ජපානය විසින් සඳ වෙත යැවූ ‘මූන් ස්නයිපර්’ නම් අභ්යවකාශ යානය සඳ මතට සාර්ථකව ගොඩ බස්වා ඇති බව ජපාන අභ්යවකාශ ගවේෂණ ඒජන්සිය (JAXA) පවසනවා.
ඒ අනුව, සාර්ථකව සඳ මත අභ්යවකාශ යානයක් ගොඩ බස්වන ලද පස්වන රට බවට ජපානය පත් වූ අතර, මීට පෙර අමෙරිකාව, සෝවියට් සංගමය (පෙර), චීනය සහ ඉන්දියාව යන රටවල් සාර්ථකව චන්ද්ර යානා ගොඩ බස්වා තිබුණා.
කෙසේ නමුත්, ගොඩ බැස්වීමේදී සිදුවූ යානාවේ බල සැපයුමේ ගැටලුවක් හේතුවෙන් තවමත් එහි තත්ත්වය පරීක්ෂා කරමින් පවතින බවයි ජපාන අභ්යවකාශ ගවේෂණ ඒජන්සිය කියා සිටියේ.
අයහපත් කාළගුණයෙන් හානියට පත් වූ කුඹුරුවල හානි තක්සේරු කිරීමේ කටයුතු වහාම ආරම්භ කරන ලෙසට කෘෂිකාර්මික හා ගොවිජන රක්ෂණ මණ්ඩලයට මේ වනවිටත් උපදෙස් ලබාදී ඇති බව කෘෂිකර්ම හා වැවිලි කර්මාන්ත අමාත්යාංශය පවසනවා.
පසුගිය මාස කිහිපය පුරා පැවති අධික වර්ෂාව හා ගංවතුර හේතුවෙන් මෙවර මහ කන්නයේ වී වගා කර තිබූ කුඹුරු අක්කර 61,000ක් පමණ හානියට පත්වී තිබෙන බවයි සඳහන් වන්නේ.
සරම්ප ප්රතිශක්තිකරණ එන්නත් ලබාදීමේ වැඩසටහනක් අද (20) සහ හෙට දීප ව්යාප්තව ක්රියාත්මක බව සෞඛ්ය අමාත්යාංශය පවසනවා.
මෙම එන්නත් වැඩසටහන වයස මාස 09ත් අවුරුදු 15ත් අතර දරුවන් සඳහා ක්රියාත්මක බව බවයි සඳහන් වන්නේ.
සෑම දිස්ත්රික්කයකම තිබෙන එන්නත්කරණ මධ්යස්ථානවලට පැමිණීමෙන් මෙතෙක් සරම්ප එන්නත් ලබා නොගත් දරුවන් සඳහා එන්නත ලබා ගැනිමේ හැකියාව පවතින බවයි එම අමාත්යාංශය සඳහන් කළේ.
පවුල් ආරවුලක් සම්බන්ධයෙන් හොරණ අධිකරණයේ විභාගය වන නඩුවකට සහභාගිවීම සඳහා පැමිණි පුද්ගලයකු පවුල් උපදේශන කාර්යාලය තුළදී තම කුඩා දරුවා ඉදිරිපිට බිරිඳට පහර දීම සම්බන්ධයේන් පුද්ගලයෙකු අත්අඩංගුවට ගත් බව හොරණ පොලිසිය පවසයි.
මෙම
පහරකෑමෙන් කාන්තාව ලේ ගලන තුවාල සහිතව සිහිසුන්ව බිම ඇද වැටී ඇත. පසුව 1990 සුවසැරිය ගිලන් රථය ගෙන්වා හොරණ දිස්ත්රික් රෝහලට ඇතුලත් කර ඇත.
මෙම යුවල තම එකම දරුවාගේ අයිතිය ඔවුන් දෙදෙනාටම ඉල්ලා ඇති නඩුවක් විභාග වන බව පොලිසිය පවසයි.
