Category: gossip_sub

කැකිරාව ප්‍රාදේශිය සභාව යටතේ මෙතක් කල් පවත්වාගෙන ආ බව කියන කැකිරාව නගරයපවත්වාගෙන යනු ලබන සති පොල මෙවර ප්‍රාදේශීය සභාව මඟින් කැකිරාව ප්‍රදේශයේ පුද්ගලයකුට ටෙන්ඩර් ලබා දිමට කටයුතු කර ඇතැයි ද ටෙන්ඩර්කරු විසින් අසාධාරණ ලෙස ඉහළ බදු මුදලක් තමන්ගෙන් එකතුකරන බවද කැකිරාව සතිපොල වෙළදුන් චෝදනා කරයි.
ඒ අනුව සතිපොල බදු අය කිරිමට පැමිනි ටෙන්ඩර් කරු ඇතුලු ⁣පිරිස අධික බදු මුදලක් තමන්ගෙන් අය කල බවද එය තමනට දරා ගැනිමට නොහැකි බවද පවසන වෙළදුන් වෙනත් සති පොලවල් වල එලෙස අසාධාරණ බදු මුදල් අය නොකරන බවද පෙන්වා දෙති.
මෙහිදි අද සතිපොල මුදල් එකතු කිරිමට පැමිණි පිරිස හා වෙලෙදුන් අතර තරමකඋණුසුම් තත්වයක්ද හට ගැනින.
මෙලෙස අසාධාරණ ලෙස බදු මුදල් අය කළ ද සතිපොළ වෙලෙදුන්ට අවශ්‍ය වැසිකිළී පහසුකම්හෝ සතිපොළ භූමියේ නිසි ලෙස නොමැති බවද එම වෙළෙදුන් පෙන්වා දෙති.
මෙහි වෙලදාමේ නිරත ඇතැම් පිරිස් දැනට වසර 40ක පමණ කාලයක සිට මෙම පොලෙහි වෙලදාම් කටයුතුවල නිරත වන බවද එම ඉතිහාසයේ මෙවැනි අසාධාරන බදු මුදල් අයකිරිමක් සිදු නොවු බවද ඔවුහු පෙන්වා දෙති.
මේ අනුව සතිපොලෙන් අය කෙරෙන නව බදු මුදල් සදහා වෙලදුන්ගේ දැඩි විරෝධතාවයක් ද එල්ලවි තිබේ. ඔවුන් පෙන්වා දෙන්නේ තම ව්‍යාපාරික කටයුතු වලට මෙලෙස අසාධාරන ලෙස බදු පැනවිම මගින් තමන් කබලෙන් ලිපට වැටි ඇති බවයි. එසේම මෙලෙස අසාධාරණ ලෙස අයකරන බදු මුදල සෘජුවම සභාවට හෝ රජයට නොලැබෙන බවත් එය තුන්වන පාර්ශවයක් වන ටෙන්ඩර්කරුගේ අතට පත්වන බැවින් මේ සදහා සාධාරනයක් ඉටුකරන ලෙසත්, තමන් මෙම රජයෙන් බලාපොරොත්තු වු සහනය මෙය නොවන බවත් වෙලෙ⁣දුන් පෙන්වා දෙති.
සතිපොල ටෙන්ඩරය ලබා ගත් පුද්ගලයා පවසන්නේ එම බදු මුදල් අයතිරීම ප්‍රාදේශීය සභාවේ තීරණයක් අනුව සිදුකරන බවයි.
මෙම අවස්ථාවේ කැකිරාව ප්‍රාදේශීය සභාවේ ආණ්ඩු පක්ෂ බලය හිමි ජාතික ජනබල වේගයේ මංත්‍රීවරයකු වන නවරත්න බංඩාර මහතාද සති පොලට පැමිණී සිටි අතර ඔහුට ද මෙම අසාධාරණ බදු අයකිරීම සම්බන්ධයෙන් කරුණු දැක්වීමට වෙළෙදුන් කටයුතු කරනු ලැබීය. වෙළෙදුන් හමුවේ ඔහු කියා සිටියේ තමන්ද එම අවස්ථාවේ ගැටළුව ගැන නොදන්නා බවත් තමන්ද බඩු ගන්න පොලට ආ බවයි. කෙසේ වෙතත් මෙවළදුන් පත්ව ඇති මෙම අපහසුතාවය සම්බන්ධයෙන් ස භාව දැනුවත් කරන බවටද මංත්‍රීවරයා එහිදී වෙළෙදුන්ට පොරොන්දු විය.
කැකිරාව සතිපොල වෙළදුන් ඉල්ලා සිටින්නේ ටෙන්ඩරය අහෝසි කර පෙර පැවැති ලෙස මෙම පොල සදහා ප්‍රාෙද්ශී්‍ය සභාව යටතේම පවත්වාගෙන යමින් බදු අය කිරිම ප්‍රාදේශිය සභාව මඟින් සිදුකර එම සමස්ථ බදු මුදල සෘජුවම රජයේ පාර්ශවය වෙනුවෙන් ප්‍රාදේශීය සභාවට අයවන ලෙස කටයුතු කරන ලෙසයි.
වෙළෙදුන් පවසන්නේ මෙලෙස අසාධාරණ බදු මුදල අයකරන්නේ නම් ඉදිරියේදී සතිපොල ව්‍යාපාරිකයින් ලෙස තමන්ට ද දැඩි තීරණයක් ගැනීමට සිදුවන බවයි.

