සෞඛ්ය අමාත්යංශයේ හිටපු ලේකම් ජනක චන්ද්රගුප්ත අපරාධ පරීක්ෂණ දෙපාර්තමේන්තුව හමුවේ ප්රකාශයක් ලබාදී තිබෙනවා.
ඒ අනුව අද (30) එම දෙපාර්තමේන්තුව වෙත පැමිණ ඔහු ප්රකාශය ලබාදීමෙන් අනතුරුව පිටව ගොස් ඇති බවයි සඳහන් වන්නේ.
ප්රමිතියෙන් තොර ඉමියුනොග්ලොබියුලීන් ඖෂධ ආනයන සිද්ධියට අදාලව අපරාධ පරීක්ෂණ දෙපාර්තමේන්තුව සිදුකරනු ලබන විමර්ශනයට අදාළව මෙම ප්රකාශය ලබාගෙන තිබෙනවා.
අධිකරණයට අපහාස කිරීමේ සිද්ධිය සම්බන්ධයෙන් ගොනුකර තිබෙන පෙත්සමට අදාළව විරෝධතා ගොනුකිරීම සඳහා අභියාචනාධිකරණය හිටපු ක්රීඩා අමාත්ය රොෂාන් රණසිංහට කාලය ලබාදී තිබෙනවා.
පාර්ලිමේන්තුවේදී සිදුකළ ප්රකාශයකින් අධිකරණයට අපහාස කළේ යැයි චෝදනා කරමින් නීතිඥවරියක විසින් ගොනුකළ එම පෙත්සම අද (30) අභියාචනාධිකරණය හමුවේ කැඳවූ අවස්ථාවේදී මෙම නියෝගය ලබාදී ඇති බවයි සඳහන් වන්නේ.
එහිදී මෙම පෙත්සමට අදාළ විරෝධතා ඇත්නම් ඒවා දෙසැම්බර් මස 15 වනදා හෝ ඊට පෙර ගොනුකරන ලෙසයි අභියාචනාධිකරණය වගඋත්තරකාර රොෂාන් රණසිංහට දැනුම්දී ඇත්තේ.
ඒ අනුව පෙත්සම යළි ජනවාරි මස 03 වනදා කැඳවීමට අභියාචනාධිකරණය නියෝග කර තිබෙනවා.
මන්ත්රීවරයෙකු පාර්ලිමේන්තුවේ සිදුකරනු ලබන ප්රකාශයක් මත අධිකරණය හමුවේ නඩු පැවරිය නොහැකි බව කතානායක මහින්ද යාපා අබේවර්ධන පවසනවා.
අද (30) විපක්ෂ නායකවරයා යොමු කළ පැනයකට පිළිතුරු ලබාදෙමින් කතානායකවරයා සඳහන් කළේ, හිටපු ක්රීඩා අමාත්ය රොෂාන් රණසිංහට එරෙහිව පනවා ඇති නඩුව වැරදි සහගත බවයි.
අධිකරණයට අපහාස කිරීමේ චෝදනාව සම්බන්ධයෙන් නීතිමය පියවර ගන්නා ලෙස ඉල්ලමින් හිටපු ක්රීඩා අමාත්ය රොෂාන් රණසිංහට එරෙහිව නීතීඥවරයෙක් විසින් ඊයේ (29) අභියාචනාධිකරණය හමුවේ පෙත්සමක් ගොනුකර තිබුණා.
ණය ප්රතිව්යුහගත කිරීම සඳහා ණය දෙන රටවල් සමඟ ශ්රී ලංකාවේ ඇතිකරගත් ප්රතිපත්තිමය ගිවිසුම හරහා ශ්රී ලංකාවට ලබාදුන් විස්තීර්ණ ණය පහසුකමේ පළමු සමාලෝචනය සිදුකර එහි දෙවැනි වාරිකය නිදහස් කිරීමට අවශ්ය මාර්ගය පෑදෙන බව ජාත්යන්තර මූල්ය අරමුදලේ ශ්රී ලංකා ජ්යෙෂ්ඨ දූත මණ්ඩල ප්රධානී පීටර් බෘෘවර් පවසනවා.
දෙසැම්බර් මැද භාගය වන විට විධායක මණ්ඩලය විසින් මෙම සමාලෝචනය භාර ගැනීමටත්, ඉදිරි කාලය තුළ ශ්රී ලංකාව සමඟ ජාත්යන්තර මූල්ය අරමුදලේ සහයෝගීතාව අඛණ්ඩව පවත්වාගෙන යාමට බලාපොරොත්තු වන බවයි ඔහු වැඩිදුරටත් සඳහන් කර ඇත්තේ.
ශ්රී ලංකාවේ ණය ප්රතිව්යුහගතකරණ ගිවිසුම සඳහා ණය හිමි රටවල් කණ්ඩායම ප්රතිපත්තිමය වශයෙන් ඊයේ (29) එකඟතාව පළකර තිබුණා.
බදුල්ල ප්රදේශයෙන් ඩෙංගු රෝගීන් වාර්තා වීමේ විශාල වැඩිවීමක් වාර්තා වන බව ජාතික ඩෙංගු මර්දන ඒකකය පවසනවා.
ඩෙංගු මදුරුවන් බෝවන පරිශ්ර පිරිසිදු කර ගන්නා ලෙස ජනතාවගෙන් ඉල්ලා සිටින බවයි එහි අධ්යක්ෂ වෛද්ය නලින් ආරියරත්න මහතා සඳහන් කළේ.
