Category: entertainment

ජය ශ්‍රී ලා කියන්නේ කවදත් තමන්ගේම වුණු අනන්‍යතාවයක් තුළින් සංගීත ක්ෂේත්‍රයේ නිර්මාණ කරන දෙන්නෙක්. වැඩි කාලයක් ලංකා‍වේ නොරැඳුණත් ජය ශ්‍රී ලා කාලෙන් කාලෙට ලංකාවට ඇවිල්ලා තමන්ගේ අලුත් නිර්මාණ රසිකයින් අතට පත්කරනවා.

පහුගියදා ජය ශ්‍රී ලා ඔවුන්ගේ අලුත්ම නිර්මාණය වෙන ‘මතුවෙන්න – The Diamond Story’ ජය ශ්‍රී යූ ටියුබ් නාලිකාවෙන් එළිදැක්වූවා. අපේකම අගයන ජය ශ්‍රී කණ්ඩායම ප්‍රසංග වේදිකාවේ ගායනා කරන ගීත වෙනුවට කාලෙකට පස්සේ නිර්මාණය කරපු ඔවුන්ගේම ගීතයක් විදියට මේ ‘මතුවෙන්න’ ගීතය හඳුන්වන්න පුළුවන්.

‘සිව්කොණ එකතුවෙලා

ජය කණුව සොයනා වෙලේ

සතුටෙන් එකතුවෙලා දූ පුතුන් හිනැහෙන බිමේ ‍

ජයගන්නට හැකි තුරුම්පුවක් වී

ලොවටම පෙන්වන්න

මතුවෙන්න – පණදෙන්න

රුවි‍තේ – විඳගන්න

ජයගන්න’

දියමන්තියක් වගේ තමන්ගේ හැකියාවන් ඔපමට්ටම් කරගෙන නැගී සිටින්න කියන ආරාධනයත් ජය ශ්‍රී ලා මේ ගීතයෙන් කරනවා. ජයගන්නට හැකි තුරුම්පුවක් නැගිටින්න යනුවෙන් ඔවුන් මේ ආරාධනා කරන්නේ තාරුණ්‍යයටයි. ජය ශ්‍රී ගායනයෙන් හැඩවුණු මේ ගීත‍යේ පද රචනය වගේම රූප රචනය කරලා තියෙන්නේ සමන් අමුණුකන්ද. මෑත කාලවේ ජනප්‍රිය ගීත ගණනාවක සංගීත නිර්මාණ ශිල්පියා වුණු රැප්සිලා (සාරංග දිනේෂ්) මෙහි සංගීත නිර්මාණයට දායක වී තිබෙනවා.

ලංකාවේ තිබෙන සුන්දර හා ආකර්ශණීය තැන් ගණනාවක මෙහි රූපගත කිරීමේ කටයුතු සිදුකරලා තියෙනවා. දික්වැල්ල, හිරිකැටිය, නිලාවැල්ල, නිකවැරටිය, යාපනය ඒ අතරින් විශේෂයි.

ඒවගේම, මේ ඩයමන්ඩ් කතාවේ තියෙන අනෙක් විශේෂත්වය වෙන්නේ සමස්ත ගීතයම ඩයමන්ඩ් තේමාව අනුව යමින් නිර්මාණය කර තිබීමයි. ගීතය පුරාම ඩයමන්ඩ් සංකේතත් දැකගන්න ලැබෙනවා. ගම හෝ නගරය යනුවෙන් කිසිම වෙනසක් නැතිව මේ ඩයමන්ඩ් සංකේතය දැකගන්නට හැකිවෙනවා. මේ ඩයමන්ඩ් කතාව ජය ශ්‍රී යූ ටියුබ් නාලිකාවෙන් අද වෙද්දී දැකබලාගන්නට හැකියි.

ජය ශ්‍රී ලා කියන විදියටම කිසිම භේදයක් නැතිව හිතවත්කම් වලින් පිරී අනාගතය දකින යහපත් මිනිස්සු වෙන්නටයි  මේ ආරාධනය.

https://www.youtube.com/watch?v=S-1ojnwe1qY

 

සෞන්දර්ය කලා විශ්ව විද්‍යාලයේ නර්තන හා නාට්‍ය කලා පීඨයේ නාට්‍ය, මුද්‍රා නාට්‍ය හා නූතන නර්තන අධ්‍යයනාංශයේ තෙස්පියන් නාට්‍ය සංගමය විසින් නාට්‍ය උළෙලක් සංවිධානය කර තිබෙනවා.

ඒ අනුව ජුලි 22 වනදා සිට 28 වනදා දක්වා දින හතක් මෙය පැවැත්වීමට නියමිත අතර මෙහිදී නාට්‍ය රැසක් පැවැත්වීමට නියමිතව තිබෙනවා.