හම්බන්තොට දිස්ත්‍රික්කයේ මහවැලි ගොවීන්ට නිසි අයුරින් ජලය නොලැබෙන පසුබිමක දේශපාලනඥයින්ගේ උවමනාවන් මත DC 7 ඇළ මාර්ගයෙන් මාර්ග සංවර්ධන අධිකාරියට අයත් කණුවක් භාවිත කර වෙනත් ගොවීන් පිරිසකට ජලය ලබාදීමකට කරයුතු කරන බවට පවසමින් මහවැලි ගොවීන් විරෝධතාවක් සිදුකර තිබේ.

ඔවුන් පවස්නේ මාර්ග සංවර්ධන අධිකාරියට අයත් කණුවක් භාවිත කරමින් නීති විරෝධී ලෙස හම්බන්තොට කෑලියපුර ප්‍රදේශයේ DC 7 ඇලෙන්, හම්බන්තොට ස්වර්ණමාලි වැව ප්‍රදේශයේ මහවැලි නොවන ගොවින් පිරිසකට ජලය ලබාදීමට යම් කිසි පිරිසක් උත්සාහ දරණ බවය.

පසුගිය 03වනදා පිරිසක් විසින් ජලය ගෙනයාම සඳහා අදාළ කානුවක පිලිසකර කර තිබේ.

එම ස්ථානයට ගිය මහවැලි ගොවින් ඒ සම්බන්ධයෙන් ප්‍රශ්නකරන විටදී ඔවුන් පවසා ඇත්තේ වැසි ජලය ගෙනයාම වෙනුවෙන් මාර්ග සංවර්ධන අධිකාරියේ අවසරය ඇතිව අදාළ කානුවේ පවිත්‍රතා කටයුතු කරණ බවය.

මෙවන් පසුබිමක පසුගිය 04 වනදා වනවිට එම කානුව  DC 7 ඇළ මාර්ගය දක්වා දික්කොට අදාළ ඇලට කොන්ක්‍රීට් බෝක්කුවක්ද දමා ඇළ මාර්ගය ද හරස් කර තිබු බව ගොවින් පවසයි.

ඒ අනුව අද (05) පෙරවරුවේ අදාළ සිදුවීම සඳහන් කරමින් සිය විරෝධතාවය දන්වා මහවැලි ගොවීන් විසින් හම්බන්තොට මයුරපුර මහවැලි කොට්ඨාශයේ, කළමනාකරණ කාර්යාලයේ කොට්ඨාශ කළමනාකරුට ලිපියක් ලබා දීමට පැමිණ තිබේ.

