Author: uslanka

භාණ්ඩාගාර බැඳුම්කර නිකුත් කිරීම පිළිබඳ පරික්ෂා කිරීමේ හා විමර්ශනය කිරීමේ ජනාධිපති කොමිෂන් සභාව අද සිය සාක්ෂි විමසීමේ කටයුතු ආරම්භ කළේය.

කොළඹ 12 අධිකරණ මාවතේ පිහිටි භාණ්‌ඩාගාර බැඳුම්කර කොමිෂන් සභා කාර්යාලයේදී කොමිසම රැස්විය.

2015 පෙබරවාරි මස පළමුවෙනිදා සිට 2016 මාර්තු 31 වැනිදා දක්වා කාල පරිච්ඡේදයේ සිදුවූ භාණ්‌ඩාගාර බැඳුම්කර නිකුත් කිරීම් පිළිබඳව මාස 3ක් ඇතුළත පරීක්ෂණ අවසන් කොට වාර්තාවක් සපයන ලෙස ජනාධිපතිවරයා මෙම කොමිසමට නියෝග කර ඇත.

අද කොමිසමේ කටයුතු ආරම්භ කරමින් සාක්ෂි දීමට කැඳවා තිබුණේ වත්මන් මහ බැංකු අධිපති ඉන්ද්‍රජිත් කුමාරස්වාමිය.

සාක්‌ෂි විභාගය ආරම්භවීමට පෙර කොමිසමේ කටයුතු පිළිබඳව මූලික අදහසක් ඉදිරිපත්කරමින් එහි සාමාජික ශ්‍රේෂ්ඨාධිකරණ විනිසුරු කංකානි තන්ත්‍රි චිත්‍රසිරි, කොමිසමේ කටයුතු සිදුවන ආකාරය පැහැදිලි කළ අතර කොමිසමේ කටයුතු නියමිත කාලපරිච්ඡේදයට අවසන් කිරීම සඳහා ඉදිරියේදී දිනපතා සාක්ෂි විමසන බව පැවසීය.

කොමිසමේ කටයුතුවලට සහය දැක්වීම සඳහා ජනාධිපති කාර්යාලයෙන් නිලධාරීන් 4 දෙනකු ලබාදී තිබෙන බව පැවසූ ඔහු සඳහන් කළ පරිදි, සුමතිපාල උඩුගමසුරිය කොමිසමේ ලේකම්වරයා ලෙස ක්‍රියා කරයි.

පෙබරවාරි 9 හා 10 වෙනිදා කොමිසමට කරුණු ඉදිරිපත් කරන ලෙස මහජනතාවගෙන් ඉල්ලා පුවත්පත් දැන්වීම් පළකළ බව පැවසූ විනිසුරුවරයා ලබන 28 වෙනිදා දක්වා කරුණු ඉදිරිපත් කළ හැකි බව සඳහන් කළේය. එසේ ලබාදෙන කරුණු ගැන වැඩිදුර තොරතුරු අවශ්‍යනම් ඔවුන් සාක්ෂි ලබාදීමට කැඳවන බව ද ඔහු කියා සිටියේය.

රහසිගත සාක්ෂි

කොමිසමේ සාක්ෂි විමසීමේ කටයුතු මහජනතාවට විවෘත බව පැවසූ විනිසුරුවරයා, අත්‍යවශ්‍ය නම් රහසිගතව සාක්ෂි දීමේ ක්‍රමවේදයක් ද ඇති බව ප්‍රකාශ කළේය.

බැඳුම්කර ගණුදෙනු සම්බන්ධයෙන් විගණකාධිපතිවරයා සකස් කර ඇති වාර්තා, කෝප් කමිටුවේ වාර්තාව හා අගමැතිවරයා පත්කළ ත්‍රිපුද්ගල කමිටුවේ වාර්තාව ද මෙම විමර්ශනය සඳහා යොදාගන්නා බව ඔහු කියා සිටියේය..

