කොළඹ නගරයට එක්වන නවතම අතිසුඛෝපභෝගී, සුපිරි හෝටල් සංකීර්ණය වන ITC Ratnadipa Colombo එළඹෙන සතියේ දී විවෘත වීමට නියමිතව තිබෙනවා.
ඉන්දියානු සමාගමක් වන ITC Ltd හි පූර්ණ අනුබද්ධිත සමාගමක් වන WelcomHotels Lanka Ltd විසින් මෙම හෝටලය ඉදිකර ඇති බවයි වාර්තා වෙන්නේ.
මෙම සුපිරි හෝටලය, මෙරට පළමු වරට දැකගත හැකි AHASA ONE Sky Bridge අහස් පාලමෙන් යුක්ත වනවා.
ශ්රී ලංකාවේ ණය තිරසරභාවය තහවුරු කිරීම සඳහා සියලු ණය හිමියන් සමග ප්රතිපත්තිමය එකඟතාවයකට පැමිණීමට හැකිවනු ඇති බවට රජය දැඩි විශ්වාසයෙන් පසුවන බව මුදල් රාජ්ය අමාත්ය ශෙහාන් සේමසිංහ පවසනවා.
අමෙරිකාවේ, වොෂින්ටන් හී ජාත්යන්තර මූල්ය අරමුදලේ සැසිවාරයකට සමගාමීව පැවැති සම්මුඛ සාකච්ඡාවකට එක්වෙමින් රාජ්ය අමාත්යවරයා මේ බව සඳහන් කර තිබෙනවා.
2023 වසරේදී දළ දේශීය නිෂ්පාදිතයෙන් 11%ක් දක්වා රජයේ ආදායම ඉහළ ගොස් තිබෙන බවත්, 2024 වන විට එම අගය 12%ක් දක්වා ඉහළ අගයකින් බලාපොරොත්තු වන බවද ඔහු සඳහන් කළා.
බදු සඳහා ලියාපදිංචි වීමද ඉහළ ගොස් ඇති බවත්, එය හොඳ තත්ත්වයක් වුවත් තවමත් ඒ සම්බන්ධයෙන් සෑහීමකට පත්විය නොහැකි බවත්, රජයට අවශ්ය වන්නේ බදු ගෙවිය යුතු සියලු දෙනාම බදු ගෙවීමට යොමු කිරීම බවයි රාජ්ය අමාත්යවරයා වැඩිදුරටත් ප්රකාශ කළේ.
සිරිල් ගාමිණි පියතුමන් අද (19) දිනයේ අපරාධ පරීක්ෂණ දෙපාර්තමේන්තුව වෙත පැමිණ තිබෙනවා.
පාස්කු ඉරුදින ත්රස්ත ප්රහාරය සම්බන්ධයෙන් ප්රකාශයක් ලබා ගැනීම සඳහා සිරිල් ගාමිණි පියතුමන් මෙලෙස කැඳවා ඇති බවයි වාර්තා වෙන්නේ.
සංචාරකයින් පැමිණෙන ප්රදේශවල විශේෂ වැටලීම් සිදු කිරීමට කිරීමට තීරණය කර ඇති බව පාරිභෝගික සේවා අධිකාරිය පවසනවා.
ඒ අනුව කොළඹ ගොල්ෆේස් ප්රදේශය, අලුත්කඩේ උසාවිය ප්රදේශය, බේරුවල, බෙන්තොට, හික්කඩුව, ගාල්ල, ඇල්ල යන ප්රදේශවල රාත්රී කාලයේ වැටලීම් සිදු කරන බවයි එහි අධ්යක්ෂක වැටලීම් සහ විශේෂ විමර්ශන අංශයේ සංජය ඉරසිංහ සඳහන් කළේ.
වැඩි මිලට ආහාර විකිණීම් සහ සංචාරකයින් අපහසුතාවට පත්වන ආකාරය සම්බන්ධයෙන් වාර්තා වූ සිදුවීම් අනුව මෙම තීරණය ගෙන ඇති බවයි වැඩිදුරටත් සඳහන් වෙන්නේ.
