Category: lifestyle

පසුගිය දා (03) විද්‍යා නඩුවේ සාක්ෂිකරුවෙකු ලෙස සාක්ෂි ලබාදුන් එකොළොස් හැවිරිදි දරුවෙකු සාක්ෂිය ආරම්භ කොට විනාඩි කිහිපයක් යත්ම සාක්ෂි කූඩුව මත ක්ලාන්ත වී ඇදවැටී ඇත. එම දරුවාගේ සාක්ෂිය ඉතා වටිනා එකක් වන්නේ මෙම ඝාතනය සිදුවන විට නව හැවිරිදි වියේ පසුවූ ඔහු දූෂණය සිදුවූ ආකාරය සහ එහි සිටි පිරිස් දෑසින්ම දැක ඇති හෙයිනි. තමා දුටු දේ දරුවා විසින් සිය මවට පැවසීමෙන් අනතුරුව මව එකී කරුණු පොලීසියට පවසා තිබේ.

සාක්ෂි කූඩුවේ ක්ලාන්ත වී ඇද වැටුණු දරුවා අසලට පැමිණි පියා ඔහුව වත්තන් කරගෙන යද්දී මහාධිකරණය විනිසුරුවරුන් පියාගෙන් අසා ඇත්තේ දරුවා අසනීපයකින් පෙළෙන්නේද යන්නයි. එවිට පියා පවසා ඇත්තේ ‘නෑ සර්, පොඩිඑකා උදේට කාලා නෑ…. කන්ඩ දෙයක් අරන් දෙන්න මගේ ලඟ සල්ලි තිබුණෙ නෑ….’ කියාය. උසාවියේ රැස්ව සිටි අය ඉහළට ගත් හුස්ම නතර වූවා සේ හැඟිණි.

වහාම ක්‍රියාත්මක වූ මහාධිකරණ විනිසුරු ඉලන්චේලියන් මහතා විනිශ්චයාසනය මත රැඳී හිඳිමින්ම තම පසුම්බිය ගෙන මුදල් නෝට්ටු කිහිපයක් උසාවියේ තෝල්කවරයා අත තැබුවේ එය පියාට ලබාදී වහාම දරුවා රැගෙන ගොස් කෑම ලබාදෙන ලෙස පවසමිනි. එතෙක් නඩුව පැයකට ආසන්න කාලයක් කල්තැබීමට විනිසුරු මඩුල්ල වහාම පියවර ගත්තේය.

හොඳින් කා බී වතුර බෝතලයක් ද අතැතිව සිනාසෙමින් නැවත අධිකරණයට පැමිණ ඇති දරුවා කිසිදු විඩාවකින් තොරව ඉතාමත්ම පැහැදිලි, චතුර ආකාරයට සාක්ෂි ලබා දී තිබේ. ඔහුගේ සාක්ෂිය කෙතරම් ප්‍රබල වීද යත් ඔහුගේ සාක්ෂිය අවසානයේදී පැමිණිල්ල අමතා ඇති මහාධිකරණ විනිසුරුවරුන් පවසා ඇත්තේ ‘තවත් මෙතනින් එහාට සාක්ෂි මෙහෙයවීමේ අවශ්‍යතාවයක් තිබේද’ යන්නයි.

උපුටා ගැනීමක්

සරුංගල්යැවීමවිනෝදාංශයක්ලෙසින්පමණක්නොවක්‍රීඩාවක්ලෙසටදප්‍රචලිතකිරීමමෙන්මඑයවැදගත්සමාජපණිවිඩයක්ගෙනයාහැකිමෙවලමක් ලෙසටදඅවබෝධකරගත්තරුණපිරිසක ගේඑකමුතුවෙන්ගොඩනැගුණුශ්‍රී ලංකාවේ ජාතික සරුංගල් සංවිධානය වන ‘කයිට්ශ්‍රී ලංකා’සංවිධානය, ශ්‍රී ලංකාවේ සංස්කෘතික ප්‍රෞඩත්වය සහදේශීය උරුමයන් සරුංගලය ආශ්‍රයෙන් ලොවටම විදහා දැක්වූ සංවිධානයකි.

