රජයේ පශූ වෛද්ය නිලධාරීන්ගේ සංගමය අද (30) ලෙඩ නිවාඩු දමා වර්ජනයක නිරතවනවා.
ඒ අනුව එහි සභාපති පශු වෛද්ය සිසිර පියසිරි සඳහන් කළේ රාජ්ය නිලධාරීන්ට අනිසි ලෙස බලපෑම් කරමින් බිත්තර ආනයනය සඳහා රජය ගෙන ඇති තීරණයට විරෝධය පළ කරමින් මෙම සංකේත වෘත්තීය සමිති ක්රියාමාර්ගය ආරම්භ කර ඇති බවයි.
මෙම වෘත්තීය ක්රියාමාර්ගය හේතුවෙන් සතුන්ට ප්රතිකාර කිරීමේ සේවා ඇතුළු කටයුතු බිඳ වැටිය හැකි බවයි ඔහු වැඩිදුරටත් සඳහන් කළේ.
පාස්කු ප්රහාරයට සම්බන්ධ මහ මොළකරුවන්ට දඬුවම් දිය යුතු බව පවසමින් සමගි ජන බලවේගයේ මන්ත්රීවරු කිහිපදෙනෙක් අද (30) නීතිපති දෙපාර්තමේන්තුව වෙත පැමිණ තිබෙනවා. පාස්කු ප්රහාරයට සම්බන්ධ පුද්ගලයින්ට සහ දේශපාලන අධිකාරියට එරෙහිව අපරාධ පරීක්ෂණ දෙපාර්තමේන්තුවෙන් ඉදිරිපත් කර ඇති තොරතුරුවලට අනුව අපරාධ නීතිය ක්රියාත්මක කරන ලෙස නීතිපතිවරයාගෙන් ඉල්ලීමක් කළ බවයි එම මන්ත්රීවරුන් සඳහන් කළේ. සමගි ජන බලවේගයේ නීතිඥ මණ්ඩලය ඇතුළු කණ්ඩායමක් මේ සඳහා එක්වී ඇති බවයි සඳහන් වන්නේ.
වෘත්තීයවේදීන්ගේ වෘත්තීය සමිති එකමුතුවේ නියෝජිතයින්ගේ විශේෂ හමුවක් අද (30) පැවැත්වීමට නියමිතව තිබෙනවා.
ඒ අනුව වෘත්තීයවේදීන්ගේ වෘත්තීය සමිති එකමුතුව නියෝජනය කරන විශ්වවිද්යාල ආචාර්යවරුන්ගේ සමිති සම්මේලනය සඳහන් කළේ, මෙම හමුව සඳහා වෘත්තීය සමිති 30ක පමණ නියෝජිතයින් පිරිසක් සහභාගි වීමට නියමිත බවයි.
රුපියල් ලක්ෂය ඉක්මවන මාසික ආදායම් මත 6% සිට 36% දක්වා බදු අයකරන ආණ්ඩුවේ ප්රතිපත්තිය වහා හකුලා ගන්නැයි බලකරමින් පසුගිය සතියේ ක්රියාත්මක කළ කළු විරෝධතා සතියේ ඉදිරි පියවර පිළිබඳව මෙහිදී සාකච්ඡා කිරීමට නියමිතයි.
පළාත් පාලන මැතිවරණයට අදාළ වියදම් සීමා කිරීම සම්බන්ධයෙන් අපේක්ෂකයින් දැනුවත් කිරීමේ වැඩසටහනක් ලබන මස මුල් සතිය තුළ ආරම්භ කරන බව පැෆරල් සංවිධානය පවසනවා.
ඒ අනුව මැතිවරණ කොමිසම සමග ඒකාබද්ධව අපේක්ෂකයින් දැනුවත් කිරීමට මෙම වැඩසටහන ක්රියාත්මක කරන බවයි එහි විධායක අධ්යක්ෂ රෝහණ හෙට්ටිආරච්චි සඳහන් කළේ.
මැතිවරණ අපේක්ෂයන් සියලුදෙනා මෙම නීති ගැන දැනුවත්ව සිටීම වැදගත් බවත් මැතිවරණය අවසානයේ මැතිවරණ වියදම් නිල වාර්තා ලබාදීම සෑම අපේක්ෂකයෙකුගේම වගකීමක් බවයි ඔහු වැඩිදුරටත් සඳහන් කළේ.
රජය විසින් හඳුන්වා දුන් බදු සංශෝධනවලට විරෝධය පළ කරමින් කොළඹ වරායේ සියළු සේවකයින් අද පැයක කාලයක් සිය සේවාවලින් ඉවත්ව උද්ඝෝෂණයක නිරතවන බව ශ්රී ලංකා වරාය අධිකාරියේ වෘත්තීය සමිති පවසනවා.
මෙම ක්රියාමාර්ගයට රජය දක්වන ප්රතිචාර අනුව සිය ඉදිරි සැලසුම් ක්රියාත්මක කරන බවයි පොදුජන ප්රගතිශීලී සේවක සංගමයේ ප්රධාන ලේකම් ශ්යාමල් සුමනරත්න සඳහන් කළේ.