නමුත් අදාළ නිලධාරියා ගොවීන්ගේ ගැටලුවට නිසි පිලිතුරක් ලබාදීමට නොපැමිණීම හේතුවෙන් නොසන්සුන් තත්ත්වයක් හට ගෙන තිබුණි.

පසුව පොලීසිය පැමිණ අදාළ කොට්ඨාශ කළමනාකරු සමඟ ගොවින්ට සාකච්ඡාවක් ලබාදීමට කටයුතු කලත් කොට්ඨාශ කළමනාකරු ගොවීන්ගේ ගැටලුවට නිසි පිළිතුරක් ලබාදීමට සමත්ව නැත.

එම අවස්ථාවේ දී එම ස්ථානයට පැමිණ සිටි අම්බලන්තොට ප්‍රාදේශීය සභාවේ හා හම්බන්තොට මහා නගර සභාවේ මාලිමා මන්ත්‍රීවරුන් දෙදෙනෙකු එම ගැටලුවට මැදිහත්වීමත් සමඟ ගොවින් සහ ඔවුන් අතර දැඩි නොසන්සුන්තාවයක් ඇතිව තිබේ.

ගොවින් පවසන්නේ ගොවින් හා නිලධාරීන්ගේ ගැටලුවලට මේ ආකාරයෙන් දේශපාලඥයින්ගේ අනිසි මැදිහත්වීමක් තමන් බලාපොරොත්තු නොවන බවය.

කෙසේ වෙතත් ගොවින් ඒ සඳහා දැඩි  විරෝධය දක්වමින් අදාල නිලධාරීන්ට එරෙහිව ඉදිරි නීතිමය පියවර ගන්නා බව පවසමින් එම ස්ථානයෙන් පිටව ගිය බව  වාර්තාකරු පවසයි.

සැකකරුවකුගේ රුව තමාගේ රුව සමඟ පටලවාගනිමින් බොරැල්ල පොලිසියේ නිලධාරීන් පිරිසක් තමාට පහරදුන් බවට දැරණියගල ප්‍රදේශයේ පුද්ගලයෙක් චෝදනා කර තිබේ.

මෙම සිද්ධියට මුහුණ පා ඇත්තේ දැරණියගල ප්‍රදේශයේ කුඩා අවන්හලක් පවත්වාගෙන අයෙකි.

දෙසැම්බර් 30 වැනිදා රාත්‍රීයේ කොහුවල බෝධියාවත්ත ප්‍රදේශයේදී වෙඩි තැබීමක් සිදුවූ අතර ඉන් 16 හැවිරිදි දැරියකට තුවාල සිදු විය.

එම සිද්ධියට අදාළව පොලිසියට අවශ්‍ය කරන සැකකරුවෙක් අත්අඩංගුවට ගැනීම සඳහා පොලිසිය මහජන සහාය පතමින් අතින් අඳින ලද සැකකරුවෙකුගේ සිතුවමක්ද මාධ්‍ය ඔස්සේ ප්‍රසිද්ධ කර තිබුණි.

මෙවන් පසුබිමක දැරණියගල ප්‍රදේශයේ කුඩා අවන්හලක් පවත්වාගෙන යන ළහිරු මධුසංඛ නැමැත්තා ඉකුත් ජනවාරි පළමුවැනිදා කොළඹට පැමිණ තිබුණේ සිය ව්‍යාපාරයට අවශ්‍ය බඩුබාහිරාදිය රැගෙන යාම සඳහාය.

ඔහු එදින රාත්‍රීයේ බේස්ලයින් මාවතේ පිහිටි සිය බිරිඳගේ නිවසේ රැඳී සිට ඇති අතර ඊට පසුදින උදෑසන කාලයේ එම නිවසට පොලිස් නිලධාරීන් පැමිණ තිබුණි.