කයිට්ශ්‍රී ලංකාසංවිධානයේ ප්‍රමුඛතමව්‍යාපෘතියලෙසින්වාර්ෂිකවසංවිධානය කරනුලබන, ලංකාවේජාතිකසරුංගල් සැණකෙළිය වන“නිල්අහසේවසන්තය”දිවයිනේවැඩිමකාලයක්සාර්ථකව පැවැත්වුඑකමසරුංගල් සැණකෙළියවේ.දිවයිනපුරාජාත්‍යන්තර සරුංගල් සැණකෙළි මෙන්ම සරුංගල් ආශ්‍රිත වැඩමුළු, නේවාසික කඳවුරු, සරුංගල් ආශ්‍රිත මෝස්තරනිරූපන සංදර්ශන, ඡායාරූපතරගාවලි, සිනමා උළෙල,චිත්‍රවැනිනිර්මාණ තරගාවලිආදි වශයෙන් විශාල වැඩසටහන් රාශියක් පසුගිය දස වසර පුරාවට මෙමසංවිධානය විසින්පවත්වා ඇත.

ශ්‍රී ලංකාව තුල ජාත්‍යන්තර ආයෝජකයින් ලෙස කටයුතු කරන ලෝකයේ ප්‍රමුඛ පෙළේ හෝටල් ජාල විසින් මෙන්ම, ශ්‍රී ලංකාවේ විවිධ ජනප්‍රිය රූපවාහිනී මාධ්‍ය ආයතන මගින් පැවැත්වූ සරුංගල් සැණකෙළි සහ රජයේ අමාත්‍යංශ, ආයතන, රාජ්‍ය නොවන ජාත්‍යන්තර සංවිධාන,පෞද්ගලික ආයතන, විවිධ ස්වේච්ඡා තරුණ සංවිධාන මගින් සංවිධානය කල සරුංගල් සැණකෙළි සඳහා උපදේශකත්වය සැපයීමටද, ජාත්‍යන්තර ප්‍රමිතියේ විනිශ්චය කරුවන් ලෙස කටයුතු කිරීමටද කයිට් ශ්‍රී ලංකා සංවිධානය පසුගිය වසර ගණනාව තුල සමත්වීඇත.

ශ්‍රී ලංකාවේ සංචාරක ප්‍රවර්ධනය උදෙසාද විශාල දායකත්වයක් දක්වා ඇති මෙම සංවිධානය,ලොවපුරාපැවැතිජාත්‍යන්තර සරුංගල් සැණකෙළි සහ තරගාවලිරැසක් සඳහා වසර ගණනාවක්පුරා,ශ්‍රී ලංකාවේජාතික අනන්‍යතාවයත්, සංස්කෘතියත්, දේශීයත්වයත් රැගෙනයමින් රට වෙනුවෙන්අගනාමෙහෙවරක්ඉටුකරඇත.

2017වර්ෂයේදී සිය අභිමානව ගමන්මගේදසවර්ෂපුර්ණයසාඩම්බරයෙන්සැමරීමටසුදානම් වන කයිට් ශ්‍රී ලංකා සංවිධානය ඊට සමගාමීව පසුගියදා පැවැත්වු මහසභා රැස්වීමේ දී, ඉදිරිවසරසඳහා, නවනිලධාරි මණ්ඩලයක්තෝරාපත්කරගත්අතරඅභිනවයෙන්පත්වුනවනිලධාරි මණ්ඩලයපහතපරිදිය.

සභාපති – ප්‍රසන්න අටුළුගම

ලේකම් – තේජිත සෞභාග්‍ය එදිරිසිංහ

භාණ්ඩාගාරික – එරන්ද ප්‍රනාන්දු

උප සභාපති – මිල්ටන් පිරිස්

ඉසවු කළමණාකරු – රජිත හේරත්

ජාත්‍යන්තර සම්බන්ධීකාරක – ශිරෝමි සමරකෝන්

සම සංවිධායක – මහේෂ් රණසිංහ, එම්. සමීර්, ෂෙහාන් ප්‍රනාන්දු

මාධ්‍ය සම්බන්ධීකාරක – සමන්ප්‍රියංකර නම්මුණිගේ

මුල්‍ය උත්පාදන කළමණාකරු – සුරංගිකා ලක්ෂි

එමෙන්ම‘නිල්අහසේවසන්තය’ජාතිකසරුංගල් සැණකෙළිය පැවැත්වීමත්,එයටසමගාමීව කයිට්ශ්‍රී ලංකාසංවිධානයේ දසවන සංවත්සරය සැමරීමත්, මෙම වසරේ අගෝස්තු මස 11,12,13  දිනයන්හි කොළඹ දී සහ මීගමුවේදී අතිඋත්කර්ෂවත් අයුරින් පැවැත්වීමට නියමිතඅතරදිවයිනේ ලක්ෂ සංඛ්‍යාතසරුංගල් ලෝලීන් හට ඒ සමග එක්වීමට කයිට්ශ්‍රී ලංකා සංවිධානය ආරාධනාකරසිටියි.