අධිකරණ නියෝග මත ඔවුන් දෙපල පවුල් උපදේශන නිලධාරියා උපදෙස් ලබාගැනීමට යොමුකර තිබී ඇත.
උපදේශන නිලධාරියා පැමිණෙන විට කාර්යාලය තුල දරුවා හඬමින් සිට ඇති අතර ලේ ගලන තුවාල සහිතව බිම වැටී සිටි කාන්තාව දැක පොලිසියට දැනුම් දී ඇත.
හොරණ පොලිසියේ පොලිස් සැරයන් 41052 ප්රියන්ත මහතා දැනුම් දීම මත සුළු පැමිණිලි අංශයේ ස්ථානාධිපති ප්රධාන පොලිස් පරීක්ෂක පරාක්රම ගුණරත්න මහතා විසින් එම ස්ථානයේදී සැකකරු අත් අඩංගුවට ගෙන තිබේ.
මෙසේ අත්අඩංගුවට පත්වූයේ හඳපාන්ගොඩ, මෙනේරිගම ප්රදේශයේ පදිංචි 30 හැවිරිද එක් දරු පියෙකි.
අධිකරණ සංවිධාන පනතේ අංක 55 හා දණ්ඩනීති සංග්රහයේ 314 හා 316 වගන්ති යටතේ අත් අඩංගුවට ගත් සැකකරු 18 දා හොරණ අධිකරණයට ඉදිරිපත් කර ඇති අතර ලඛන 29 දා දක්වා රක්ෂිත බන්ධනාගාර ගත කරන ලෙස හොරණ වැඩ බලන මහේස්ත්රාත් සුනිල් ගුණරත්න මහතා විසින් නියෝග කර ඇත.
ගල්පාත චන්දන පෙරේරා
රාජ්ය ඇමැතිනි ඩයනා ගමගේ පාර්ලිමේන්තු මන්ත්රී ධුරයට නුසුදුස්සකු යැයි ගොනුකර තිබූ පෙත්සම නිෂ්ප්රභ කිරීමට අභියාචනාධිකරණය ලබාදුන් තීන්දුව අභියෝගයට ලක්කරමින් ගොනුකර ඇති අභියාචනය විභාගයට ගැනීමට අවසර ලබාදී ඇත.
එම අභියාචනය ප්රීති පද්මන් සූරසේන ප්රමුඛ ත්රිපුද්ගල විනිසුරු මඩුල්ලක් හමුවේ අද (19) කැඳවූ අවස්ථාවේදී අදාළ නියෝගය නිකුත් කර තිබේ.
සමාජ ක්රියාකාරිකයකුවන ඕෂල හේරත් අදාළ අභියාචනය ගොනුකර ඇත්තේ, ඩයනා ගමගේගේ පාර්ලිමේන්තු මන්ත්රී ධුරය සහ පුරවැසිභාවය සම්බන්ධයෙන් ඔහු ගොනුකළ පෙත්සම අභියාචනාධිකරණය නිෂ්ප්රභ කිරීමෙන් සති දෙකකට පසුවය.
තමාගේ අභියාචනයේ වගඋත්තරකරු ලෙස රාජ්ය ඇමැතිවරිය ඇතුළු කිහිපදෙනෙකු නම් කරමින් ඕෂල හේරත් පවසා ඇත්තේ, ද්විත්ව පුරවැසිභාවය ද හිමි පාර්ලිමේන්තු මන්ත්රීවරියට ශ්රී ලංකාවේ පාර්ලිමේන්තු මන්ත්රී ධුරයක් දැරීමට සුදුසුකම් නොමැති බවට තමන් මීට පෙර පෙත්සමක් ගොනුකළ බවයි.
කෙසේවෙතත්, අභියාචනාධිකරණයේ ත්රිපුද්ගල විනිසුරු මඩුල්ලක් 2023 ඔක්තෝම්බර් 31 දින බෙදුම් තීන්දුවක් ලබාදුන් අතර, ගාස්තුවකට යටත්ව පෙත්සම ප්රතික්ෂේප කර තිබේ.