ඒ අනුව අද දිනයේ දහවල් 12.00 සිට 1.00 දක්වා වරායේ කිසිදු කටයුත්තක් සිදු නොවන බවත් අද පැවැත්වෙන විරෝධතාව ඉදිරියේදී සමස්ත වරාය වැඩවර්ජනයක් දක්වා යාමට ඉඩ තිබෙන බවද ඔහු සඳහන් කළා.
පුද්ගලයින් රවටා ඔවුන්ගේ ATM කාඩ්පත්වල රහස් අංකය ලබාගෙන මුදල් ලබාගත් සැකකරුවෙකු ඊයේ (29) කුරුණෑගල දී අත්අඩංගුවට ගෙන තිබෙනවා.
සැකකරු විසින් කුරුණෑගල නගරයේ පිහිටි බැංකුවල ATM යන්ත්ර අසල රැඳී සිටිමින් මුදල් තැන්පත් කිරීමට පැමිණෙන පුද්ගලයන් රවටා ATM කාඩ්පතෙහි රහස් අංකය ලබාගෙන ඇති බවයි සඳහන් වන්නේ.
පසුව ඔහු ATM කාඩ්පත වෙනත් කාඩ්පතක් සමග මාරු කර එම සොරකම සිදුකර ඇති බවයි වාර්තා වන්නේ.
මෙලෙස අත්අඩංගුවට ගෙන ඇත්තේ 22 හැවිරිදි කොටිකාපල ප්රදේශයේ පදිංචිකරුවෙක් වන අතර ඔහු අද (30) කුරුණෑගල මහේස්ත්රාත් අධිකරණය වෙත ඉදිරිපත් කිරීමට නියමිතයි.
ප්රවීණ නාට්යවේදී කේ.බී. හේරත් අද දහවල් අභාවප්රාප්ත වී තිබෙනවා.
මියයන විට ඔහු 82 වන වියේ පසු වුනා.
සුදු කරල් වේදිකා නාට්ය හරහා වේදිකාවට පැමිණි ඔහු මයාදේවී, ජගන් මා වේදිකා නිර්මාණවලට දායක වූ අතර ජාතික රූපවාහිනිය නිෂ්පාදනය කළ “ඉන්ගම්මාරුව” , ගජමන් නෝනා ආදී ටෙලි නිර්මාණ රැසක තිර රචකයා ලෙසද කටයුතු කර තිබෙනවා.
පළාත් පාලන මැතිවරණ ක්රියාවලිය ආරම්භ කිරීම සඳහා අවශ්ය වන ගැසට් නිවේදනය මෙතෙක් මුද්රණයට යොමුකර නොමැති බව රජයේ ප්රවෘත්ති දෙපාර්තමේන්තුව පවසනවා.
නිවේදනයක් නිකුත් කරමින් ඔවුන් සඳහන් කරන්නේ මැතිවරණ කොමිෂන් සභාවේ සභාපති සහ අනෙකුත් සාමාජිකයන්ගේ අත්සනින් යුතුව එම ගැසට් පත්රය මුද්රණය කිරීම සඳහා මෙතෙක් රජයේ මුද්රණාලය වෙත යොමුකර නොමැති බවයි.
මැතිවරණ කොමිෂන් සභාවේ සාමාජිකයින්ට දුරකථන ඔස්සේ තර්ජන සිදුකර ඇත්තේ, විදෙස් රටක සිට බවට අනාවරණය වී ඇති බව පොලිස් මාධ්ය ප්රකාශක ජ්යෙෂ්ඨ පොලිස් අධිකාරී නීතීඥ නිහාල් තල්දූව පවසනවා.
අදාළ දුරකථන ඇමතුම් සම්බන්ධයෙන් අපරාධ පරීක්ෂණ දෙපාර්තමේන්තුව විශේෂ විමර්ශනයක් ආරම්භ කර ඇති බවද, ඒ අනුව එම දුරකථන ඇමතුම් එකම දුරකථන අංකයකින් සිදුවන බවද, එම දුරකථන අංකය ගාල්ල ප්රදේශයේ යම් ලිපිනයක් සහිත දුරකථන අංකයක් වන නමුත් එම පුද්ගලයා දැනට ලංකාවේ නොමැති බවට අනාවරණයවී ඇති බවද ඔහු සඳහන් කළා.
විදුලි සංදේශ නියාමන කොමිෂන් සභාව, ශ්රී ලංකා ටෙලිකොම් ආයතනය, අපරාධ විමර්ශන දෙපාර්තමේන්තුව යන අයතනවල සහාය ලබාගෙන ඉදිරි විමර්ශන කටයුතු ක්රියාත්මක කර ඇති බවයි පොලිස් මාධ්ය ප්රකාශකවරයා වැඩිදුරටත් සඳහන් කළේ.
මහජන උපයෝගිතා කොමිෂන් සභාවේ සභාපති ජනක රත්නායක එම ධූරයෙන් ඉවත් කිරීමට අදාළ චෝදනා පත්රය මේ වන විට සකස් කර අවසන් බව විදුලිබල හා බලශක්ති අමාත්ය කංචන විජේසේකර පවසනවා.
පාර්ලිමේන්තුව ආරම්භ වන 8 වනදායින් පසු පාර්ලිමේන්තුව රැස්වන පළමු දිනයේ ඊට අදාළ කරුණු පාර්ලිමේන්තුවට ඉදිරිපත් කරන බවද අමාත්යවරයා වැඩිදුරටත් සඳහන් කළා.
