Breaking News
මහනුවර ජාතික රෝහලේ හෘද කැතීටකරණ ඒකක දෙකෙන් එකක් අක්රිය වී ඇති බව සෞඛ්ය වෘත්තීය සමිති සන්ධානයේ සමකැඳවුම්කරු චානක ධර්මවික්රම පවසනවා.
මීට අමතරව මහනුවර ජාතික රෝහලේ දන්ත විකිරණ පරීක්ෂණ කෙරෙන යන්ත්ර 2 ක්ද අඩාල වී ඇතැයි ඔහු සඳහන් කරනවා.
මහනුවර ජාතික රෝහලේ හෘද කැතීටකරණ ඒකකය තුළ රෝගීන් 8000 ක පමණ සංඛ්යාවක් ප්රතිකාර සඳහා පොරොත්තු ලේඛනයේ සිටින බවයි වාර්තා වන්නේ.
පානදුර නගර සභාව ඉදිරිපිට පෞද්ගලික ආයතනයක් විසින් ආරම්භ කිරීමට නියමි මත් පැන් අලෙවිසැලක්ට විරුද්ධව
පානදුර ගලගොඩ ශ්රී මහා ව්හාරස්ථානයේ ව්හාරාධිපති පොතුපිටියේ පඤ්ඤාසේකර ස්වාම්න් වහන්සේගේ ප්රදානත්වයෙන් අවට ව්හාරස්ථානයන්හි භික්ෂූන් වහන්සේලා හතළිහක් පමණ අද (12)
දින පානදුර ප්රාදේශීය ලේකම් කාර්යාලය වෙත ලිපියක් බාර දී ඉන් අනතුරුව විවෘත කිරීමට නියමිත වෙලද සැල ඉදිරිපිට විරෝදය පල කලේය.
මෙම මත් අලෙවිසැල කුමණ අයුරින් හෝ විවෘත කිරීමක් සිදුකළ හොත් ප්රදේශයේ විහාරස්ථානවල භික්ෂූන් වහන්සේලා මෙම මත් අලවිසැල ඉදිරිපිට උපවාසයක් ආරම්භ කිරීමට තීරණය කර ඇති බව විරෝධතාවයට පැමිණි ස්වාමීන් වහන්සේ නමක් පැවසීය.
ගල්පාත චන්දන පෙරේරා
සෑම වසරකම බක් මාසයේ වසන්ත සැණකෙළි වෙනුවෙන් නුවරඑළියේ මහනගර සභාව මගින් සංවිධානය කරනු ලබන වසන්ත සැණකෙළිය වෙනුවෙන් තාවකාලික කඩ කාමර ඉදිකිරීම සඳහා නාගරික සංවර්ධන අධිකාරිය සතු බිම් කොටස් පසුගිය වසරේ අගෝස්තු මාසය වන විට ලැබුණු ඉල්ලීම් මාසික බදු පදනම මත අලෙවි කර අවසන් බව නාගරික සංවර්ධන අධිකාරියේ නුවරඑළිය දිස්ත්රික් සහකාර අධ්යක්ෂක චමින්ද සමන් කුමාර මහතා පැවසීය .
නාගරික සංවර්ධන අධිකාරියේ නුවරඑළිය දිස්ත්රික් සහකාර අධ්යක්ෂවරයා ඒ බව කියා සිටියේ නුවරඑළියේ මහනගර සභාවේ වසන්ත සැණකෙළිය වෙනුවෙන් පසුගියදා පැවැති සැලසුම් රැස්වීමේදී කිසිදු විනිවිද භාවයකින් හා ක්රියා පටිපාටියකින් තොරව හිතවතුන් කිහිප දෙනෙකු අතර නාගරික සංවර්ධන අධිකාරියට අයත් බිම් කොටස් වසන්ත සැණකෙළිය වෙනුවෙන් මේ වන විටත් හොර රහසේ අලෙවි වී ඇති බවට සැලසුම් රැස්වීමට පැමිණි නුවරඑළිය මහ ජනතාවගෙන් එල්ල වූ චෝදනාවට පිළිතුරු ලබා දෙමිනි ,
වැඩිදුර අදහස් දැක්වූ නාගරික සංවර්ධන අධිකාරියේ නුවරඑළිය දිස්ත්රික් සහකාර අධ්යක්ෂක චමින්ද සමන් කුමාර මහ්තා මෙසේද කීය ,
පත්තර දැන්වීම් , රූපවාහිනී දැන්වීම් හා ප්රසිද්ධ දැන්වීම් කිසිවක් අපි දැම්මේ නෑ අපිට පසුගිය 2023 වසරේ අගෝස්තු මාසයේ ඉඳන්ම ඉල්ලුම් පත්ර ලැබුණා වසන්ත සැණකෙළියේ තාවකාලික කඩ කාමර ඉදිකිරීම සඳහා බිම් කොටස් ලබා ගැනීමට ,
ඒ ආපු ආපු ඉල්ලීම් වලට අනුව අපි බිම කොටස් ටික ලබාදීලා ඉවරයි. මේ වෙන විටත් සියලු බිම් කොටත් අපි ලබා දීලා අවසන් .