මෙහි ප්‍රවේශ පත්‍ර සම්බන්ධ තොරතුරු සඳහා 0757585998 හා 0717691759 දුරකථන අංක ඔස්සේ සම්බන්ධ විය හැකියි.

මේ වන විට වේගයෙන් ජනප්‍රිය වෙමින් පවතින නවතම සමාජ මාධ්‍ය ජාලය වන Threads ට එරෙහිව නීතිමය ක්‍රියාමාර්ග ගැනීම සම්බන්ධයෙන් සලකා බලන බව Twitter සමාගම පවසනවා.

Threads සමාජ මාධ්‍ය ජාලය බොහෝ දුරට Twitter ට සමාන වන අයුරින් Meta සමාගම විසින් නිර්මාණය කර තිබෙන බවයි ඔවුන් සඳහන් කරන්නේ.

Twitter නීතීඥයින් විසින් Meta ප්‍රධානී මාර්ක් සකර්බර්ග් වෙත ලිපියක් යවා චෝදනා කර ඇත්තේ, ට්විටර් හි වෙළඳ රහස් සහ වෙනත් බුද්ධිමය දේපළ ක්‍රමානුකූලව, හිතාමතා සහ නීති විරෝධී ලෙස සහ අනිසි ලෙස පරිහරණය කරන ලද බවයි.

වසර දෙකකට වඩා වැඩි කාලයක් අක්‍රීය තත්ත්වයේ පවතින ගිණුම් ඉවත් කිරීමට කටයුතු කරන බව Google සමාගම පවසනවා.

2023 වසරේ අවසාන වන විට අවම වශයෙන් වසර දෙකකට වැඩි කාලයක් අක්‍රීයව පවතින ගිණුම් මෙලෙස මකා දැමීමට Google සමාගම තීරණය කර ඇති බවයි ඔවුන් පවසන්නේ.

ගිණුම් වෙත අනවසර ප්‍රවේශය වැළැක්වීම ඇතුළු සයිබර් ආරක්ෂක තර්ජන වැළැක්වීමේ පියවරක් ලෙස මෙම පියවර ගෙන ඇති බවයි වාර්තා වන්නේ.

මෙම ගිණුම් ඉවත් කිරීමත් සමඟ එයට සම්බන්ධ Gmail, Docs, Drive, Meet සහ Calendar මෙන්ම YouTube ඇතුළු Google Workspace අන්තර්ගතයන් සියල්ලද ඉවත් වන බව එම සමාගම වැඩිදුරටත් සඳහන් කරනවා.

දන්නෝ බුදුන්ගේ ශ්‍රී ධර්මස්කන්ධා ගීතය ජාතික උරුමයක් බවට පත්කිරීමට අමාත්‍ය මණ්ඩල අනුමැතිය හිමිව තිබෙනවා.

මෙම ගීතය මෙරට ජාතික ගීය භාවිතයට ගැනෙන උත්සව හා වෙනත් අවස්ථාවලදී, ජාතික ගීතයක් හා සමානව භාවිතයට ගැනෙන බවට සාක්ෂි ඇති බවයි අදාළ කැබිනට් තීරණයේ දක්වා තිබෙන්නේ.

පළාත් සභා හා පළාත් පාලන අමාත්‍යවරයා වශයෙන් අග්‍රාමාත්‍ය දිනේෂ් ගුණවර්ධන විසින් අදාළ යෝජනාව කැබිනට් මණ්ඩලය වෙත ඉදිරිපත් කර තිබෙනවා.

අදාළ කැබිනට් තීරණය පහතින්.

රන්මිණිතැන්න ජාතික ටෙලි සිනමා උද්‍යානය රාජ්‍ය හා පෞද්ගලික හවුල්කාරිත්ව ක්‍රමවේදයක් යටතේ කළමනාකරණය කිරීමට කැබිනට් අනුමැතිය හිමිව තිබෙනවා.

බුද්ධ ශාසන, ආගමික සහ සංස්කෘතික කටයුතු අමාත්‍යවරයා විසින් ඉදිරිපත් කරන ලද යෝජනාවට එලෙස අනුමැතිය හිමිව ඇති බවයි අදාළ කැබිනට් තීරණයේ දැක්වෙන්නේ.

සාපරාධී අපහාස නඩුවක් සම්බන්ධයෙන් ඉන්දීය කොංග්‍රස් නායක රාහුල් ගාන්ධිට ගුජරාට් ප්‍රාන්තයේ අධිකරණයක් විසින් වසර දෙකක සිර දඬුවමක් නියම කර තිබෙනවා.