ඉන් අනතුරුව අදහස් දැක්වූ ජ්‍යෙෂ්ඨ අතිරේක සොලිසිටර් ජෙනරාල් ජනාධිපති නීතිඥ දප්පුල ද සිල්වා පැවසුවේ නීතිපති දෙපාර්තමේන්තුවේ නීතිඥවරුන් 9 දෙනකුගේ කණ්ඩායමක් කොමිෂන් සභාවේ කටයුතු සඳහා සහභාගිවන බවය. සාක්ෂිකරුවන්ට බලපෑම් එල්ලවුවහොත් ඔවුන්ව ආරක්ෂා කිරීමේ පනත යටතේ ක්‍රියාකළ හැකි බව ද ඔහු පෙන්වා දුණි.

තාක්ෂණික කරුණු

සාක්ෂි විමසීම ආරම්භකිරීමට පෙර සභාවේ සිටි නීතිඥයින් දෙදෙනෙකු ඇමතු කොමිසමේ සාමාජිකයින්, ඔවුන් පෙනී සිටින්නේ කුමන පාර්ශ්ව වෙනුවෙන්දැයි විමසීමේදී එම නීතිඥයින්පැවසුවේ තමන් සාක්ෂි විභාගය නිරීක්ෂණය සඳහා පැමිණි බවය. එසේ නිරීක්ෂණය කරන්නේ කුමන පාර්ශ්වය වෙනුවෙන්දැයි විමසු විට, පර්පචුවල් සමාගම වෙනුවෙන් තමන් සාක්ෂි විමසීම නිරීක්ෂණය කළ ද නිල වශයෙන් තමන්ට එම කාර්ය පැවරී නැති බව සඳහන් කළේය.

ඉන් අනතුරුව ජ්‍යෙෂ්ට අතිරේක සොලිසිටර් ජෙනරාල් ජනාධිපති නීතිඥ දප්පුල ද සිල්වා විසින් මහබැංකු අධිපති ඉන්ද්‍රජිත් කුමාරස්වාමිගෙන් සාක්ෂි විමසිම ආරම්භ කරනු ලැබූ අතර භාණ්ඩාගාර බැඳුම්කර නිකුත්කිරීමේ පිළිවෙතේ තාක්ෂණික කරුණු සම්බන්ධ ප්‍රශ්න ගණනාවක් ඔහු වෙත යොමු විය.

බීබීසී

ශ්‍රී ලංකා නීතීඥ සංගමයේ සභාපති ධූරය සඳහා වන  නිලවරණය පැවැත්වීම දිනය පසුව දැනුම් දෙන තුරු කල් දමා ඇති බව වාර්තා වේ.

අද (21) දින ශ්‍රී ලංකා නීතීඥ සංගමයේ සභාපති ධූරය සඳහා වන  නිලවරණය පැවැත්වීම සඳහා කටයුතු සූදානම් කර තිබුණු නමුදු ඒ සම්බන්ධයෙන් මේ වන විට අර්බුදකාරී තත්ත්වයක් මතුව ඇති බව වාර්තා වෙයි.

නිලවරණය පැවැත්වීමේ  කටයුතුවලින් විනිසුරුවරුන්ගේ සංගමය ඉවත්වීමට ගෙන ඇති තීරණයත් සමඟ මෙම අර්බුදකාරී තත්ත්වය මතුව ඇති බව සඳහන්ය.

සභාපති ධූරය සඳහා යූ.ආර්. ද  සිල්වා , අනුර මැද්දේගොඩ, ආර්.සංඝරාජා යන නීතීඥවරු තරග වදින බවයි නීතීඥ සංගමයේ සභාපති ජෙෆ්රි අලගරත්නම් මහතා සඳහන් කළේය.

මෙම නිලවරණයේ තේරීම්භාර නිලධාරීවරුන් ලෙස කටයුතු කරනු ලබන්නේ  දිසා විනිසුරුවරුන්ය.

