Category: business

හෙට (02) මධ්‍යම රාත්‍රියේ සිට ක්‍රියාත්මක වන පරිදි බස් ගාස්තු ඉහළ දැමීමට ජාතික ගමනා ගමන කොමිෂන් සභාව තීරණය කර තිබෙනවා.

ඒ අනුව බස් ගාස්තු 4% කින් ඉහළ දැමීමට නියමිත අතර අවම බස් ගාස්තුවේ වෙනසක් සිදු නොවන බවයි සඳහන් වන්නේ.

නව බස් ගාස්තු පහතින්.

ඉන්ධන මිල වැඩි වීමත් සමඟ බස් ගාස්තු සංශෝධනයක් සිදුවිය යුතු බව බස් රථ හිමියන් පවසනවා.

ඒ සම්බන්ධයෙන් සාකච්ඡාවක් අද (01) ප්‍රවාහන බලධාරීන් සමඟ පැවැත්වීමට බලාපොරොත්තු වන බවයි එම සංගම් සඳහන් කරන්නේ.

ලංකා පෞද්ගලික බස් එථ හිමියන්ගේ සංගමයේ සභාපති ගැමුණු විජේරත්න පෙන්වා දෙන්නේ රුපියල් 10 ක් හෝ 15 කින් ගාස්තු වැඩිවීමක් සිදුවුවහොත් පාඩුව දරාගත හැකි බවයි.

ඒ සම්බන්ධයෙන් වන අවසන් තීරණය අද පැවැත්වෙන සාකච්ඡාවෙන් අනතුරුව ගන්නා බවයි ගැමුණු විජේරත්න වැඩිදුරටත් සඳහන් කළේ.

ශ්‍රී ලංකා මහ බැංකුවේ නියෝගය අනුව මෙතෙක් කිසිදු වාණිජ බැංකුවක් සිය පොලී අනුපාත පහළ දමා නොමැති බව ලීසිං හා ණය වාරික ගෙවන්නන්ගේ සංගමයේ ලේකම් අසංක රුවන් පොතුපිටිය පවසනවා.

ඒ අනුව ඔහු පෙන්වා දෙන්නේ, පොලී අනුපාත පහළ දැමීමට අදාළ චක්‍රලේඛයන් ද ඇතැම් වාණිජ බැංකු වෙත ලැබී නොමැති බවට එම බැංකු විසින් ප්‍රකාශ කර ඇති බවයි.

ඊට මහ බැංකු අධිපතිවරයා වගකිව යුතු බවයි කොළඹ පැවති මාධ්‍ය හමුවකට එක්වෙමින් ලීසිං හා ණය වාරික ගෙවන්නන්ගේ සංගමයේ ලේකම් අසංක රුවන් පොතුපිටිය වැඩිදුරටත් සඳහන් කළේ.

Sinopec සමාගමට අයත් ඉන්ධනවල මිල ගණන් එම සමාගම විසින් ප්‍රකාශයට පත් කර තිබෙනවා.

ඒ අනුව එම සමාගමේ නව මිල පහතින්.

* පෙට්‍රල් 92 – (නව මිල රු.358)

* පෙට්‍රල් 95 – (නව මිල රු.414)

* ඔටෝ ඩීසල්  – (නව මිල රු.338)

* සුපර් ඩීසල් – (නව මිල රු.356)

* භූමිතෙල් – (නව මිල රු.231)

ඊයේ (29) මධ්‍යම රාත්‍රියේ සිට ක්‍රියාත්මක වන පරිදි තිරිඟුපිටි ආනයනය සඳහා අවශ්‍යව තිබූ බලපත්‍ර ක්‍රමය අහෝසි කිරීමට කටයුතු කළ බව මුදල් රාජ්‍ය අමාත්‍ය රංජිත් සියඹලාපිටිය පවසනවා.

එසේම තිරිඟුපිටි ආනයනයේදී පනවා තිබූ බදු මුදලද කිලෝවකට රු.16 සිට රු.27 දක්වා ඉහළ දැමීමට තීරණය කළ බවයි මුදල් රාජ්‍ය අමාත්‍යවරයා වැඩිදුරටත් සඳහන් කළේ.

ප්‍රතිපත්ති පොලී අනුපාතයන්ට ගැළපෙන ආකාරයෙන් සෙසු පොලී අනුපාතිකයන් ද සාමාන්‍යකරණය කිරීම සඳහා අද (25) චක්‍රලේඛයක් නිකුත් කිරීමට බලාපොරොත්තු වන බව ශ්‍රී ලංකා මහ බැංකු අධිපති ආචාර්ය නන්දලාල් වීරසිංහ පවසනවා.