2024 අප්රේල් පළමු දින 15 තුළ දී විදෙස් සංචාරකයින් 82,531 ක් ශ්රී ලංකාවට පැමිණ ඇති බව ශ්රී ලංකා සංචාරක සංවර්ධන අධිකාරිය පවසනවා.
ඒ අනුව 2024 වසරේ මේ දක්වා ශ්රී ලංකාවට පැමිණ ඇති සමස්ත සංචාරකයින් ප්රමාණය 718,315 ක් දක්වා ඉහළ ගොස් ඇති බවයි එම අධිකාරිය සඳහන් කළේ.
ඉන්දියාව, එක්සත් රාජධානිය, රුසියාව, ජර්මනිය, ප්රංශය, ඔස්ට්රේලියාව වැඩිම සංචාරකයින් පැමිණි රටවල් අතර ඉදිරියෙන් පසුවනවා.
අදාළ වාර්තාව පහතින්.
ගෝකරැල්ල, මැල්සිරිපුර, කුඹුක්කැටේ,බෝගමුව,පන්සියගම, ස්ථානාධිපතිවරුන් අළුත් අවුරුද්දට බුලත් දෙන්න පොහොට්ටුවේ මන්ත්රී යූ.කේ සුමිත්ව හම්බවෙන්න ගියපු අයුරු…
අම්බලන්ගොඩ අනුරාධ ප්රියදර්ශන.
කුරුදුගහහතැක්ම දි මහජන සෞඛ්යය
පරික්ෂකවරයෙකු වෙඩි තබා ඝාතනය කිරීමේ පරික්ෂණ
වලට අදාල ගිණි තබා විනාශ කරන ලද යතුරු පැදියට
අදාල බවට සැකකෙරෙන ඉදීරිපස හා පසුපස අංක තහඩු
සහ යතුරු පැදි වල කොටස් පොලිස් විශේෂ කාර්ය
බලකාය විසින් රන්තොටුවිල කරිජ්ජවේල්ල කැටපහ
බෝක්කුව අසල ඇලේ තිබි සොයාගනි.
විශේෂ කාර්ය බලකාය විශේෂ මෙහෙයුම් ඒකකයේ
නිලධාරීන් කණ්ඩායමක් විසින් 2024.04.17 වන දින
ඌරගස්මංහදිය පොලිස් වසමේ රන්තොටුවිල
කරිජ්ජවේල්ල කැටපහ බෝක්කුව අසල දී වැටලීමක්
සිදුකර ඇත.
එහි දී 2024.02.26 වන දින ඇල්පිටිය පොලිස් වසමේ
කුරුදුගහහතැක්ම දි මහජන සෞඛ්යය
පරික්ෂකවරයෙකු වන රෝශාන් කුමාර යන අය වෙඩි
තබා ඝාතනය කිරිමෙන් දින දෙකකට පසු එනම්
2024.02.28 වන දින DIO වර්ගයේ යතුරු පැදියක්
රන්තොටුවිල කරිජ්ජවේල්ල කැටපහ බෝක්කුව අසලදි
ගිණි තබා තිබියදි සොයා ගත් යතුරු පැදියට අදාල බවට
සැකකෙරෙන ඉදීරිපස හා පසුපස අංක තහඩු දෙකක් හා
ස්කූටර් වර්ගයේ යතුරු පැදි වල ඉන්දන ටැංකිය වැසිම
සදහා භාවිතා කරනු ලබන රවුම් හැඩති මුඩියක්ද
ඌරගස්මංහදිය පොලිස් වසමේ රන්තොටුවිල
කරිජ්ජවේල්ල කැටපහ බෝක්කුව අසල ගැඹුර අඩි 9ක්
පමණ වන ඇල තුල දි සොයාගෙන වැඩිදුර විමර්ශන
කටයුතු සඳහා ඌරගස්මංහදිය පොලිස් ස්ථානය වෙත
භාර දී ඇත. පොලිස්පති තුමාගේ යුක්තිය මෙහෙයුම
සංකල්පය මත මුළු දිවයිනම ආවරණය වන පරිදි විෂ
මත්ද්රව්යජාවාරම් කරුවන් හා බෙදා හරින්නන්ගේ
ජාලයන් මර්ධනය කර මනුෂ්ය ඝාතන හා
සංවිධානාත්මක අපරාධ ක්රියාකාරකම් මැඩලීම සඳහා
සිදු කරනු ලබන වැඩ සටහනට සමගාමීව විශේෂ කාර්ය
බලකාය අණදෙන නිලධාරී ජේෂ්ඨ නියෝජ්ය පොලිස්පති
නීතීඥ වරුණ ජයසුන්දර මහතාගේ නියෝග හා උපදෙස්
පරිදි අධ්යක්ෂ බුද්ධි ජේෂ්ඨ පොලිස් අධිකාරී එම්.එම්.කේ.