ඔහුගේ එම ප්රකාශයත් සමග සැලසුම් රැස්වීම උණුසුම් තත්ත්වයක් හට ගැනුණු අතර එහිදී අදහස් දැක්වූ නුවරඑළිය සිවිල් සංවිධාන නියෝජිතයන් වෙළඳ ව්යාපාරිකයන් හා නුවරඑළිය ජනතාව නුවරඑළිය මහ නගර සභාවට යෝජනා කළේ මහජනතාවගේ බදු මුදල්වලින් එකතු වන මුදලින් අතිවිශාල තොගයක් වියදම් කරමින් සංවිධානය කරනු ලබන නුවරඑළිය වසන්ත සැණකෙළියේ සියලු ආදායම් නුවරඑළිය මහ නගර සභාවට ලැබිය යුතු අතර එහි සියලු ප්රතිලාභ නුවරඑළියේ මහජනතාවට ලැබිය යුතු බවයි ,
වැඩිදුරටත් අදහස් දැක්වූ සිවිල් සමාජ ක්රියාකාරීන් වෙළෙඳ ව්යාපාරිකයන් සහ මහජනතාව මෙසේ අදහස් දැක්විය ,
මෙලෙස මහනගර සභාව මගින් සංවිධානය කරනු ලබන වසන්ත සැණකෙළියේ භූමි කොටස් කිසිම ක්රමවේදයක් නොමැතිව විනිවිද භාවයකින් තොරව රජයට ගෙවිය යුතු සොච්චම් මුදලක් ලබා ගනිමින් කිහිපදෙනෙකු අතර හොර රහසේ බෙදා දීමට නාගරික සංවර්ධන අධිකාරියේ කටයුතු කිරීමෙන් එම බිම් කොටස් ලබා ගන්නා කිහිප දෙනා පමණක් ඔවුන්ට හිතුමතේ එහි වටිනාකම් තීරණය කර ලක්ෂයක් ලක්ෂ එකහමාරක් අතර විශාල මුදලකට කුඩා කැබැලි වලට එම බිම් කොටස් වෙන්කර වෙළෙඳ කුටි සඳහා අලෙවි කරනවා ,
එය එසේ නොකර නුවරඑළිය මහ නගර සභාවට සම්පූර්ණ භූමි ප්රමාණය පවරාගෙන නුවරඑළිය මහ නගර සභාවෙන් එම භූමි කොටස් ව්යාපාරිකයන්ට බෙදා දුන්නේ නම් ඔවුන්ට එම භූමි කොටස් ලබා ගැනීම සඳහා වැය වන්නේ රුපියල් 20000 ක් 24000ක් වැනි ඉතා අඩු මුදලක් බවද ඔවුහු පෙන්වා දුන්නේය ,
සිවිල් ප්රජාවගේ වෙළෙඳ ව්යාපාරිකයන්ගේ හා මහජනතාවගේ යෝජනාව වූයේ දැනට නාගරික සංවර්ධන අධිකාරිය හොර රහසේ ලබා දී ඇති බිම් කොටස්වල මුදල් අදාළ පාර්ශවයන් වෙත පියවා නාගරික සංවර්ධන අධිකාරිය සතුව ඇති එම ඉඩම් කොටස් මහනගර සභාව වෙත පවරාගෙන ඉන් අනතුරුව නුවරඑළි ජනතාවට මුල් තැන ලබාදී සහනදායි මිලකට අදාල පින් කොටස් බෙදා දෙන ලෙසයි ,
තවද එම යෝජනාවට නාගරික සංවර්ධන අධිකාරිය අකමැත්ත ප්රකාශ කරන කල මහ නගර සභාව මගින් ලබා දෙනු ලබන ජල පහසුකම් , විදුලිය ලබා ගැනීම සඳහා වන අවසර ලිපි සහ කසල කළමනාකාරීත්වයට ලබාදෙන දායකත්වය යනාදිය ලබා නොදීමට කටයුතු කරන ලෙසත් නුවරඑළිය මහ නගර සභාවට වරිපනම් හා බදු මුදල් ගෙවන මහජනතාව හා වෙළෙඳ ව්යාපාරිකයන් තරයේ ඉල්ලා සිටි ,
මේ පිළිබඳ අදහස් දැක්වූ නුවරඑළිය මහ නගර සභාවේ වැඩබලන නාගරික කොමසාරිස් හා අතිරේක දිස්ත්රික් ලේකම් සුජීවා බෝධිමාන්න මහත්මිය කියා සිටියේ නාගරික සංවර්ධන අධිකාරියේ නිලධාරීන් සමග කඩිනමින් සාකච්ඡාවක් ලබාගෙන මෙම ගැටලුව සඳහා සාර්ථක විසඳුමක් ලබා ගැනීමට හැකි විගසින් උත්සාහ දරන බවයි .