අනතුරුව ස්ව කැමැත්තෙන් ප්‍රකාශයක් ලබාදීමට බොරැල්ල පොලිසිය වෙත ගිය තමන්ට අදාළ සැකකරුගේ සිතුවම පෙන්වා පොලිස් නිලධාරීන් පහරදුන් බවට තරුණයා චෝදනා කර ඇත.

දින 2කට ආසන්න කාලයක් බොරැල්ල පොලිසියේ රඳවා සිටි ළහිරුව ඉන් නිදහස් කර ඇත්තේ ඉකුත් 3 වැනිදා පස්වරුවේදීය.

මෙම චෝදනාව සම්බන්ධයෙන් අද දෙරණ බොරැල්ල පොලිසියේ ස්ථානාධිපතිවරයාගෙන් විමසීමක් සිදු කළේය.

එහිදී ස්ථානාධිපතිවරයා පැවසුවේ සැකපිට අත්අඩංගුවට ගත් අදාළ තරුණයාගේ තොරතුරු පරීක්ෂා කර පොලිස් ඇප මත මුදාහැරීමට පියවර ගත් බවය.

කෙසේවෙතත් ඔහුට පහරදුන් බවට පොලිසියට එල්ල වන චෝදනා ප්‍රතික්ෂේප කරන බව බොරැල්ල පොලිසියේ ස්ථානාධිපතිවරයා සඳහන් කළේය.

උණවටුන වෙරළ තීරයේ අවන්හලක් අසලදී ඕස්ට්‍රේලියානු ජාතික මාධ්‍යවේදිනියගේ වටිනා ජංගම දුරකතනයක්, බැංකු කාඩ් ඇතුළු මුදල් තිබු අත්බෑගයක් සොරාගැනීමේ සිද්ධියකට සම්බන්ධ සැකකරුවෙකු අත්අඩංගුවට ගැනීමට උණවටුන සංචාරක පොලිසිය සමත් වී තිබේ.

ඕස්ට්‍රේලියානු ජාතික මාධ්‍යවේදිනියක් වන මෙම තරුණිය ශ්‍රී ලංකාවේ සංචාරය සඳහා පැමිණ ඇත්තේ තනිව සංචාරය කරන්නියක් ලෙසය.

සොරාගත් බෑගය තුළ iPhone වර්ගයේ ජංගම දුරකතනයක්, විදේශීය මුදල් සහ බැංකු කාඩ්පත් ද තිබී ඇත.

ඇය ඒ සම්බන්ධයෙන් අද (04) උණවටුන සංචාරක පොලීසියට පැමිණිලි කිරීමෙන් පසු පොලිසිය විසින් සැකකරු මෙලෙස අත්අඩංගුවට ගෙන තිබේ.

අත්අඩංගුවට ගත් සැකකරු හෙට (05) ගාල්ල මහේස්ත්‍රාත් අධිකරණයට ඉදිරිපත් කිරීමට නියමිත අතර සිද්ධිය සම්බන්ධයෙන් පොලීසිය වැඩිදුර පරීක්ෂණ පවත්වයි.

දෙහිවල ප්‍රදේශයේ වැඩපලක් ඉදිරිපිට තිබී පුද්ගල මළසිරුරක් සොයා ගෙන තිබේ.

පොලීසිය සැකපල කරන්නේ පහරදීමෙන් මෙම ඝාතනය සිදුව ඇති බවට ය.

මෙලෙස ඝාතනය ලක්ව ඇත්තේ දෙහිවල, සන්ජයපුර වෛද්‍ය පාර ලිපිනයේ පදිංචි පුද්ගලයෙකු වේ.

ගල්කිස්ස වැඩ බලන මහේස්ත්‍රාත් ගීත්ම ප්‍රනාන්දු මහතා විසින් මේ සම්බන්ධයෙන් මහේස්ත්‍රාත් පරීක්ෂණය සිදු කර ඇත.