Web – kitesrilanka.lk
Email – info@kitesrilanka.lk , kitesrilanka@gmail.com
Face Book – Kite Sri Lanka Organization

පොදු මගී ප්‍රවාහන සේවා තුළ කාන්තාවන්ට එල්ල වන ලිංගික හිංසනයට එරෙහිව නැගී සිටින මෙන් පාර්ලිමේන්තු මන්ත්‍රීවරියන්ගේ සංසදය ඉල්ලා සිටී.

මගී ප්‍රවාහන සේවා තුළ ලිංගික හිංසනය වැළැක්වීමේ “අහක බලන්න එපා. ඔබත් මැදිහත් වෙන්න” ස්ටිකරය දියත් කිරීමේ වැඩසටහන සිදු වූයේ ශ්‍රී ලංකා පාර්ලිමේන්තු මන්ත්‍රීවරියන්ගේ සංසදයේ මූලිකත්වයෙනි.

“අපි ගොඩක් වෙලාවට දැකලා නැහැ එවැනි අවස්ථාවල කාන්තාවන් අනෙක් අතට කතා කරනවා. මොකද ඔවුන් බයයි තමන්ගේ චරිතය ඝාතනය වෙයි කියලා,” යනුවෙන් ඊට එක් වූ පාර්ලිමේන්තු මන්ත්‍රිනී හිරුණිකා ප්‍රේමචන්ද්‍ර සඳහන් කළාය.

“හැබැයි කාන්තාවන්ට ගරු කරන පුරවැසියන් විදියට පුරුෂයන්ට කෙලින්ම මේකට මැදිහත් වෙන්න පුළුවන්.”

“තමන්ගේ ශරීරය අයිති තමන්ට” බව පවසන මන්ත්‍රීවරිය කාන්තාවන්ට එල්ල වන ලිංගික හිංසනය වැළැක්වීම සඳහා කාන්තා සහ පුරුෂ යන දෙපාර්ශවයම දැනුවත් කිරීමේ අවශ්‍යතාවය පෙන්වා දෙන්නීය.

ඒ අතරවාරයේම ලිංගික හිංසනය සම්බන්ධයෙන් රටේ පවත්නා නීති දැඩි කිරීමේ අවශ්‍යතාවය ඇය අවධාරණය කරන්නීය.

සූර්ය්‍ය මංගල්‍යය ගැන කතා කිරීමට මේ සමය නොවේ නේදැයි ඔබ අසනු ඇත. කතාව ඇත්ත වුණත්  සැමදා අපූර්වතමයන්ම සොයා යන බොස්ටන් ලංකා  මේ අපූර්වතමයන්ගේ සැණකෙලි තතු කෙලෙසනම් මගහරින්නද?

By: Sanka Rambukwella 

මෙය වෙනස් කලාවකි.වරක් දෙවරක් නොව සියවරක් මෝස්තරය ගැන සිතා කටයුතු කළ යුතු කලාවකි.ගැහුවොත් ගැහුවාමය.නිර්මාණ ශිල්පියා වන ඔහුට සේම නිර්මාණය ඔහු ලවා සිදුකරගන්නා ඔබට ද එය අවධානමකි.එහෙත් අප කතා කරන කතා නායකයාට එය  අවධානමක් ද ?

“පිස්සුද මචං. කාලයක් යද්දී ඒක හුරු වෙනවා.මම මුලින්ම ටැටූ ඉගෙනගත්තේ අපේ යාලුවෝ සෙට් එකක් එක්ක එකතුවෙලා.හැබැයි ආර්ට්(චිත්‍ර) ඇඟේ තිබුණා.අවධානමක් නොතිබුණත් මම වෘත්තීය මට්ටමෙන් ටැටූ නිර්මාණ ශිල්පියෙක් නිසා සීයයට දෙසීයක් මම කරන නිර්මාණයට අවධානය යොමු කරනවා.ඒක මගේ වගකීම” ඇඩම් ඇන්ඩ් ඉන්ක් හි ටැටූ නිර්මාණ ශිල්පියා එලෙස කියාගෙන කියාගෙන යයි. බොස්ටන් ලංකා අපි ෙම් කියන්න හදන්ෙන ටිකක් ෙවනස් කතාවක්.