ඡායාරූප විස්තරය
ආර්.එෆ්.එම්.සුහෙල් – නුවරඑළිය
දකුණු ආසියාවේ වැඩිම විදුලි ගාස්තුවක් අය කරන රට ශ්රී ලංකාව බවට වෙරිටේ රිසර්ච් ආයතනය ඉදිරිපත් කළ කරුණු පිළිගත නොහැකි බව විදුලිබල හා බලශක්ති අමාත්ය කංචන විජේසේකර පවසනවා.
ඒ අනුව එම සමීක්ෂණය සඳහා තොරතුරු පාදක කරගෙන තිබුණේ ජනතාව නොමග යවන ආකාරයට බවයි මාධ්ය හමුවකට එක්වෙමින් අමාත්යවරයා සඳහන් කළේ.
මෙම සමීක්ෂණ සිදුකරන්නේ මැතිවරණයක් පවතින අවස්ථාවක යම් කණ්ඩායමගේ අවශ්යතාවයකටදැයි ගැටලුවක් පවතින බවද අමාත්යවරයා ප්රකාශ කළා.
විදුලිබල මණ්ඩලය ප්රතිව්යුහගත කිරීමේදී එය පෞද්ගලික අංශයට ලබාදෙනවාද යන්න සම්බන්ධයෙන් තවමත් කිසිඳු තීරණයක් ගෙන නොමැති බවත් ප්රතිව්යුහගත කිරීමේ අරමුණ වන්නේ පවතින සේවාවන් කාර්යක්ෂම කිරීම, ගුණාත්මක විදුලිබලයක් ලබාදීම හා පවතින කාර්යන් විනිවිද භාවයෙන් සිදුකිරීම බවයි ඔහු වැඩිදුරටත් සඳහන් කළේ.
හංගේරියානු ජනාධිපති Katalin Novak සිය ධුරයෙන් ඉල්ලා අස් වී ඇති බව විදෙස් මාධ්ය වාර්තා කරනවා.
ළමා ලිංගික අපයෝජන සිද්ධියක් වසන් කිරීමේ චෝදනාවට වරදකරු වූ පුද්ගලයෙකුට සමාව දීමට ගත් තීරණය හේතුවෙන් තමා සිය ධුරයෙන් ඉල්ලා අස් වන බවයි ඇය සිය ඉල්ලා අස්වීම නිවේදනය කරමින් කළේ.
ළමා නිවාසයක අධ්යක්ෂවරයෙකුට එරෙහි ව එල්ල වී තිබූ ලිංගික අපයෝජන චෝදනයක් සම්බන්ධයෙන් වූ පැමිණිල්ල ඉල්ලා අස්කර ගන්නා ලෙසට ළමුන්ට බලකිරීම සම්බන්ධයෙන් සිරගත වූ පුද්ගලයෙකුට ජනාධිපති කැටලීන් නොවැක් පසුගිය සතියේ ජනාධිපති සමාව ලබාදී තිබුණා.
ඒ සම්බන්ධයෙන් හංගේරියාවේ විරෝධතා පැවති අතර, විරෝධතාකරුවන් සඳහන් කළේ, ජනාධිපතිවරිය සිය ධුරයෙන් ඉල්ලා අස් විය යුතු බවයි. ඒ අනුව අදාළ පුද්ගලයාට සමාව ලබාදීමේ දී තමා වරදක් කළ බව පවසමින් හංගේරියානු ජනාධිපති කැටලින් නොවැක් ජනතාවගෙන් සමාව අයැද සිට ඇති බවයි විදෙස් මාධ්ය වාර්තා වැඩිදුරටත් වාර්තා කරන්නේ.
