හිටපු ජනාධිපති රනිල් වික්රමසිංහ අල්ලස් කොමිසමට කැඳවීමට පියවර ගැනීම සම්බන්ධයෙන් ඔහු විසින් විශේෂ නිවේදනයක් නිකුත් කර තිබෙනවා.
ඒ අනුව, චාමර සම්පත් හිටපු අමාත්යවරයා ගැන තමා කළ ප්රකාශය සම්බන්ධයෙන් අල්ලස් කොමිසම ක්රියා කර තිබෙන අතිශය වේගවත් ස්වරූපය පුදුමය දනවන බවයි හිටපු ජනාධිපතිවරයා එම නිවේදනය මගින් පෙන්වා දෙන්නේ.
තමා අදාළ ප්රකාශය කර පැය 18 ක් ගතවීමට පෙර අල්ලස් කොමිසමෙන් කැඳවීම ලැබුණු බවත්, රාජකාරි පැය තුනක පමණ ඉතා කෙටි කාලයකදී එය සිදු කිරීම ලෝක වාර්තාවක් තැබීමට සමාන බවයි ඔහු සඳහන් කර ඇත්තේ.
එසේම, තමා කැඳවීමට දින ලබා දී ඇත්තේ සිංහල හින්දු අලුත් අවුරුදු සමය තුළ බවත්, මෙම කාලසීමාවේදී ඔහු ද, ඔහුගේ නීතීඥයින් ද කොළඹ රැඳී නොසිටින බැවින් වෙනත් දිනයක් ඉල්ලා සිටීමට පියවර ගෙන ඇති බව අදාළ නිවේදනයේ වැඩිදුරටත් සඳහන්.
එම නිවේදනය පහතින්.