කෙසේවෙතත්  පසුගියදා මඩකළපුව දිස්ත්‍රික්කයේ නීතීඥවරයෙකු මහාධිකණ විනිසුරුවරයෙකු ලෙස පත් කිරීම සඳහා ශ්‍රී ලංකා නීතීඥ සංගමය මැදිහත් වු බවට චෝදනා කරමින් විනිසුරුවරුන්ගේ සංගමය ශ්‍රී ලංකා නීතීඥ සංගමයේ නිලවරණය වර්ජනය කිරීමට තීරණය කර තිබේ.

පාසල්හී පැවැත්වෙන බිග් මැච් (ක්රිකට් තරග) සදාචාරාත්මක ලෙස පැවැතිවිය නොහැකි නම් තහනම් කළ යුතු යැයි පූජ්ය ඕමල්පේ සෝභිත හිමියෝ පැවසූහ. එසේම ඒවා පාලනය කිරීමට පාසල් වල විදුහල්පතිවරුන් මැදිහත් නොවන්නේ නම් රටේ ආරක්ෂක අංශ ඒ සදහා මැදහත් විය යුතු බවද උන්වහන්සේ පෙන්වා දුන්හ.

බිග් මැච් යනු මෙරට බෞද්ධ සංස්කෘතිය, බෞද්ධ ආගම නැති කිරීම සදහා මත්ද්රව්ය ගුරුකොට ගනිමින් පාසල් වල ක්රියාත්මක වන කුමන්ත්රණයක් යැයිද අහිංසක කොළඹ ආනන්ද, නාලන්ද ඇතුළු සෙසු පාසල්හී සිසුන් එයට ගොදුරුව ඇතැයිද සෝභිත හිමියෝ පැවසූහ.

මෙම කුමන්ත්රණයෙන් මිදීමට නම් නීතිය අකුරට ක්රියාත්මක කල යුතු යැයිද නොඑසේ නම් පාසල් වල විදුහල්පතිවරැන් මේ සම්බන්ධයෙන් විනය පියවරක් ගත යුතු යැයිද උන්වහන්සේ අවධාරණය කළහ.

කොළඹ පාසල් කිහිපයක් අතර ඉකුත්දා ඇතිවූ ගැටුම් සම්බන්ධයෙන් අදහස් දැක්වීමට බෞද්ධ සංසදය ඊයේ (20) රජයේ ප්රවෘත්ති දෙපාර්තමේන්තු ශ්රවණාගාරයේදී පැවති මාධ්ය හමුවකදී උන්වහන්සේ මේ බව පැවසූහ.

බෞද්ධාගමේ මූලික ඉගැන්වීම විනය හා හික්මීම බවත් රටේ බෞද්ධ පාසල් ප්රසිද්ධියේ මෙලෙස විනය විරෝධි ක්රියා කිරීම ප්රසිද්ධියේ හෙලා දකින බවත් උන්වහන්සේ පැවසූහ.

බිග් මැච් යනු ප්රසිද්ධියේ නීති කඩ කිරීම සදහා පාසල් සිසුන්ට ලබාදෙන අවසර පත්රයක් බවද උන්වහන්සේ මෙහිදී සදහන් කළහ. එසේම ආනන්ද නාලන්ද බිග් මැච් ‘සුලෝහිත සංග්රාමය’ යනුවෙන් නම් කර ඇතත් අද එය ලේ ගලන ‘ලෝහිත සංග්රාමයක්’ වී ඇතැයි සෝභිත හිමියෝ පෙන්වා දුන්හ.

බිග් මැචි සංවිධානය කරනු ලබන ඕල්ඩ් බෝයිස්ලා යනු ‘ඕල්ඩ් බීස්ට්’ ලා යැයි සදහන් කල සෝභිත හිමියෝ බිග් මැච් යනු බෞද්ධ කමටද නිගාවක් යැයි පැවසූහ.