යුරෝපයට සාපේක්ෂව ලංකාවේ ටැටූ කලාවක් ලෙස නොව පුද්ගලයාගේ යම් ප්‍රකාශනයක් නිරූපණය කිරීම සඳහා යොදාගත්ත අවස්ථා ඉතිහාසයේ ඉතා වැඩි ප්‍රමාණයක් පවතිනවා.උදාහරණයක් විදිහට ඒ කාලේ ටැටූ සමාජයේ චණ්ඩින්ට පමණක් සීමා වුණ කලාවක් වුණා.ඒක කලාවකටත් වඩා පුද්ගලයා නිරූපණය කරන්න යොදාගත්ත සංඛේතයක් වුණා කීවොත් හරියටම හරි.ඉතිහාසය එහෙම වෙද්දි වර්තමානය සෑහෙන්න වෙනස් වෙලා.

කොළඹ ඉඳලා කඩුවෙල පැත්තට එනකොට බත්තරමුල්ල හන්දියෙදී ඔබට මේ මනරම් ටැටූ නිර්මාණ ශිල්පියාගේ ටැටූ නිර්මාණය කරන ස්ථානය හමුවෙනවා.ජාත්‍යන්තර ප්‍රමිතීන් වලට අනුකූලවම ටැටූ නිර්මාණය,අවශ්‍ය රසායන ද්‍රව්‍ය භාවිතා කරන නිසා මේ ස්ථානය වඩා විශ්වසනීයයි.

ඒ විශ්වසනීය බවත් එක්කම   වඩා කුළුපග සල්ලාපයකින් ඇඩම් ඇන්ඩ් ඉන්ක් හි නිර්මාතෘ ප්‍රවීණ ටැටූ නිර්මාණ ශිල්පී අැඩම්  අපූරු ෙතාරතුරු ෙහළි  ක ෙළ් ෙමෙලසිනි.

කොහොමද ටැටූ වෘත්තීය මට්ටමෙන් පටන්ගත්තේ ඔබ ? මුලදි බය හිතුනේ නැද්ද ?

මුලින්ම පටන්ගත්තේ යාලුවෝ එක්ක එකතුවෙලා.පස්සේ මම ටැටූ නිර්මාණය කරන ස්ථානයක වැඩ කළා කාලයක්.ඒ අත්දැකීම් එක්ක තමයි වෘත්තීය මට්ටමට ආවේ.මුලින්ම ටැටූ ගැහුවේ මගේ යාලුවන්ගේ (සිනා) ඒ නිසා බය හිතුණේ නෑ

දැන් කොච්චර කාලයක ඉඳලද ඔබ මේ ටැටූ නිර්මාණය කිරීමේ නිරත වෙන්නේ ?

දැනට අවුරුදු හතරක වගේ කාලයක ඉඳලා මම ටැටූ නිර්මාණය කරන වෘත්තිකයෙක් විදිහට වැඩ කරනවා

එදා ඉඳලා අද වෙනකොට අද ඔබ ඉන්න තත්ත්වය ගැන ඔබට සතු‍ටුයි ද ?

ඔව් ඇත්තටම.අද මේ වෙනකොට ලංකාවේ හොඳම ටැටූ නිර්මාණය කරන කිහිප දෙනා අතර මාත් ඉන්නවා,ඒ ගැන ඇත්තටම සතු‍ටුයි

ලංකාවේ දැන් ටැටූ වලට තියෙන පිළිගැනීම කොයි වගේද ?

කොළඹ පරිසරය තුළ නම් ටැටූ කියන්නේ විලාසිතාවක්.ඒක නිකම් අපි අර කරාඹුවක් පළඳිනවා වගේ වැඩක්.ගැහැණු පිරිමි බේදයක් නැතිව සිදුකරන විලාසිතාවක් හැටියටයි වර්තමානයේ ටැටූ කලාව හඳුන්වන්න පුළුවන්.ඉතින් විලාසිතාවක් බහුතරයක් අනුගමනය කරනවානම් ඒක පිළිගන්න මිනිස්සු පෙළඹෙනවා

ටැටූ කලාව තුළ කාන්තාව සහ පිරිමියා ගේ ‍තෝරාගැනීම් කොයි වගේද ?