විදෙස්ගත ශ්රී ලාංකිකයන් මේ වසරේ ජනවාරි මාසය තුළ අමෙරිකානු ඩොලර් මිලියන 487.6ක් මෙරටට එවා ඇති බව විදේශ රැකියා හා කම්කරු අමාත්ය මනූෂ නානායක්කාර පවසනවා.
ඒ අනුව එය පසුගිය වසරේ ජනවාරි මාසයට සාපේක්ෂව 11.4% ක වැඩි වීමක් බව සිය X ගිණුමේ සටහනක් තබමින් ඔහු වැඩිදුරටත් සඳහන් කර ඇත්තේ.
අදාළ X පණිවිඩය පහතින්.
නුවරඑළිය සදතැන්න පාරිසරික කලාපයට පැමිණෙන දෙස් විදෙස් සංචාරකයට් හිරු උදාව නැරඹීම සඳහා නැවත අවසර ලබාදීමට හා අවශ්ය පහසුකම් සැපයීමට කඩිනමින් කටයුතු කරන බව මධ්යම පළාත් ආණ්ඩුකාර ලලිත් වූ ගමගේ මහතා පවසයි .
ආණ්ඩුකාරවරයා මේ බව කියා සිටියේ නුවරඑළිය සදතැන්න සංචාරක කලාපයේ මධ්යම පළාත් ආණ්ඩුකාර නිතිඥ ලලිත් යු ගමගේ මහතා 09දා හදිසි නිරික්ෂණ චාරිකාවක නිරත වූ අවස්ථාවේදීය ,
සදතැන්න (MOON PLAINS) නුවරඑළිය නගරයේ සිට කිමී 5 ක පමණ දුරකින් පිහිටි සදතැන්න සුන්දර සංචාරක කලාපයකි.
නුවරඑළිය සීතාඑලිය බීජ අර්තාපල් ගොවිපළ පසුකර තවත් කි මී 3 ක් ගිය තැන සදතැන්න හමුවන අතර මෙම ප්රදේශය මුහුදු මට්ටමේ සිට අඩි 6200 ක උසකින් යුතු සදතැන්න අවට ප්රදේශය ම අංශක 360 ක දර්ශනය නැරඹීමට කදිම ස්ථානයකි .
ලංකාවේ උසම කදු මුදුන් 10 න් 9 ක්ම දර්ශනය වීම සදතැන්නේ විශේෂත්වයකි .
ස්භාවධර්මයේ අපුරු නිර්මාණයක් වූ සදතැන්න ප්රදේශය නැරඹීමට යා හැකි වන්නේ බීජ අර්තාපල් ගොවිපළ අසලට පැමිණ ගමන් කළ හැකි අතර මෙහි ඇති මනස්කාන්ත භූමි දර්ශන මෙන්ම පාරිසරික සුන්දරත්වය ලංකාවේ කිසිම තැනකවත් දැකගත නොහැකිය.
එමෙන්ම එහි හිරු උදාව නිරීක්ෂණය සංචාරක ආකර්ෂණය ලබා ගත් අවස්ථාවක් වුවද විවිධ හේතු නිසාවෙන් ඒ සදහා ඇති පහසුකම් නොමැති බව ප්රදේශයේ සංචාරක ප්රවර්ධකයින් විසින් ආණ්ඩුකාරවරයා දැනුවත් කිරීමත් සමගම මෙම ප්රදේශයට සංචාරය කරමින් මෙම සංචාරක කලාපයේ පවතිව අඩුපාඩු පිළිබදව පැමිණ සිටි පිරිස සමගා සකච්ඡා කළ ආණ්ඩුකාරවරයා කියා සිටියේ සදතැන්න සංචාරක කලාපය දෙස් විදෙස් සංචාරකයින් සදහා අවශ්ය පහසුකම් ඇති කිරිමට කටයුතු කරන ලෙසත් රටක් ලෙස ආර්ථික වශයෙන් නැගි සිටිමට උත්සහ කරන මෙම අවස්ථාවේදි සියලු දෙනා භේද පසෙකලා ආර්ථික සමාජිය දියුණුව උදෙසා තම යුතුකම් සහ වගකිම් නිසි ලෙස වටහාගෙන කටයුතු කිරිම වැදගත් බවය.
