත්රි ගුණතිලක රාජපක්ෂ, පාර්ලිමේන්තු මන්ත්රි මහාචාර්ය රංජිත් බණ්ඩාර,පළාත් ප්රධාන ලේකම් අජිත් ප්රේමසිංහ, පළාත් අධ්යාපන අමාත්යංශ ලේකම් මේනක හේරත්, නියෝජ්ය පළාත් අධ්යාපන අධ්යක්ෂ සි මයාදුන්න විදුහල්පති එම්.ආර්.පී. මායාදුන්න යන මහත්ම මහත්මින් දෙමාපියන් පාසල් සිසු දරුවන් ඇතුලු පිරිසක් එක්වි සිටියහ.
ආර්.එෆ්.එම්.සුහෙල් – නුවරඑළිය