ගොඩක් පිරිමි අය බාහුව වගේ පිටතට පේන ස්ථාන වල ටැටූ නිර්මාණය කරන්න පෙළඹෙනවා.හැබැයි කාන්තාව බොහෝ දුරට ටැටූ ගහන්නේ ශරීරයේ පිටතට නොපෙනෙන ස්ථාන වල.පිරිමි අය ගොඩක් ලොකු නිර්මාණ(ප්‍රමාණයෙන් විශාල) වලට යනවා.හැබැයි කාන්තාවන් ගොඩක් සිම්පල් නිර්මාණ තමයි අත්හදා බලන්නේ.

ඔබ ඔබේ ටැටූ නිර්මාණ සඳහා අමුද්‍රව්‍ය කොහෙන්ද ගේන්නේ.. ලංකාවේ තියෙනවද එහෙම අමුද්‍රව්‍ය ගන්න තැනක් ?

නෑ ලංකාවේ මම දන්න තරමින් නෑ.මම නම් ඒ හැමදේම ගෙන්නන්නේ ඇමරිකාවෙන්

ඒ කියන්නේ ඔබේ ටැටූ නිර්මාණ හරි ගණන් කියන එකද ?

(සිනා) රුපියල් 5000 සිට ඉහළට තමයි මම ටැටූ නිර්මාණය කරන්නේ

කෙනෙගේ ශරීරයේ ටැටූ නිර්මාණය කිරීමේදී අවශ්‍ය ඩිසයින් එක තීරණය කරන්නේ කවුද?ඔබද එහෙමත් නැත්නම් සේවාලාභියාද?

ටැටූ එකක් කරන්න එන ඕනම කෙනෙක්ට මම කියනවා එයාට අවශ්‍යය ඩිසයින් එක අරන් එන්න කියලා.අන්තර්ජාලයෙන් බලලා හරි කොහොම හරි.එයා ‍රැගෙන එන ඕනම ඩිසයින් එකක් මම නිර්මාණය කරලා දෙනවා.

ගැහැණු ළමුන් ද ඔබගෙන් ටැටූ නිර්මාණය කරගන්න පැමිණෙනවා.කොහොමද ඔබ අතින් ඔවුන්ගේ පෞද්ගලිකත්වය ආරක්ෂා වෙන්නේ ?

මම කරන්නේ වෘත්තියක්.ඒ වෘත්තියටම එක්වුණ විනයක් තියෙනවා.ඒක ගැහැණු පිරිමි දෙපක්ෂයටම පොදුයි.ඔවුන්ගේ පෞද්ගලිකත්වය ආරක්ෂා කිරීම සඳහා සියයට දෙසීයක් මම කැප වෙනවා

කෙනෙක් දැක්ක ගමන් කියන්න පුළුවන් ද ඔබට ඔහුට ගැලපෙන ටැටූ එක මොකක් ද කියලා ?

ඔව් බොහෝ දුරට කියන්න පුළුවන්

මොනවද අහන්න කැමති සිංදු ?

මම ගොඩක් අහන්නේ බටහිර සිංදු තමයි

ඒකට හේතුව ?

ටැටූ නිර්මාණය කරද්දී හොඳ එනර්ජි එකක් තියෙන සිංදුවක් අහන්න අවශ්‍යයි.ඒ නිසා බටහිර සිංදු තමයි අහන්නේ

‍ෆිල්ම් වලට කැමතිද ?

ඔව් අනිවාර්යයෙන්ම කැමතී.වැඩියෙන්ම කැමති ඇක්ෂන් ‍ෆිල්ම්ස් බලන්න

මොනවද ඉදිරි බලාපොරොත්තු ?

තව ස්ටූඩියෝ එකක් විවෘත කරන්න බලාපොරොත්තු වෙනවා

ඔබව සම්බන්ධ කරගන්නේ කොහොමද ?

මේ දුරකථන අංකය අමතලා දිනයක් වෙලාවක් වෙන් කරගන්න.0778489997.දිනයක් වෙලාවක් වෙන්කරගන්න හේතුව තමයි දවසකට මම නිර්මාණය කරන්නේ ඉතාමත් සීමිත ටැටූ ප්‍රමාණයක්.මොකද කරන වැඩේ හරියට කරන්න ඕන.දැඩි අවධානයකින්.ඒ නිසා වෙලාවක් වෙන් කරගෙන එන්න.උසස් අන්දමේ ටැටූවක් මම නිර්මාණය කරලා දෙනවා කියලා පොරොන්දු වෙනවා ඔබට.