විජේසිංහ මහතාගේ මගපෙන්වීම පරිදි සහකාර පොලිස්
අධිකාරී (බුද්ධි/විශේෂ මෙහෙයුම්/මත්ද්රව්ය නාශක හා
සංවිධානාත්මක අපරාධ මර්ධන) සාගර කුලසේකර
මහතාගේ අධීක්ෂණය මත විශේෂ කාර්ය බලකාය
විශේෂ මෙහෙයුම් ඒකකය II හි උප ස්ථානාධිපති පොලිස්
පරීක්ෂක එස්.කේ කග්ගොඩආරච්චි ඇතුළු නිලධාරීන්
කණ්ඩායමක් විසින් මෙම මෙහෙයුම සිදුකර ඇත.
අම්බලන්ගොඩ අනුරාධ ප්රියදර්ශන.
පිටිගල පොලිස් වසමේ නියාගම ගුරුවල ප්රදේශයේ වෙළඳසැලක් තුල දී වෙඩි තබා පුද්ගලයින් දෙදෙනෙකු ඝාතනය කිරීමට අදාල වෙඩික්කරු හා පැදිකරු ප්රවාහනය කිරිම හා ද්විත්ව මනුෂ්ය ඝාතනයකට ආධාර අනුබල දුන්, සංවිධානාත්මක අපරාධ හා මහා පරිමාණ මත්ද්රව්ය ජාවාරම් කරුවෙකු වන කරන්දෙණිය සුද්දා හා සමන් කොල්ලා යන අයගේ සමීප ගෝලයින් තිදෙනෙකු පොලිස් විශේෂ කාර්ය බලකායේ අත්අඩංගුවට ගත් බව එම බලකාය කියයි.
විශේෂ කාර්ය බලකාය දකුණු පලාත් විශේෂ මෙහෙයුම් ඒකකයේ නිලධාරීන් කණ්ඩායමක් විසින් 2024.04.17 වන දින බොරලැස්ගමුව පොලිස් වසමේ අංක 59, GH පෙරේරා මාවත, රත්තනපිටිය, බොරලැස්ගමුව ලිපිනයේ දී වැටලීමක් සිදුකර ඇත.
එහි දී 2024.03.11 වන දින පිටිගල පොලිස් බල ප්රදේශයේ ගුරුවල හොරංගල්ල නියාගම ප්රදේශයේ වෙළඳසැලක් තුල දී වෙඩි තබා පුද්ගලයින් දෙදෙනෙකු ඝාතනය කිරීමට අදාල වෙඩික්කරු හා පැදිකරු ප්රවාහනය කිරිම හා ද්විත්ව මනුෂ්ය ඝාතනයකට ආධාර අනුබල දීම සම්බන්ධයෙන් සංවිධානාත්මක අපරාධ හා මහා පරිමාණ මත්ද්රව්ය ජාවාරම් කරුවෙකු වන කරන්දෙණිය සුද්දා හා සමන් කොල්ලා යන අය සමඟ සමීප සම්බන්ධතා ඇති කහදූව, උණන්පිටිය සහ තවලම ප්රදේශවල පදිංචි වයස අවුරුදු 22, 24 සහ 31ක් වන පුද්ගලයින් තිදෙනෙකු යතුරුපැදියක් සහ ජංගම දුරකථන 03 ක් සමග අත්අඩංගුවට ගෙන වැඩිදුර විමර්ශන කටයුතු සඳහා පිටිගල පොලිස් ස්ථානය වෙත භාර දී ඇත.