මත්ද්රව්ය සදහා ඇබ්බැහිව සිටින පාසල් සිසුන්ගෙන් සියයට අනූපහක්ම මෙලෙස විද්යාලවල පවතින විවිධ උත්සව වලදී ඒවාට ඇබ්බැහිව ඇතැයි මෙම අවස්ථාවට සහභාගී වූ ඉත්තෑපානේ ධම්මාලංකාර මහානාහිමියෝ පැවසූහ. යාපනයේ විද්යාල දෙකක් මත්පැන් රහිත බිග් මැච් දෙකක් සංවිධානය කර එයට ජනාධිපතිවරයාටද ආරාධනා කර ඇතැයි ජනමාධ්ය නියෝජ්ය අමාත්ය කරුණාරත්න පරණවිතාණ මහතා මෙහිදී සදහන් කළේය.

මෙම අවස්ථාවට කුප්පියාවත්තේ බෝධානන්ද හිමි, ත්රිකුණාමලයේ ආනන්ද හිමි ඇතුළු මහා සංඝරත්නය සහභාගි වූහ.

මිනිසුන්ගේ ජීවිත අවදානම සැළකිල්ලට නොගනිමින් කටයුතු කරන යාත්රා අයිතිකරුවන් සහ පදවන්නන් පිළිබඳව දැඩි ක්රියාමාර්ග ගත යුතු යැයි ධීවර හා ජලජ සම්පත් සංවර්ධන අමාත්ය මහින්ද අමරවීර මහතා නිවේදනයක් නිකුත් කරමින් සදහන් කරයි.

පෙරේදා (19) කටුකුරුන්ද ආසන්න මුහුදේ දී කිහිප දෙනෙකුට මරණය කැඳවමින් සිදු වූ දරුණු අනතුරට හේතුව, එම බෝට්ටුවට දරාගත නොහැකි අන්දමට මිනිසුන් පැටවීම නිසා පැහැදිලි යැයිද එවැනි අවස්ථාවක සමබරතාවය ගිලිහී යාම නිසා බොහෝ විට මෙවැනි අනතුරු සිදු වනවා යැයිද අමාත්යවරයාගේ නිවේදනයේ සදහන් වේ.

මුහුදේ සිදු කෙරෙන මගීන් ප්රවාහනයේ දී, අනුගමනය කළ යුතු ක්රියාමාර්ග පිළිබඳව ධීවර යාත්රා අයිතිකරුවන්ට මෙන්ම, ඒවා පදවන්නන්ට ද ධීවර හා ජලජ සම්පත් සංවර්ධන අමාත්යාංශය මාර්ගොපදේශන ලබා දී ඇති නමුත්, බොහෝ විට එම මාර්ගෝපදේශන ක්රියාත්මක නොකර හුදෙක් මුදල් අපේක්ෂාවෙන් කටයුතු කිරීම නිසා මෙවැනි අනතුරු සිදුවන බව පැහැදිලි බවත් අමාත්යවරයා පෙන්වා දෙයි.

බෝට්ටුවක උපරිම ධාරිතාව, මුහුදේ ස්වභාවය, බෝට්ටුවේ ගමන්කරන සෑම කෙනෙකුටම ආරක්ෂිත කබා පැළඳවීම මෙන්ම, ගමනාන්තය තෙක් සමතුලිතතාවය රැක ගනිමින් කටයුතු කිරීම වැනි මුහුදේ මගීන් ප්රවාහනයේ දී අවධානය යොමු කළ යුතු කරුණු රැසක් වන බවද හෙතෙම පවසයි.

නමුත් මෙම අනතුරට ලක් වූ බෝට්ටුවේ ගමන් කළ පිරිස බෝට්ටුවේ ධාරිතාවට නොසරිලන අතර, ඔවුන්ට ජීවිතාරක්ෂක කබා ද ලබා දී නැති බව, පැහැදිලි යැයිද නිවේදනයේ සදහන් වේ.