ඒ අනුව සියලුම බලපත්‍රලාභී බැංකුවල උකස් පහසුකම් මත වාර්ෂිකව 18% ක්, පෙර ගිවිසගෙන ඇති තාවකාලික බැංකු අයිරා මත වාර්ෂිකව 23% ක්, ණය කාඩ්පත් මත වාර්ෂිකව 28% ක් ලෙස උපරිම පොලී අනුපාතික සීමා පැනවීමට මුදල් මණ්ඩලය තීරණය කර ඇති බවයි මහ බැංකු අධිපතිවරයා සඳහන් කළේ.

ප්‍රතිපත්ති පොලී අනුපාතයන්ට ගැළපෙන ආකාරයෙන් බැංකු විසින් පොලී අනුපාත පහළ හෙළීමට කටයුතු නොකිරීම නිසා මෙලෙස නියාමන ක්‍රියාමාර්ග ගැනීමට තීරණය කර ඇති බවයි සඳහන් වන්නේ.

ජාත්‍යන්තර මූල්‍ය අරමුදල සමඟ ශ්‍රී ලංකා රජය ඇති කරගත් ගිවිසුමේ කොන්දේසිවලින් 35% ක් පමණක් සම්පූර්ණ කර ඇති බව Verite Research ආයතනය පවසනවා.

වාර්තාවක් නිකුත් කරමින් ඔවුන් පෙන්වාදී ඇත්තේ, මේ වසරේ ජූලි මාසය වන විට එම වැඩසටහනේ 57% ක කොන්දේසි ඉටු කළ යුතුව තිබුණ ද ඉටුකර ඇත්තේ 35% ක් පමණක් බවයි.

සැප්තැම්බර් මාසයේ දී පැවැත්වෙන පළමු සමාලෝචනයට පෙර 71% ක කොන්දේසි ශ්‍රී ලංකා රජය විසින් ඉටු කළ යුතු වන බැවින් අගෝස්තු සහ සැප්තැම්බර් මාසවල දී මසකට කොන්දේසි 18 බැගින් ඉටු කිරීමට රජයට සිදුව ඇති බවද ඔවුන් පෙන්වාදී තිබෙනවා.

මේ වන විට සම්පූර්ණ කර ඇති හා සම්පූර්ණ කිරීමට ඇති කොන්දේසි ලැයිස්තුව මෙතැනින්.

ඉදිරියේ දී කුකුළු මස් කිලෝග්‍රෑමයක් රුපියල් 1,200 ක මිලකට අලෙවි කළ හැකි බව සත්ත්ව නිෂ්පාදකයන්ගේ සංගමය නිවේදනය කරනවා.

බඩඉරිඟු සඳහා වන ආනයන බද්ද අඩු කිරීමට රජය පියවර ගැනීම හේතුවෙන් මෙලෙස කුකුළු මස් මිල අඩු කළ හැකි බවයි ඔවුන් පෙන්වා දෙන්නේ.

බඩඉරිඟු මත පනවා තිබූ ආනයන බද්ද පහළ දැමීමට තීරණය කර ඇති බව මුදල් රාජ්‍ය අමාත්‍ය, රංජිත් සියඹලාපිටිය පවසනවා.

ඒ අනුව බඩඉරිඟු කිලෝග්‍රෑම් 01ක් මත පනවා තිබූ රුපියල් 75ක ආනයන බද්ද රුපියල් 25 දක්වා අඩු කර ඇති බවයි රාජ්‍ය අමාත්‍යවරයා වැඩිදුරටත් සඳහන් කළේ

හෙට (17) සිට ලංකා සතොස ආයතන විසින් භාණ්ඩ වර්ග 9 ක මිල පහළ දැමීමට තීරණය කර තිබෙනවා.

ඒ අනුව බාස්මතී, දුඹුරු සීනී, අර්තාපල්, සුදු ළුණූ, රතු කැකුළු ඇතුළු භාණ්ඩ කිහිපයක් මෙලෙස පහළ දමා ඇති බවයි වැඩිදුරටත් සඳහන් වන්නේ.

අදාළ භාණ්ඩ ලැයිස්තුව ඇතුළත් නිවේදන පහතින්.