පොලිස්පති තුමාගේ යුක්තිය මෙහෙයුම සංකල්පය මත මුළු දිවයිනම ආවරණය වන පරිදි විෂ මත්ද්රව්ය ජාවාරම් කරුවන් හා බෙදා හරින්නන්ගේ ජාලයන් මර්ධනය කර මනුෂ්ය ඝාතන හා සංවිධානාත්මක අපරාධ ක්රියාකාරකම් මැඩලීම සඳහා සිදු කරනු ලබන වැඩ සටහනට සමගාමීව විශේෂ කාර්ය බලකාය අණදෙන නිලධාරී ජේෂ්ඨ නියෝජ්ය පොලිස්පති නීතීඥ වරුණ ජයසුන්දර මහතාගේ නියෝග හා උපදෙස් පරිදි අධ්යක්ෂ බුද්ධි ජේෂ්ඨ පොලිස් අධිකාරී එම්.එම්.කේ. විජේසිංහ මහතාගේ මගපෙන්වීම පරිදි සහකාර පොලිස් අධිකාරී (බුද්ධි/විශේෂ මෙහෙයුම්/මත්ද්රව්ය නාශක හා සංවිධානාත්මක අපරාධ මර්ධන) සාගර කුලසේකර මහතාගේ අධීක්ෂණය මත විශේෂ කාර්ය බලකාය දකුණු පලාත් විශේෂ මෙහෙයුම් ඒකකයේ ස්ථානාධිපති පොලිස් පරීක්ෂක එච්.ජි.එස්.සි. නිශ්ශංක ඇතුළු නිලධාරීන් කණ්ඩායමක් විසින් මෙම වැටලීමක් සිදුකර ඇත.
අධ්යයන පොදු සහතික පත්ර සාමාන්ය පෙළ විභාගයට පෙනී සිටින සිසුන් සඳහා විභාග ප්රවේශ පත්ර නිකුත් කිරීම ලබන සතියේ ආරම්භ කරන බව විභාග දෙපාර්තමේන්තුව පවසනවා.
ඒ අනුව පාසල් අයැදුම්කරුවන්ට විදුහල්පතිවරුන් මාර්ගයෙන් විභාග ප්රවේශ පත්ර ලබාගත හැකි අතර, පෞද්ගලික අයැදුම්කරුවන්ට තැපැල් මගින් විභාග ප්රවේශපත් යොමු කෙරෙන බවයි එම දෙපාර්තමේන්තුව සඳහන් කළේ.
සාමාන්ය පෙළ විභාගය ලබන 6 වැනි දා සිට 15 වනදා දක්වා පැවැත්වීමට නියමිතයි.
පළාත් 7ක උණුසුම අද (18) දිනයේ අවධානය යොමු කළ යුතු මට්ටමක පවතින බව කාලගුණ විද්යා දෙපාර්තමේන්තුව පවසනවා.
උතුර, උතුරු මැද, බස්නාහිර, සබරගමුව, නැගෙනහිර, දකුණ සහ වයඹ පළාත්වල උණුසුම අද (18) දිනයේ අවධානය යොමු කළ යුතු මට්ටමක පවතින බවයි එම දෙපාර්තමේන්තුව සඳහන් කළේ.
මොණරාගල දිස්ත්රික්කයේ ඇතම් ස්ථානවල උණුසුම ද අද අවධානය යොමු කළ යුතු මට්ටමක පවතිනු ඇති බවයි වාර්තා වෙන්නේ.
මෙම තත්ත්වයෙන් ආරක්ෂා වීමට අවශ්ය පියවර අනුගමනය කරන්නැයි කාලගුණ විද්යා දෙපාර්තමේන්තුව ජනතාවගෙන් ඉල්ලා සිටිනවා.
අදාළ නිවේදනය පහතින්.