කෙසේ වුව ද මෙවැනි අනතුරු වළක්වා ගැනීම සඳහා ඉදිරි කාළය තුළ යාත්රා අයිතිකරුවන් සහ පදවන්නන් දැනුම්වත් කිරීමේ වැඩපිළිවෙලක් ඇරඹීමටත්, එමෙන්ම මෙම කාරණය ධීවර හා ජලජ සම්පත් සංවර්ධන අමාත්යාංශයට අදාළ නොවූවත්, මගී ප්රවාහන බෝට්ටු සේවා සපයන ආයතන හා පුද්ගලයින් නියාමනය සඳහා නවතම විදිමත් මාර්ගෝපදේශන මාලාවක් හඳුන්වා දීමටත්, ඒ සඳහා නාවික හමුදාව, ජාතික වෙරළාරක්ෂක බලකාය ඇතුළු අංශවල සහයෝගය ලබා ගන්නා බවත්, අමාත්යවරයා අවධාරණය කරයි.

දැනට තල්මසුන් සහ ඩොල්ෆින් මසුන් නැරඹීමට යන පුද්ගලයින් සඳහා ජීවිතාරක්ෂක කබා ලබා දීම අනිවාර්ය කර ඇති අතර, එම යාත්රාවලට ගෙන යා හැකි උපරිම පුද්ගලයින් ගණන පිළිබඳව ද, මුහුදේ ස්වභාවය අවධානයට යොමු කිරීම සම්බන්ධයෙන් ද, අවශ්ය මාර්ගෝපදේශන ලබා දී තිබෙන බවද අමාත්යංශ නිවේදනයේ දැක්වේ.

එමෙන්ම, මගී ප්රවාහන බෝට්ටුවක යම් කෙනෙක් ගමන් කරන්නේ නම්, ඔහු ද තම ආරක්ෂාව පිළිබඳව අවදානය යොමු කළ යුතු අතර, ජීවිතාරක්ෂක කබා ලබා නොදෙන්නේ නම් එවැනි
චාරිකාවල නිරත නොවීමට ද, වග බලා ගත යුතුයැයි අමාත්යංශ නිවේදනයේ වැඩිදුරටත් සදහන් වේ.

හිටපු ජනාධිපති මහින්ද රාජපක්ෂ මහතා රටේ ආර්ථිකය සම්බන්ධයෙන් නොදන්නා දේ කතා නොකර දන්නා දේ තොරතුරු සහිතව කතා කරනවා නම් තමා උත්තර දීමට සූදානම් යැයි මුදල් අමාත්‍ය රවී කරුණානායක මහතා පැවසීය.

අද (පෙබ 16) මුදල් අමාත්‍යංශයේදී පැවති මාධ්‍ය හමුවකදී ඒ මහතා මේ බව පැවසීය.

මහින්ද රාජපක්ෂ මහතා තමාට භාරදුන්නේ ණය බරෙන් පිරැණු රටක් බවද ඒ ණය පියවීමට රජයේ ආදායමද ප්‍රමාණවත් නොවූ බව හෙතෙම පෙන්වා දුන්නේය.

තම ධුර කාලයේදී රුපියල් බිලියන 1700ට තිබූ ණය බර රුපියල් බිලියන 9000 දක්වා වැඩි කර  ඒ මහතා වත්මන් රජය ගන්නා ලද ණය වලින් කුමක් කළේදැයි ප්‍රශ්න කිරීම අසාධාරණ බවද අමාත්‍යවරයා පැවසීය. එසේම හිටපු ජනාධිපතිවරයා අද පවසනුයේ ඒ මහතාගේ කාලයේදී පුද්ගලිකව සාක්කු වලට ගිය මුදල් පිළිබදව බවටද අමාත්‍යවරයා චෝදනා කළේය.