විශේෂ ස්තූතිය – මධූ සිල්වා මහත්මියට

සංඛ රඹුක්වැල්ල – – m_sankarambukwella@yahoo.com

නදීෂ නිර්මාණ හේරත්

වෙලාව රෑ එකොලහට විතර ඇති.එකපාර නැවැත්තුවේ හයියෙන් ආපු කාර්එකක්.අන්ධකාරය හින්දා කාර් එකෙන් ආපු අයගේ මුහුණු හරියට පේන්න තිබුනෙනෑ.ඒත් රියදුරු අසුනෙ හිටිය මැදිවියේ කාන්තාවගේ රත්පැහැ තොල් පෙති අන්ධකාරය තුලත් දිලිසෙන්න ගත්තා.මේ කාන්තාවත් අනෙක් පස උන් කාන්තාවත් මාර්ගය අසල මෙච්චර වෙලා රස්තියාදුකාරයෙක් මෙන් නොඉවසිල්ලෙන් සිටි තරුණයාට අතින් සන් කල අතර ඔහු මෝටර් රථය තුලට නැගගත්තේය.

 ඒ කොලොම්පුරේ එක්තරා දිනයක අවසානයට හෝරා කිහිපයකට පෙරයි.තරුණයාගමන්ගත්තේ අතුරුගිරියේ පිහිටි එක්තරා සුවිසල් නිවාස සංකීර්ණයක් වෙතයි.

” කමෝන් බෙිබි” රත් පැහැ දෙතොල් උල් කල ඇය ඔහු හට අඬගැසුවේ උඩු මහලට යන පීඨිකාව වෙතටයි.තරුණයාද ඔවුන් දෙදෙනා අනුගමනය කරමින් පසුපසවැටෙයි.ඔය අතර එක් තැනැත්තියකගේ දුරකථනය  නාදවෙයි.

    ” හෙලෝ ඔන් මිනෝ,හම්බ වුනා.අපි දැන් ඇතුලෙ දැන්” මේ කතා බහඅතරතුර අපට දකින්න ලැබෙන්නේ එක්තරා සොදුරු අවස්ථාවක් නම් නොවේ.අගනුවර පවතින එක්තරා සමාජ සංස්කෘතියක මුහුණත මෙසේ අපි දකින්නෙමු එනම් තරුණයින්,විවාහක මිල මුදලින් උසස් අයගේ ග්‍රහණයට ලක්වීම අද වන විට ජනප්‍රිය නොවුනු සංස්කෘතික අංග ගණයට වැටෙන්නකි.

එහි පවතින වැරැද්ද අපි එකහෙලා හෙලි නොකලද ඇතැම් ව්ට එහි සදාචාර විරොධී ක්‍රියාවලියක ආරම්භයයි. අන්තර්ජාලය හරහා මෙම මැදිවියේ කාන්තාවන් තරුණ පිරිමි සොයා යන අතර තමන්ට නතුවන තරුණයින්ගේ අදහස් දැනගැන්මට ඔවුන් යම් කිසි කාලයක් ගත කරනු ලබයි.විශ්වාසය ඇතිවන්නට ඔවුන්ගේ පරීක්ෂණ මගින් සමත් විය යුතු අතර ඒ අනුව තම හමුවීම් දින වේලාවන් සකසා ගනී.අනතුරුව මුල් දිනයේ තනිව මුණගැසෙන ඇය නිවසින් පිටත තැනක තනිවෙයි.එහිදී තරුණයාගේ හැසිරීම් කෙබදුද යන කාරණාව වටහා ගනී.සමහර අවස්ථා වලදී මුල් අවස්ථාව වේදී ම තරුණයන්ව එපා වෙන කාරණා ද ඇතිවේ.එවිට ⁣මෙම කාන්තාවන් ඉන් ඉක්මනින් ඉවත්වන අතර කතාකරන දුරකථන අංකද වෙනස් කර ගනී.

විශ්වාසය තහවුරු කල තරුණයන්ව තම අනෙක් සමාජිකාවන්ට හදුන්වාදීමේ සාදය ට රැගෙන යන්නේ ඊට දින කිහිපයකට පසුවය.එහිදී තරුණයන් හට මධුවිත,රස මසවුලු ආදිය ලැබෙන අතර රාත්‍රියේ සිට පසුදා පහන්වනතුරාම මියුරු සංගීත රාවය අතරතුර මෙම කාන්තාවන් ඔවුන් හා රති කෙලියේ යෙදෙන අතර ඒ අතරතුර මෙම තරුණයන්ද තම අගහිගකම් පවසා මුදල් ලබා ගැනීමට තරම් ම සූක්ෂ්ම වෙයි.