මෙම සංචාරය සදහා මධ්යම පළාත් සංචාරක අධ්යක්ෂ මිහිරාන් බණ්ඩාර නුවරඑළිය සීතාඑලිය බීජ අර්තාපල් ගොවිපළ නිලධාරී මහතුන් , සංචාරක ප්රවර්ධකයින්ඇ කිහිප දෙනකු ඇතුලු පිරිසක් එක්වි සිටියහ.
ආර්.එෆ්.එම්.සුහෙල් – නුවරඑළිය
නව කැලණි පාලමෙන් වරාය දෙසට ඇතුළු වන මාර්ගය අලුත්වැඩියා කටයුත්තක් හේතුවෙන් වසා තබන බව අධිවේගී මාර්ග සංචාරක පොලීසිය ජනතාවට දැනුම්දෙනවා.
ඒ අනුව කටුනායක දෙසින් කැලණි පාලමට ඇතුළු වී වරාය දෙසට ගමන් කරන මංතීරුව අද (09) රාත්රී 9 සිට පෙබරවාරි මස 12 වන දා අලුයම 5 දක්වා වසා තබන බව සඳහන්.
එසේම ඔරුගොඩවත්ත මංසන්ධියේ සිට කැලණි පාලමට ඇතුළු වී වරාය පිවිසුම (ඉඟුරුකඩේ හංදිය) දෙසට යන වාහන සඳහා පාලමේ මැද කොටසින් වසා තැබීමටත් කටයුතු කිරීමට නියමිතයි.
කෙසේ නමුත්, අධිවේගී මාර්ගයේ කටුනායක සිට කොළඹ දක්වා ගමන් කරන වාහනවලට හා ඔරුගොඩවත්තෙන් ඇතුළු වී කටුනායක දක්වා ගමන් කරන වාහනවලට මෙයින් බාධාවක් ඇති නොවන බව වැඩිදුරටත් සඳහන් වනවා.
නව කැලණි පාලමෙන් වරාය දෙසට ඇතුළු වන මාර්ගය අලුත්වැඩියා කටයුත්තක් හේතුවෙන් වසා තබන බව අධිවේගී මාර්ග සංචාරක පොලීසිය ජනතාවට දැනුම්දෙනවා.
ඒ අනුව කටුනායක දෙසින් කැලණි පාලමට ඇතුළු වී වරාය දෙසට ගමන් කරන මංතීරුව අද (09) රාත්රී 9 සිට පෙබරවාරි මස 12 වන දා අලුයම 5 දක්වා වසා තබන බව සඳහන්.
එසේම ඔරුගොඩවත්ත මංසන්ධියේ සිට කැලණි පාලමට ඇතුළු වී වරාය පිවිසුම (ඉඟුරුකඩේ හංදිය) දෙසට යන වාහන සඳහා පාලමේ මැද කොටසින් වසා තැබීමටත් කටයුතු කිරීමට නියමිතයි.
කෙසේ නමුත්, අධිවේගී මාර්ගයේ කටුනායක සිට කොළඹ දක්වා ගමන් කරන වාහනවලට හා ඔරුගොඩවත්තෙන් ඇතුළු වී කටුනායක දක්වා ගමන් කරන වාහනවලට මෙයින් බාධාවක් ඇති නොවන බව වැඩිදුරටත් සඳහන් වනවා.
නියමිත බර ප්රමාණය මෙන්ම මිල ප්රදර්ශනය නොකළ බේකරි 232ක පමණ වැටලීම් සිදුකර නඩු පැවරීමට කටයුතු කර ඇති බව පාරිභෝගික කටයුතු අධිකාරිය පවසනවා.
පාන් සඳහා බර සඳහන් ගැසට් පත්රය නිකුත් කිරීමෙන් පසුව පෙබරවාරි 05 වනදා සිට 08 වනදා දක්වා දිවයින පුරා සිදුකළ වැටලීම්වලදී එම පිරිසට නඩු පවරා ඇති බවයි සඳහන් වන්නේ.
පාරිභෝගිකයන්ට යම් පැමිණිල්ලක් ඇත්නම් ඒ සඳහා පාරිභෝගික කටයුතු අධිකාරියේ ක්ෂණික ඇමතුම් අංකය වන 1977 ට දැනුම්දෙන ලෙසයි පාරිභෝගික කටයුතු පිළිබඳ අධිකාරිය ඉල්ලා සිටින්නේ.
