Latest News
Foxhill ධාවන තරගාවලිය අතරතුර සිදුවූ අනතුර සම්බන්ධයෙන් මෝටර් රථ රියදුරන් දෙදෙනෙකු අත්අඩංගුවට ගෙන තිබෙනවා.
අනතුරින් ඔවුන් දෙදෙනා ද තුවාල ලබා රෝහලගත කර ප්රතිකාර ලබමින් සිටියදී මෙලෙස අත්අඩංගුවට ගෙන ඇති බවයි වාර්තා වෙන්නේ.
අනතුරෙන් පුද්ගලයින් 7 දෙනෙකු මියගොස් තවත් පිරිසක් තුවාල ලබා තිබුණා.
දියතලාවේ පැවැත්වෙන Foxhill මෝටර් රථ ධාවන තරගාවලිය අතරතුරදී සිදුවූ අනතුරකින් පුද්ගලයින් 5 දෙනෙකු මියගොස් තිබෙනවා.
ධාවන තරගය අතරතුරදී මෝටර් රථයක් ධාවන පථයෙන් ඉවතට පැන මෙම අනතුර සිදුව ඇති බවයි වාර්තා වෙන්නේ
අනතුරින් පුද්ගලයින් 21කට ආසන්න පිරිසක් තුවාල ලබා රෝහල්ගතකර ඇති බව පොලීසිය වැඩිදුරටත් ප්රකාශ කළේ.
පාස්කු ඉරුදින ත්රස්ත ප්රහාරය හරහා මෙරට පාලකයින්ගේ වගකීම් විරහිත ස්භාවය මනාව පැහැදිලි වූ බව ජූජ්ය ඕමල්පේ සෝභිත හිමියන් පවසනවා.
එම ප්රහාරයට වගකිව යුත්තන් සොයා ගැනීමට මෙතෙක් අපොහොසත්වීම කණගාටුදායක බවයි පාස්කු ඉරුදින ත්රස්ත ප්රහාරයේ මියගිය අය සිහිපත් කිරීමේ අවස්ථාව ඇමතූ උන්වහන්සේ සඳහන් කළේ.
මෙහි සත්ය වසන් කිරීමට ඉඩ ලබා නොදිය යුතු බවත් මිය ගිය අය වෙනුවෙන් යුක්තිය ඉටුවිය යුතු බව ජූජ්ය ඕමල්පේ සෝභිත හිමියන් වැඩිදුරටත් ප්රකාශ කළා.
ඊශ්රායලයේ ශ්රී ලංකා තානාපති කාර්යාලය එරට සිටින ලාංකිකයන් පිළිබඳව නිරන්තරයෙන් විමසිලිමත්ව සිටින බව ඊශ්රායලයේ ශ්රී ලංකා තානාපති නිමල් බණ්ඩාර පවසනවා.
මේ වන විට ඊශ්රායලයේ පවතින ගැටුම්කාරී තත්ත්වය හමුවේ ශ්රී ලාංකිකයින් පිළිබඳව ගැටලුවක් ඇති නොවන බවයි තානාපතිවරයා තහවුරු කළේ.
ඊශ්රායලයේ උතුරු කලාපයේ ලෙබනන් මායිම හරහා විටින් විට ෂෙල් ප්රහාර වාර්තා වුව ද, ඒ කලාපයේ සිටි ලක්ෂ එකහමාරකට වැඩි පිරිස එම කලාපයෙන් වෙනත් ස්ථානවලට තාවකාලිකව යොමුකර ඇති බවද, ඒ අතර සිටි ශ්රී ලාංකිකයන්ද නව ස්ථානවලට ගොස් ඇති බවද තානාපතිවරයා සඳහන් කළා.
පවතින තත්ත්වය මත ගැටලුකාරී පසුබිමකට මුහුණ දෙන පුද්ගලයින් ඇත්නම් තානාපති කාර්යාලය සම්බන්ධ කර ගන්නා ලෙසයි වැඩිදුරටත් දැනුම් දෙන්නේ.
පාසල් සිසුන්ට පෝෂ්යදායි ආහාර වේලක් ලබා දීමේ වැඩසටහන වෙනුවෙන් ලෝක ආහාර වැඩසටහන මගින් ප්රදානය කළ සබලකරණය කරන ලද සහල් පාසල් වෙත නිකුත් කිරීම වේයන්ගොඩ ආහාර ගබඩා පරිශ්රයේදී අද (19) ආරම්භ කර තිබෙනවා.
පාසල් දරුවන් අතර යකඩ ඌණතාවය අවම කිරීම ඉලක්ක කර ගනිමින් සබලකරණය කරන ලද සහල් (Fortified Rice) පාසල් ආහාර වේල සඳහා ලබාදීම සිදු කරනු ලබන අතර ජනාධිපති ලේකම් කාර්යාලය යටතේ ඇති ලෝක ආහාර වැඩසටහන සඳහා වූ හවුල්කාරීත්ව ලේකම් කාර්යාලයේ අධ්යක්ෂ ජනරාල් එම්.එච්.ඒ.එම්.රිෆ්ලාන්ගේ අධීක්ෂණයෙන් මෙම බෙදාහැරීමේ කටයුතු සිදු කර ඇති බවයි වාර්තා වෙන්නේ.