මෙම වසරේ ගත වූ කාලසීමාව තුළ රට පුරා ඩෙංගු රෝගීන් 75,000 ක් පමණ වාර්තා වී ඇති අතර, බස්නාහිර, දකුණු, සබරගමුව හා මධ්යම යන පළාත්වලින් වැඩිම රෝගීන් පිරිසක් හඳුනාගෙන ඇති බවට වාර්තා වනවා.
මුද්රණ යන්ත්ර නොමැති වීමෙන් නිකුත් කිරීමට නොහැකිව ගොඩගැසී ඇති රියදුරු බලපත්ර සියල්ල ඉදිරි මාස 6 තුළදී නිකුත් කිරීමට කටයුතු කරන බව මෝටර් රථ ප්රවාහන කොමසාරිස් ජනරාල් නිශාන්ත අනුරුද්ධ වීරසිංහ පවසනවා.
පසුගිය සඳුදා දිනයේ දී රියදුරු බලපත්ර මුද්රණය කිරීමට අවශ්ය මුද්රණ යන්ත්ර තුනක් තමා වෙත ලැබුණු බවයි ඔහු සඳහන් කළේ.
ඒ අනුව එහි මුද්රණ කටයුතු මෙම සතියේ ආරම්භ කරන බවත් ලක්ෂ 9 කට අධීක රියදුරු බලපත්ර ප්රමාණයක් මුද්රණය කිරීමට ඇති බවයි ඔහු වැඩිදුරටත් සඳහන් කළේ.
ශ්රී ලංකාවේ ණය ප්රතිව්යුහගත කිරීම සඳහා නිශ්චිත මූල්ය සහතික පිළිබඳ ප්රතිපත්තිමය එකඟතාව නිල ණය හිමි කමිටුව තහවුරු කර ඇති බව මුදල් රාජ්ය අමාත්ය ශෙහාන් සේමසිංහ පවසනවා.
ඒ අනුව ජාත්යන්තර මූල්ය අරමුදලේ වැඩසටහනේ දක්වා ඇති ණය ප්රතිව්යුහගත කිරීමේ ප්රමිතීන්ට අනුකූලව මෙම එකඟතාව ලැබී ඇති බවයි X පණිවිඩයක් නිකුත් කරමින් රාජ්ය අමාත්යවරයා සඳහන් කරන්නේ.
සියළුම ද්විපාර්ශ්වික ණය හිමියන්ගේ සහයෝගීතාවට ස්තූතිය පළ කරන බවයි අදාළ පණිවිඩයේ වැඩිදුරටත් දැක්වෙන්නේ.
අදාළ X පණිවිඩය පහතින්.
නීතිවිරෝධී දුම්වැටි 600 ක තොගයක් ප්රවාහනය කරමින් සිටි පුද්ගලයෙක් දිවුලපිටිය පොලිසිය විසින් අත්අඩංගුවට ගෙන තිබෙනවා.
දිවුලපිටිය, බලගල්ල ප්රදේශයේ පදිංචිකරුවෙක් වන මෙම සැකකරු පොලිසියට පවසා ඇත්තේ මෙම නීතිවිරෝධී දුම්වැටි අලෙවි කිරීම සඳහා රැගෙන යමින් සිටි බවයි.
සැකකරු සහ නීති විරෝධී දුම්වැටි 600 ක තොගය මිනුවන්ගොඩ අධිකරණයට ඉදිරිපත් කිරීමට නියමිත බව දිවුලපිටිය පොලිසිය පවසනවා.
ජාතික ආරක්ෂාවට මුල්තැන දෙමින්, මත්ද්රව්ය හා සංවිධානාත්මක අපරාධ මර්දනයට ඉදිරියේදී සැලසුම් ක්රියාත්මක කරන බව වැඩබලන පොලිස්පති දේශබන්දු තෙන්නකෝන් පවසනවා.
තමා ළඟට සේවයට ලබා ගැනීමට පැමිණි කිසිවෙකුගේ පක්ෂයක්, පාටක්, කුලයක්, ජාතියක් හෝ ආගමක් බලා තමන් ක්රියාකර නොමැති බවයි මාධ්ය වෙත අදහස් දක්වමින් වැඩබලන පොලිස්පතිවරයා සඳහන් කළේ.
ඒ අනුව ඉදිරියේදී එය සෑම පුද්ගලයෙකුටම ක්රියාවෙන්ම දැකගත හැකි වනු ඇති බවයි වැඩබලන පොලිස්පති දේශබන්දු තෙන්නකෝන් වැඩිදුරටත් සඳහන් කළේ.
අධිකරණයට අපහාස කිරීමේ චෝදනාව සම්බන්ධයෙන් නීතිමය පියවර ගන්නා ලෙස ඉල්ලමින් හිටපු ක්රීඩා අමාත්ය රොෂාන් රණසිංහට එරෙහිව අභියාචනාධිකරණය හමුවේ පෙත්සමක් ගොනුකර තිබෙනවා.
ඒ අනුව නීතීඥවරයෙක් විසින් අදාළ පෙත්සම ඉදිරිපත් කර ඇති බවයි සඳහන් වන්නේ.
අධිකරණයට අපහාස කිරීමේ චෝදනාව සම්බන්ධයෙන් හිටපු අමාත්යවරයාට එරෙහිව සුදුසු දඬුවම් පමුණුවන ලෙසයි ඔහු අධිකරණයෙන් ඉල්ලා සිටින්නේ.