ඒ අනුව, අභියාචනාධිකරණ තීන්දුව නීත්යානුකූල නොවන බවත්, රාජ්ය ඇමැතිවරිය පාර්ලිමේන්තු මන්ත්රී ධුරයක් දැරීමට සුදුසුකමක් නොමැති බවටත් පවසන ලෙස ඉල්ලා, ඕෂල හේරත් ශ්රේෂ්ඨාධිකරණය හමුවේ මෙම ඇපෑල ගොනුකර තිබේ.
නාරම්මල දී ඊයේ (18) ලොරි රථ රියදුරෙකුට වෙඩි තැබීමේ සිද්ධියට සම්බන්ධ උප පොලිස් පරීක්ෂකවරයා ලබන 23 වනදා දක්වා රක්ෂිත බන්ධනාගාරගත කිරීමට නියෝග කර තිබෙනවා.
ඒ අනුව නාරම්මල මහෙස්ත්රාත් අධිකරණයට ඔහු අද (19) ඉදිරිපත් කිරීමෙන් අනතුරුව මෙම නියෝගය ලබාදී ඇති බවයි සඳහන් වන්නේ.
ඊයේ රාත්රියේ නාරම්මල නගරයේ දී ගිරිඋල්ල දෙසට ධාවනය වූ ලොරි රථයක සිටි පුද්ගලයෙකුට අදාළ නිලධාරියා විසින් වෙඩි තබා තිබුණා.
ශ්රී ලංකා පොදුජන පෙරමුණේ ජනාධිපති අපේක්ෂකයා ලෙස ප්රකට ව්යාපාරික ධම්මික පෙරේරා ඉදිරිපත් කිරීමට ඔහු සමඟ එකඟතාවක් ඇති කරගෙන නොමැති බව අමාත්ය ප්රසන්න රණතුංග පවසනවා.
ඒ අනුව රටේ ජාතික ප්රශ්නය විසඳිය හැකි නායකයෙක් ලෙස තවත් එක් අවස්ථාවක් රනිල් වික්රමසිංහට ලබාදිය යුතු බවට තමා විශ්වාස කරන බවයි මාධ්ය වෙත අදහස් දක්වමින් අමාත්යවරයා සඳහන් කළේ.
ආර්ථික අර්බුදය විසඳන තෙක් වත්මන් ජනාධිපතිවරයාට අවස්ථාව ලබාදිය යුතු බවත් ඉන් පසු හොරු අල්ලන සහ කයිවාරු ගසන නායකයින් පත් කරගත හැකි බවයි ඔහු වැඩිදුරටත් සඳහන් කළේ.
අපරාධ පරීක්ෂණ දෙපාර්තමේන්තුවේ හිටපු අධ්යක්ෂ ශානී අබේසේකරගේ පුද්ගලික ආරක්ෂාව වෙනුවෙන් පොලිස් විශේෂ කාර්ය බලකායේ නිලධාරීන් යෙදවීමටත්, ඔහුගේ පෞද්ගලික පිස්තෝලයේ බලපත්රය නැවත ලබා දීමට ඇති හැකියාව සොයා බලා ඊට අදාළ කරුණු වාර්තා කරන ලෙසටත් අභියාචනාධිකරණය විසින් නීතිපතිවරයාට දැනුම් දුන්නා.
සිය ආරක්ෂාව තහවුරු කරන ලෙස ඉල්ලා ශානි අබේසේකර ගොනුකල රීට් පෙත්සම ද්වි පුද්ගල අභියාචනාධිකරණ විනිසුරු මඬුල්ලක් හමුවේ නැවත සලකා බැලුනු අතර, එහිදී මෙම නියෝගය ලබාදෙනු ලැබුවා.