2019 වසරේදී මැතිවරණ රැලියක් අතරතුර අගමැති නරේන්ද්‍ර මෝදිගේ වාසගම පිළිබඳව සිදුකළ ප්‍රකාශයක් සම්බන්ධයෙන් ගාන්ධි වරදකරු බවට තීන්දු කර ඇති බවයි සඳහන් වන්නේ.

කෙසේ වෙතත්, ඔහුට ඇප නියම වී ඇති අතර තීන්දුවට එරෙහිව අභියාචනයක් ඉදිරිපත් කිරීමට ඉඩ දීම සඳහා ඔහුගේ සිර දඬුවම දින 30 කට අත්හිටුවා ඇති බවයි ඉන්දීය මාධ්‍ය වාර්තා කරන්නේ.

භාරතීය ජනතා පක්ෂ මන්ත්‍රී සහ හිටපු ගුජරාට් අමාත්‍ය පූර්ණේෂ් මෝඩි විසින් රාහුල් ගාන්ධිට එරෙහිව මෙම නඩුව ගොනුකර ඇති බවයි සඳහන් වන්නේ.

95 වැනි ඔස්කාර් සම්මාන උළෙල අද අමෙරිකාවේ ලොස් ඇන්ජලීස් හි ඩොල්බි රඟහලේ දී පැවැත්වුණා.

මෙවර සම්මාන උළෙලේදී වසර 62කට පසු රතු පලස භාවිත නොවන අතර ෂැම්පේන් වර්ණයෙන් යුත් පලසක් මෙවර භාවිතා වන බවයි විදෙස් මාධ්‍ය වාර්තා සඳහන් කරන්නේ.

මෙවර ඔස්කාර් උළෙලේ හොඳම චිත්‍රපටය ලෙස සම්මාන ලැබුවේ Everything Everywhere All at Once චිත්‍රපටයයි.

හොඳම නළුවා සම්මානය The Whale චිත්‍රපටය වෙනුවෙන් Brendan Fraser විසින් දිනාගත්තා.

හොඳම නිලිය සම්මානය Everything Everywhere All at Once චිත්‍රපටය වෙනුවෙන් Michelle Yeoh දිනාගත්තා.

Daniel Kwan සහ Daniel Scheinert මෙවර හොඳම අධ්‍යක්ෂනයට හිමි සම්මානය හිමිකරගත් අතර ඔවුන් අධ්‍යක්ෂනය කළ Everything Everywhere All at Once චිත්‍රපටය මෙවර ඔස්කාර් සම්මාන උළෙලේ ප්‍රධාන සම්මාන රැසක් දිනාගැනීමට සමත්වුණා.

එමෙන්ම මෙවර ඔස්කා සම්මාන උළෙලේ හොදම චිත්‍රපට ගීතය සඳහා ඉන්දීය චිත්‍රපටයක් වන S.S. Rajamouli විසින් අධ්‍යක්ෂනය කළ “RRR” හි “NAATU NAATU” ගීතය දිනාගත් අතර එහි සංගීත නිර්මාණය M.M. Keeravaani සහ පද රචනය Chandrabose සිදුකර තිබෙනවා.

මෙරට චිත්‍රපට අධ්‍යක්ෂවරයෙකු වන ආචාර්ය විසාකේස චන්ද්‍රසේකරම්ගේ චිත්‍රපටයක් වන ‘මුන්නල්’ නෙදර්ලන්තයේ පැවැත්වෙන International Film Festival Rotterdam (IFFR) හි දී විශේෂ ජූරි සම්මානයක් දිනාගැනීමට සමත්ව තිබෙනවා.

එමෙන්ම එම සම්මාන උළෙලේදීම Netpac සම්මානය දිනාගැනීමට ජගත් මනුවර්ණ කොඩිතුවක්කුගේ කුළුඳුල් චිත්‍රපටය වන ‘රහස් කියන කඳු’ චිත්‍රපටය සමත් වුණා.

Netpac සම්මානය හිමිවන්නේ ආසියානු කලාපයේ හොඳම චිත්‍රපටයට වන අතර මින් පෙර ශ්‍රී ලංකාව මෙම සම්මානය හිමිකරගෙන ඇත්තේ එක්වරක් පමණයි.

මයික්‍රොසොෆ්ට් සමාගම විසින් සපයනු ලබන සේවාවන් කිහිපයක් එකවර බිඳ වැටී තිබෙනවා.

මයික්‍රොසොෆ්ට් Teams සහ Outlook ඇතුළු සේවාවන් රැසක් මෙලෙස බිඳවැටී ඇති අතර එම ගැටලුව සම්බන්ධයෙන් මේ වන විට විමර්ශන ආරම්භ කර ඇති බවයි එම සමාගම සඳහන් කරන්නේ.