මෙය අද වනවිට කොළඔ අවට සිදුවුවද අතරින් පතර මෙම කණ්ඩායම් රටේ අනික් ප්‍රදේශ වල ද සාද පවත්වන අතර මේ සියල්ලගේම පෞද්ගලිකත්වය වසන් කිරීම ට ඔවුන් වගබලා ගනී.කෙසේ වෙතත් මෙවන් aunty පාටි ආදියට සමාජ සම්මතයට එරෙහි දෙයක් වුවද එය වැරදි යැයි තීරණය කරමින් නීතිමය පියවරක් ගැනීම ගැන නම් තවමත් නිශ්චිත අදහසක් නොමැත

නදීෂ නිර්මාණ හේරත් – naddygossip@gmail.com

නීතිඥ උපුල් කුමාරප්පෙරුම

බුද්ධ වර්ෂ නවසිය හැත්තෑ හයක් වූ සමයක සොත්ථිසේන නම් රජෙකු ලක්දිව මහරාජයානන් සේ කිරැලු පලන් සේක. 

එකල්හී සොත්ථිසේන රාජෝත්තමයණ්ගේ අගමෙහෙසිය වූ සංඝා නම්වූ කුමරියෙක විසින් සොත්ථිසේන මහාරාජෝත්තමයාණෝ කිරැලු පලන් දිනයේදීම ඝාතනය කරන ලද්දාහූය. සොත්ථිසේනයන් රජකම් කල කාලය ගත් කල්හී එය එක්දිනක් වන්නේය.

සොත්ථිසේනයන්ට වූ අබග්ගය මහාවංශයෙහි සඳහන්වැ තිබියදී මාගේ මිත්තණියන් මා හට කියා පෑවේ කෙදිනක හෝ මාද චතුරයෙකු බවට පත් කිරීමේ අදහසක් ඇයගේ චෛතිසිකයන් තුල පෙරදැරි කරගෙන වන්නට විය යුතුයැ.

ලක්මිණ රණසිංහ

ඇර සොයිසා ඇරෝ ඇරෝ… සික්සර් අස්සේ හදවත ගැස්සෙන විසේකාර විස්සයි විස්සේ තරගාවලියක් දිනපු අපේ කොල්ලන්ට සුබ පතමින් අද මම කියන්න යන්නේ ක්‍රිකට් ගැන. ඔස්ට්‍රේලියාවට එරෙහිව තිබ්බ විස්සයි විස්සේ තරගාවලිය අපි දින්නා. ඔස්ට්‍රේලියාවත් එක්ක තිබ්බ පළවෙනි විස්සයි විස්ස මැච් දෙකම දින්නෙ අන්තිම බෝලෙට 4 ක් ගහලා. පිස්සු කොර! පරදින්න තිබුන මැච් 2 ක් අනිත්ම ඕවර් වලදී ගොඩදාපු විදිහ බලාගෙන ඉන්නකොටත් නිකම් හාට් ඇටෑක් වගේ. මැච් දෙකේදිම අන්තිම ඕවර් දෙක්දී ඕස්ට්‍රේලියන් බෝලස්ලට පන්න පන්න නෙළුවා. අසේල ගුණතරත්න නෙළුවා නෙළිල්ලක් කැන්ගරුවන්ට දුවන්න. පිස්සු හැදෙයි සඳ බැබළෙයි කිව්වලු. කොහොම කොහොම හරි අන්තිම ඕවර්වලදී අපේ කොල්ලෝ අවේස වෙලා වගේ හයේ හතරේ පාරවල් ගහලා මැච් දෙකම ගොඩ දානකොට අපේ හිතට ආපු ගැම්ම තමයි මචං ගැම්ම.