ශානි අබේසේකරගේ ආරක්ෂාව වෙනුවෙන් පොලිස් නිලධාරීන් 8 ක් අනියුක්ත කර ඇති බව පැවසුන නමුත්, ආරක්ෂාව සැලසීමේ කටයුතුවල නිරතව ඇත්තේ පොලිස් නිලධාරීන් 3-4 ක් පමණක් බවයි ශානි අබේසේකරගේ නීතිඥවරයා පෙන්වා දුන්නේ.
සිය සේවාදායකයාට රාජකාරි කාලය තුළ ද ජීවිත තර්ජන එල්ල වී තිබුණු බවත්, ඔහුගේ ආරක්ෂාව සලකා බලා පොලිස් විශේෂ කාර්ය බලකායේ නිලධාරීන් යෙදවීමට කටයුතු කරන ලෙසත් නීතිඥවරයා අධිකරණයෙන් ඉල්ලා සිටියා.
රාජ්ය ඇමතිනි ඩයනා ගමගේ ගේ පාර්ලිමේන්තු මන්ත්රී ධූරයට එරෙහිව අභියාචනාධිකරණය විසින් ඉකුත් දා ලබාදුන් අභියාචනාධිකරණ තීන්දුවට එරෙහිව ගොනු කළ අභියාචනා පෙත්සමක් විභාගයට ගැනීමට ශ්රේෂ්ඨාධිකරණය අද (19) අවසර ලබාදී තිබෙනවා.
ඒ අනුව රාජ්ය ඇමතිනි ඩයනා ගමගේ මහත්මියට මෙරට පාර්ලිමේන්තුවේ අසුන් ගැනීමට සුදුසුකම් නොමැති බවට තීන්දුවක් ලබාදෙන ලෙස ඉල්ලා ගොනු කෙරුණු පෙත්සමක් නිෂ්ප්රභ කරමින් අභියාචනාධිකරණය විසින් ඉකුත් දා තීන්දුවක් ලබාදී තිබුණා.
අභියාචනාධිකරණ තීන්දුවට එරෙහි ව සමාජ ක්රියාකාරිකයකු වන ඔෂල හේරත් විසින් ඉදිරිපත් කළ අභියාචනා පෙත්සමක් සලකා බැලීමෙන් අනතුරුව මෙම නියෝගය ලබාදී තිබෙනවා.
X-Press Pearl නෞකාව ගිනිගෙන මුහුදුබත් වීමෙන් සිදුවූ හානියට වන්දි ලබා ගැනීමට පනවා ඇති සීමාවලට එරෙහිව, ලබන 29 වැනිදා බ්රිතාන්ය අද්මිරාල් මහාධිකරණය හමුවේ විරෝධතා ගොනුකරන බව නීතිපති දෙපාර්තමේන්තුව පවසනවා.
මීට පෙර එම අධිකරණය විසින් නෞකාව අයත් සමාගමෙන් ලබා ගත හැකි වන්දිය ස්ටර්ලිං පවුම් මිලියන 19.5 කට සීමා කර තිබූ අතර, ඒ තුළින් නෞකාව මුහුදුබත් වීමෙන් සිදුවූ හානියට ප්රමාණවත් වන්දියක් අයකර ගැනීම සීමා වූ බවයි එම දෙපාර්තමේන්තුව සඳහන් කළේ.
එසේම අදාළ නෞකා සමාගමෙන් වන්දි අයකර ගැනීම සඳහා සිංගප්පූරු ජාත්යන්තර වාණිජ මහාධිකරණය හමුවේ පනවා ඇති නඩුවට අදාළව සවිස්තරාත්මක ප්රකාශයක් ලබන 27 වැනිදා අධිකරණයට ඉදිරිපත් කිරීමට නියමිතව ඇති බවත්, ඉන් අනතුරුව එම නඩුවේ සාක්ෂි විමසීම සිදු කෙරෙනු ඇති බවත් සඳහන්.