ඒ අනුව පළමු අදියර යටතේ පළාත් මට්ටමින් සහල් මෙට්රික් ටොන් 735ක් නිකුත් කිරීම අද ආරම්භ වූ අතර එය හෙට (20) දිනයේද ක්රියාත්මක අතර අදාළ ප්රදේශයේ පළාත් අධ්යාපන දෙපාර්තමේන්තුවේ නිලධාරීන් හා මහජන සෞඛ්ය පරීක්ෂණ නිලධාරීන්ගේ නිරීක්ෂණය යටතේ මෙම සහල් තොගය පාසල් වෙත භාරදීම සිදු කරනවා.
මේ සම්බන්ධයෙන් නිකුත් කළ නිවේදනය පහතින්.
සිරිල් ගාමිණි පියතුමන් අද (19) දිනයේ අපරාධ පරීක්ෂණ දෙපාර්තමේන්තුව වෙත පැමිණ තිබෙනවා.
පාස්කු ඉරුදින ත්රස්ත ප්රහාරය සම්බන්ධයෙන් ප්රකාශයක් ලබා ගැනීම සඳහා සිරිල් ගාමිණි පියතුමන් මෙලෙස කැඳවා ඇති බවයි වාර්තා වෙන්නේ.
සංචාරකයින් පැමිණෙන ප්රදේශවල විශේෂ වැටලීම් සිදු කිරීමට කිරීමට තීරණය කර ඇති බව පාරිභෝගික සේවා අධිකාරිය පවසනවා.
ඒ අනුව කොළඹ ගොල්ෆේස් ප්රදේශය, අලුත්කඩේ උසාවිය ප්රදේශය, බේරුවල, බෙන්තොට, හික්කඩුව, ගාල්ල, ඇල්ල යන ප්රදේශවල රාත්රී කාලයේ වැටලීම් සිදු කරන බවයි එහි අධ්යක්ෂක වැටලීම් සහ විශේෂ විමර්ශන අංශයේ සංජය ඉරසිංහ සඳහන් කළේ.
වැඩි මිලට ආහාර විකිණීම් සහ සංචාරකයින් අපහසුතාවට පත්වන ආකාරය සම්බන්ධයෙන් වාර්තා වූ සිදුවීම් අනුව මෙම තීරණය ගෙන ඇති බවයි වැඩිදුරටත් සඳහන් වෙන්නේ.
අධ්යයන පොදු සහතික පත්ර සාමාන්ය පෙළ විභාගයට පෙනී සිටින සිසුන් සඳහා විභාග ප්රවේශ පත්ර නිකුත් කිරීම ලබන සතියේ ආරම්භ කරන බව විභාග දෙපාර්තමේන්තුව පවසනවා.
ඒ අනුව පාසල් අයැදුම්කරුවන්ට විදුහල්පතිවරුන් මාර්ගයෙන් විභාග ප්රවේශ පත්ර ලබාගත හැකි අතර, පෞද්ගලික අයැදුම්කරුවන්ට තැපැල් මගින් විභාග ප්රවේශපත් යොමු කෙරෙන බවයි එම දෙපාර්තමේන්තුව සඳහන් කළේ.
සාමාන්ය පෙළ විභාගය ලබන 6 වැනි දා සිට 15 වනදා දක්වා පැවැත්වීමට නියමිතයි.
පළාත් 7ක උණුසුම අද (18) දිනයේ අවධානය යොමු කළ යුතු මට්ටමක පවතින බව කාලගුණ විද්යා දෙපාර්තමේන්තුව පවසනවා.
උතුර, උතුරු මැද, බස්නාහිර, සබරගමුව, නැගෙනහිර, දකුණ සහ වයඹ පළාත්වල උණුසුම අද (18) දිනයේ අවධානය යොමු කළ යුතු මට්ටමක පවතින බවයි එම දෙපාර්තමේන්තුව සඳහන් කළේ.
මොණරාගල දිස්ත්රික්කයේ ඇතම් ස්ථානවල උණුසුම ද අද අවධානය යොමු කළ යුතු මට්ටමක පවතිනු ඇති බවයි වාර්තා වෙන්නේ.
මෙම තත්ත්වයෙන් ආරක්ෂා වීමට අවශ්ය පියවර අනුගමනය කරන්නැයි කාලගුණ විද්යා දෙපාර්තමේන්තුව ජනතාවගෙන් ඉල්ලා සිටිනවා.
අදාළ නිවේදනය පහතින්.
2024 පැරිස් ඔලිම්පික් උළෙලේ පළමු ගිනිසිළුව දැල්වීම ග්රීසියේ ඇතන්ස් නුවරදී සිදුකර තිබෙනවා.
ඔලිම්පික් ගිනිසිළුව ග්රීසිය තුළ දින 11 ක් ධාවනය කර ලබන අප්රේල් 26 වැනිදා ඇතැන්ස් නුවර පැරිස් ඔලිම්පික් සංවිධායක කමිටු නියෝජිත පිරිසට භාරදීමට නියමිතයි.
පසුව ජුලි 26 වනදා පැරිස් ඔලිම්පික් උළෙල සඳහා සත්කාරක ක්රීඩාංගණයට රැගෙන ඒමට නියමිත බවයි විදෙස් මාධ්ය වාර්තා සඳහන් කරන්නේ.
