Category: business

අද (21) මධ්‍යම රාත්‍රියේ සිට කුකුළු මස් මිල රුපියල් 100 කින් පහළ දැමීමට කුකුළු මස් නිෂ්පාදකයින් එකඟතාව පළකර තිබෙනවා.

කුකුළු මස් නිෂ්පාදකයින්ගේ සංගමය සහ වෙළඳ අමාත්‍ය නලීන් ප්‍රනාන්දු අතර පැවති සාකච්ඡාවකදී මෙම තීරණය ගෙන තිබෙනවා.

මෙවර මහ කන්නයට පොහොර මිලදී ගැනීම සඳහා රුපියල් මිලියන 12,000 ක් ගොවි ගිණුම්වලටම බැර කිරීමට තීරණය කර ඇති බව කෘෂිකර්ම අමාත්‍ය මහින්ද අමරවීර පවසනවා.
ඒ අනුව එම මුදල් හෙක්ටයාර් 01 කට රුපියල් 15,000ක් බැගින් ලබාදීමට නියමිත බවත් එම මුදලින් ගොවින්ගේ අභිමතය පරිදි රසායනික පොහොර හෝ කාබනික පොහොර මිල දී ගැනීමට හැකියාව ඇති බවයි සඳහන් වන්නේ.
ඊයේ (20) දිවයින පුරා සිටින ලංකා ජාතික ගොවි සංවිධාන බල මණ්ඩල නියෝජනය කරන දිස්ත්‍රික්ක 25ම සභාපතිවරු සමග කෘෂිකර්ම අමාත්‍ය මහින්ද අමරවීර සමඟ පැවති සාකච්ඡාවකදී මේ බව සඳහන් කර තිබෙනවා.

ලංකා සතොස ආයතනය මඟින් මහජනතාව ලබාදෙන අත්‍යවශ්‍ය පාරිභෝගික භාණ්ඩ කිහිපයක මිල පහත දමා තිබෙනවා.

ඒ අනුව සොයා මීට්, දේශීය අර්තාපල්, හාල්මැස්සන්, සුදුළූනු, ලොකුළූනු, රතු පරිප්පුවල භාණ්ඩවල මිල මෙලෙස පහත දමා ඇති බවයි සඳහන් වන්නේ.

අදාළ භාණ්ඩ ලැයිස්තුව පහතින්.

ගෘහස්ත ලාෆ් ගෑස් මිල අද (04) මධ්‍යම රාත්‍රියේ සිට ක්‍රියාත්මක වන පරිදි ඉහළ දැමීමට එම සමාගම තීරණය කර තිබෙනවා.

වැඩි කළ සහ නව ගෑස් මිල ගණන් පහතින්,

* 12.5KG ගෑස් – රු.145 කින්  (නව මිල රු.3,835)

* 5KG ගෑස්  – රු.59 කින්  (නව මිල රු.1535)

අද (04) මධ්‍යම රාත්‍රියේ සිට ගෘහස්ත ගෑස් සිලින්ඩර මිල ඉහළ දැමීමට ලිට්‍රෝ ගෑස් සමාගම තීරණය කර තිබෙනවා.

ඒ අනුව වැඩි වූ මිල සහ නව මිල පහතින් දැක්වෙනවා.

* කිලෝ ග්‍රෑම් 12.5 – රු.145 කින් (නව මිල රු.3,127)

* කිලෝ ග්‍රෑම් 5 – රු.58 කින් (නව මිල රු.1,256)

* කිලෝ ග්‍රෑම් 2.3 – රු.26 කින් (නව මිල රු.587)

ගෑස් මිල සංශෝධනයට අදාළ මිල ගණන් අද (04) දිනයේ ප්‍රකාශයට පත් කිරීමට නියමිත බව ලිට්‍රෝ සමාගම පවසනවා.

මිල සූත්‍රයට අනුව ලිට්‍රෝ ගෑස් මිල සංශෝධනය අද මධ්‍යම රාත්‍රියේ සිදුකිරීමට සැලසුම් කර ඇති බවයි එහි සභාපති මුදිත පීරිස් සඳහන් කළේ.

ලෝක වෙළඳපොලේ ගෑස් මිල ඉහළ යාම සැලකිල්ලට ගැනීමේ දී මෙරට ගෑස් මිලෙහි ද සැලකිය යුතු වැඩි වීමක් මෙවර සිදුවනු ඇති බවයි ඔහු වැඩිදුරටත් සඳහන් කළේ.

බස් ගාස්තු 4%කින් ඉහළ නැංවීම අද (03) සිට ක්‍රියාත්මක වනවා.

ඒ අනුව අවම ගාස්තුව වන රුපියල් 30 වෙනසක් සිදුවී නොමැති  බවයි ජාතික ගමනාගමන කොමිෂන් සභාව සඳහන් කළේ.

ඉහළ දැමූ බස් ගාස්තු පහතින්.

හෙට (02) මධ්‍යම රාත්‍රියේ සිට ක්‍රියාත්මක වන පරිදි බස් ගාස්තු ඉහළ දැමීමට ජාතික ගමනා ගමන කොමිෂන් සභාව තීරණය කර තිබෙනවා.

ඒ අනුව බස් ගාස්තු 4% කින් ඉහළ දැමීමට නියමිත අතර අවම බස් ගාස්තුවේ වෙනසක් සිදු නොවන බවයි සඳහන් වන්නේ.

නව බස් ගාස්තු පහතින්.

ඉන්ධන මිල වැඩි වීමත් සමඟ බස් ගාස්තු සංශෝධනයක් සිදුවිය යුතු බව බස් රථ හිමියන් පවසනවා.

ඒ සම්බන්ධයෙන් සාකච්ඡාවක් අද (01) ප්‍රවාහන බලධාරීන් සමඟ පැවැත්වීමට බලාපොරොත්තු වන බවයි එම සංගම් සඳහන් කරන්නේ.

ලංකා පෞද්ගලික බස් එථ හිමියන්ගේ සංගමයේ සභාපති ගැමුණු විජේරත්න පෙන්වා දෙන්නේ රුපියල් 10 ක් හෝ 15 කින් ගාස්තු වැඩිවීමක් සිදුවුවහොත් පාඩුව දරාගත හැකි බවයි.

ඒ සම්බන්ධයෙන් වන අවසන් තීරණය අද පැවැත්වෙන සාකච්ඡාවෙන් අනතුරුව ගන්නා බවයි ගැමුණු විජේරත්න වැඩිදුරටත් සඳහන් කළේ.

ශ්‍රී ලංකා මහ බැංකුවේ නියෝගය අනුව මෙතෙක් කිසිදු වාණිජ බැංකුවක් සිය පොලී අනුපාත පහළ දමා නොමැති බව ලීසිං හා ණය වාරික ගෙවන්නන්ගේ සංගමයේ ලේකම් අසංක රුවන් පොතුපිටිය පවසනවා.

ඒ අනුව ඔහු පෙන්වා දෙන්නේ, පොලී අනුපාත පහළ දැමීමට අදාළ චක්‍රලේඛයන් ද ඇතැම් වාණිජ බැංකු වෙත ලැබී නොමැති බවට එම බැංකු විසින් ප්‍රකාශ කර ඇති බවයි.

ඊට මහ බැංකු අධිපතිවරයා වගකිව යුතු බවයි කොළඹ පැවති මාධ්‍ය හමුවකට එක්වෙමින් ලීසිං හා ණය වාරික ගෙවන්නන්ගේ සංගමයේ ලේකම් අසංක රුවන් පොතුපිටිය වැඩිදුරටත් සඳහන් කළේ.