Category: business

ශ්‍රී ලංකාව සහ චීනය අතර නිදහස් වෙළෙඳ ගිවිසුම මෙම වසර ඇතුළත ගෙන ඒමට අපෛ්ක්ෂා කරන බව චීනයේ ශ්‍රී ලංකා තානාපති කරුණාසේන කොඩිතුවක්කු මහතා පවසා ඇත.

ශ්‍රී ලංකාව සහ චීනය අතර වසර 65කට අධික මිතුදම තවදුරටත් වර්ධනය කර ගැනීමට ඒ මගින් හැකියාව පවතින බව ඔහුගේ අදහසයි.

චීනයේ බීජිං නුවර පිහිටි ශ්‍රී ලංකා තානාපති කාර්යාලයේ නිදහස් දින සැමරුම් උළෙලට සහභාගීවීමෙන් අනතුරුව මාධ්‍ය වෙත අදහස් දක්වමින් කරුණාසේන කොඩිතුවක්කු මහතා මෙම අදහස් පළ කර තිබේ.

එළඹෙන මැයි මාසයේ අග්‍රාමාත්‍ය රනිල් වික්‍රමසිංහ මහතා චීනයේ බීජිං නුවර සංචාරයක නිරතවීමට ද නියමිතව ඇත.

චීනයේ පැවැත්වෙන සමුළුවකට සහභාගීවීම අග්‍රාමාත්‍යවරයාගේ එම සංචාරයේ අරමුණ බව කරුණාසේන කොඩිතුවක්කු මහතා සඳහන් කළේය.

පසුගියදා හම්බන්තොටදී ඇති වූ සිද්ධිය පිළිබඳව ද මාධ්‍යවේදීන් සිදු කළ විමසීමකදී ඔහු සඳහන් කර ඇත්තේ අදාළ සිදුවීම විපක්ෂයේ ඉතා  සුළු පිරිසකගේ කඩාකප්පල්කාරී ක්‍රියාවක් බවයි.

එමගින් චීන ශ්‍රී ලංකා මිත්‍රත්වය කිසිඳු අයුරකින් පළුදුවීමට ඉඩ නොතබන බව ද කරුණාසේන කොඩිතුවක්කු මහතා එහිදී ප්‍රකාශ කර තිබේ.

Consumer price inflation in the Sri Lankan capital Colombo rose to 5.5% from a year ago after having risen 4.5% in December, the government’s statistics department said.

Prices rose 1.2% during the month, up from a rise of 1% in December 2016, data from the statistics office showed.

The 12-month moving average of the Colombo Consumer Price Index rose to 4.3% in January from a 4% rise a month ago.

The core CCPI index moved up to 7% in January 2017, the highest in just over a year, from 5.8% in December 2016.

ECONOMYNEXT – COLOMBO, Jan 31

බදු ගෙවීම රටේ සමෘධිය නැංවීම සදහා අත්‍යවශ්‍ය කාර්යයක් මිස නරක පුරුද්දක් නොවන බව ජනතාවට අවබෝධ කරවීමට වත්මන් රජය සමත්ව ඇති බව ‘ද බෑන්කර්’  සගරාව පවසයි.

ආසියා පැසිෆික්  කලාපයේ 2016 වසරේ හොඳම මුදල් අමාත්‍යවරයා ලෙස මුදල් අමාත්‍ය රවි කරුණානායක මහතා නම් කරමින්  බ්‍රිතාන්‍යයේ පළවන මූල්‍ය සඟරාවක් වන ‘ද බෑන්කර්’ සඟරාව මෙම අදහස් පළ කර තිබේ.

නව ආර්ථික ප්‍රතිසංස්කරණ යුගයක් කරා ශ්‍රී ලංකාව රැගෙන යාම හා ඒ වෙනුවෙන් ශ්‍රී ලංකා සමාජය මානසික වශයෙන් සූදානම් කිරීමට ගත් උත්සහය මේ හරහා ඇගයීමට ලක් කර ඇති බව මුදල් අමාත්‍යංශය නිවේදනයක් නිකුත්කරමින් අදහස් පළ කර ඇත.

රජය මත යැපීමට බලා නොසිට සියලු පුරවැසියන් යම් බදු ගෙවීමක් කළ යුතු බව බෑන්කර් තහවුරු කරන බව මුදල් අමාත්‍යංශය පවසයි. මෙහි ප්‍රතිඵලයක් ලෙස ශ්‍රී ලංකාවේ බදු ගෙවන්නන්ගේ ලිපි ගොනු 2015 පැවති ලක්ෂ 7ක ප්‍රමාණය මේ වන විට ලක්ෂ 14 දක්වා ඉහළ ගොස් ඇති බවද එම සගරාව පෙන්වා දෙන බවද මුදල් අමාත්‍යංශයේ අදහසයි.

ජාත්‍යන්තර අරමුදලින් ඇමරිකානු ඩොලර් බිලියන1.5ක පමණ ණය ලබා ගැනීමට හැකි වීමත් මෙරට ආර්ථික වර්ධනය කළමනාකරණය කරමින් ස්ථාවර තත්ත්වයට ගෙන ඒමට හැකි වීමත් මෙම අගය කිරීමට හේතු වී ඇති බව පවසයි. වැඩිදුරටත් අදහස් පළ කරන මුදල් අමාත්‍යංශය පෙන්වා දෙන්නේ ගෙවුම් ශේෂය හේතුකොටගෙන ඇතිවන මූල්‍ය අර්බුද වළක්වා ගැනීමට සමත් වීම මෙන්ම රටේ මුදල් සංචිත යථා තත්ත්වයට ගෙන එමින් විදේශ ආයොජකයන්ගේ විශ්වාස යළි ගොඩනැගීමට මුදල් අමාත්‍යවරයාට හැකි වීම මෙම අගය කිරීමට හේතු වී ඇති බවයි.

 

 

2017 වසරේ රාජ්‍ය ණය වැඩසටහන ක්‍රියාත්මක කිරීම සඳහා ඇමෙරිකා එක්සත් ජනපද ඩොලර් මිලියන 1,500ක් දක්වා වූ ශ්‍රී ලංකා සංවර්ධන බැඳුම්කර, ශ්‍රී ලංකා මහ බැංකුවේ අධීක්ෂණය යටතේ නිකුත් කිරීම පිණිස මුදල් අමාත්‍ය රවි කරුණානායක මහතා ඉදිරිපත් කළ යෝජනාව අමාත්‍ය මණ්ඩලය විසින් අනුමත කර තිබේ.

දේශීය ණය ගැනීමේ වැඩසටහනේ නම්‍යශීලිභාවය හා රටෙහි සංචිත ශක්තිමත් කිරීම මෙහි අරමුණ බව රජයේ අදහසයි.