        අපේ හාට් එක ගැස්සෙන අස්සේ සික්සර් වැස්සක් වස්සලා කැන්ගරුවන්ට එරෙහිව විස්සයි විස්සේ ටූනමන්ට් එක දින්නා තමයි. ඒත් ඊට කලින් අපේ කොල්ලො ටික හිටු කියලා පරාද වෙනකොට ගොඩක් අය ටීම් එකට බැන්නා. හූ කිව්වා. කිණ්ඩි දාම්මා.. නෝණ්ඩි කළා.. ඒත් දැන් දිනනකොට හැමෝම ටීම් එකට හොඳ කියනවා. ඒත් මචං… දිනනකොට එක විදිහට සලකන, පරදිනකොට තව විදිහට ක්‍රමය එච්චර හොඳ දෙයක් නෙමෙයි. දින්නත් පැරදුනත් අපේ රට වෙනුවෙන් ක්‍රීඩා කරන කොල්ලන්ට ශක්තියක් දෙන්න තමයි අපි හැමතිස්සෙම ට්‍රයි එක දෙන්න ඕනෙ. 1996 ලෝක කුසලානය දින්නට පස්සේ විස්සයි විස්ස ලෝක කුසලානයකුත් දිනන්න අපිට පුළුවන් වුනා.

                අපේ ක්‍රිකට් ටීම් එකට වගේම අපිටත් එදිනෙදා ජීවිතේදි එක එක විදිහේ ප්‍රශ්න එනවා. ඒ ප්‍රශ්නත් හරියට වේගයෙන් එන යෝකර් පන්දු වගේ. එහෙමත් නැත්නම් ඔළුව ළඟින්ම යන වේගවත් බවුන්සර් පන්දු වගේ. ඒත් නැත්නම් අපිට හිතාගන්න බැරි විදිහට දඟකැවෙන දූස්රා පන්දු වගේ. ඒත් ලංකාව ගහන ක්‍රිකට් මැච් එකක තියන සොමිය අපේ බොක්කට දැනෙනකොට අපේ ජීවිතේ තියන හැම අවුලක්ම මොහොතකට අමතක වෙනවා. අනූ හයෙත් දුන්නා බැටේ – මේපාරත් දෙනවා බැටේ කියලා කෑගහලා චියර් කරනකොට අපේ හදවතට දැනෙන හැඟීම වචනවලින් විස්තර කරන් බෑ. අපේ කොල්ලො බැට් කරනකොට ලණුව උඩින් ඇරෝ ඇරෝ කියලා අපි චියර් කරනවා. අපේ කෝල්ලො බෝල් කරනකොට මැදපොල්ලට ඇරෝ ඇරෝ කියලා චියර් කරනවා. ඇත්තමට ක්‍රිකට් ක්‍රීඩාව කියන්නෙ ක්‍රීඩාවකටත් වඩා එහා ගිය විසේකාර සංස්කෘතියක්. එහෙමත් නැත්නම් විසේකාර විලාසිතාවක්. ඒ විලාසිතාවේ තියන රසයට අපි කවුරුත් ආසයි.

        ලෝකෙ කොහේ හිටියත් ලංකාව ගහන මැච් එකකට ගිහිල්ලා පපරේ සද්දෙට සෙට්වෙලා ලංකාව වෙනුවෙන් චියර් කරන එකේ පට්ටම ආතල් එකක් තියනවා. පපරේ බීට් එක ඇහෙනකොටත් අපේ හාට් බීට් එක හීට් වෙලා පපරේ බීට් එකට පටස්ගාලා සෙට් වෙනවා. මේ පපරේ බීට් එක විශාල ක්‍රිකට් ක්‍රීඩාංගනයක් ඇතුලේ ඇහෙනකොට අපිට අමුතුම ගැම්මක් ශ්‍රී ලාංකිකත්වයන් බොක්කට දැනෙනවා. ඒ ගැම්මයි ක්‍රිකට්වලට අපේ බොක්‍කෙ තියන ඇම්මයි එකතු වුනහම ‍ලෝකෙ කොහේ හිටියත් ලාංකිකත්වය අපේ බොක්කට දැනෙනවා. ‍ක්‍රිකට් තරගවලදී  අපේ බොක්කට දැනෙන මේ ජවසම්පන්න පපරේ බීට් එක ලංකාවටම ආවේණික අමුතුම සංස්කෘතියක්. පපරේ සහ ශ්‍රී ලංකාවේ ක්‍රිකට් තරග අතර සම්බන්ධයක් ඇති වුන ඉතිහාස කතාවත් හරිම රසවත්. ඒ රවසත් කතාවත් ඉදිරියේදී මම අනිවාර්යෙන්ම කියන්නම්. එහෙම් මම නවතිනයා ලබන සතියෙක් බොක්ක අප්ටේඩ් කරගන්න සෙට් වෙන්න.

fb – Lakmina Ranasinghe

lakmina.ranasinghe@gmail.com