Author: Supun

ප්‍රදේශ කිහිපයකට නිකුත් කළ නායයෑමේ අනතුරු ඇඟවීම යාවත්කාලීන කෙරේ

පවතින අයහපත් කාලගුණයත් සමඟ දිස්ත්‍රික්ක කිහිපයක් නිකුත් කළ නායයෑමේ අනතුරු ඇඟවීම් නිවේදනය යාවත්කාලීන කර තිබෙනවා.

ඒ අනුව කොළඹ දිස්ත්‍රික්කයේ පාදුක්ක ප්‍රාදේශීය ලේකම් කොට්ඨාසයට මෙන්ම කළුතර දිස්ත්‍රික්කය, කෑගල්ල දිස්ත්‍රික්කය හා රත්නපුර දිස්ත්‍රික්කයේ ප්‍රාදේශීය ලේකම් කොට්ඨාස 18 ක් සඳහා නායයෑම් අනතුරු ඇඟවීමේ රතු නිවේදනය හෙවත් ඉවත් වීමේ නිවේදනය නිකුත් කර ඇති බවයි සඳහන් වෙන්නේ.

එමෙන්ම මහනුවර, නුවරඑළිය, රත්නපුර, ගාල්ල, කෑගල්ල, හම්බන්තොට, මාතර සහ කුරුණෑගල යන දිස්ත්‍රික්කවල ප්‍රාදේශීය ලේකම් කොට්ඨාස කිහිපයක් සඳහාද තවත් නායයෑමේ අනතුරු ඇඟවීම් නිකුත් කර තිබෙනවා.

අදාළ ප්‍රදේශ පහතින්.

665c5bb4d64bd

665c5bb6a6eb6

ගංවතුර නැරඹීමට යාම, දියනෑම සහ විනෝදවීමෙන් වළකින්න – ආපදා කළමණාකරන මධ්‍යස්ථානය

පවතින අයහපත් කාලගුණ තත්ත්වයත් සමඟ ඇති වූ ගංවතුර තත්ත්වයන් නැරඹීමට යාමෙන් වලකින ලෙස ආපදා කළමණාකරන මධ්‍යස්ථානය ජනතාවගෙන් ඉල්ලා සිටිනවා.

ඒ අනුව ගංවතුර නැරඹීමට යාම සහ ගංවතුරෙහි දියනෑම සහ විනෝදවීම සිදු නොකරන ලෙසයි ආපදා කළමණාකරන මධ්‍යස්ථානය ජනතාවට දැනුදෙන්නේ.

අද දිනයේ ගංවතුර නැරඹීමට යාමෙන් පුද්ගලයින් දෙදෙනෙක් මේ වන විට අතුරුදන්වී ඇති බව ආපදා කළමනාකරණ මධ්‍යස්ථානයේ අධ්‍යක්ෂක ප්‍රදීප් කොඩිප්පිලි වැඩිදුරටත් සඳහන් කළා.

රනිල්ට පොහොට්ටුවෙන් හා මහලේකම්ගෙන් Red Light “ආණ්ඩුවෙන් අයින් වෙන්නත් පොහොට්ටුව ලැහැස්තියි”

https://www.youtube.com/embed/7Fiso28ECVg?si=W1QOfarX-NMund9Q” title=

ඉන්දියාවේ මෝදි එක්ක හැප්පෙන්න පුළුවන් කෙනෙක් ලංකාවේ ඉන්නවා නම් ඒ රනිල් විතරයි….

https://www.youtube.com/embed/hI-H-8X1KVM?si=eI0pb9dz_ZbzfMR0″ title=

අද රට බංකොලොත් වෙලා තියෙන්නේ ණය අරගෙන ආදායමක් නොලබන ව්‍යාපෘතිවලට යෙදවීම නිසා – සජිත්

අද වන විට රට බංකොලොත් වී ඇත්තේ ණය ලබාගෙන ආදායමක් නොලබන ව්‍යාපෘතිවලට යෙදවීම නිසා බව විපක්ෂ නායක සජිත් ප්‍රේමදාස පවසනවා.

මෙම න්‍යාය කුඩා කඩයකට පවා අදාල බවත්, කඩයකට ණයට බඩු භාණ්ඩ මිල දී ගෙන, ඒවා අලෙවි නොවුනහොත් ණය ගෙවීමට නොහැකිවීම නිසා කඩය වසා දැමීමට සිදුවන බවයි ඔහු පෙන්වා දුන්නේ.

රටක් ව්‍යාපෘති කිරීමේදී වැයවන මුදල නැවත උපයාගත හැකිදැයි ගණන් සාදා බැලිය යුතු බවද, අද රටම ඉල්ලං කා ඇත්තේ එසේ නොකර විවිධ පුද්ගලයින්ගේ ප්‍රතිරූප නිර්මාණය කිරීම සඳහා ගිනි පොළියට ණය රැගෙන ව්‍යාපෘති ක්‍රියාත්මක කිරීම නිසා බවයි ඔහු සඳහන් කළේ.

වචනයට රැවටී රටේ ජනතාව ඔවුන්ට වරමක් ලබාදුන් බවද, එසේ වරම ලබාගත් අය තමන්ට සහ තම පවුල්වලට රටම සින්නකර ඔප්පුවෙන් ලියාගත් බවද ඔහු වැඩිදුරටත් සඳහන් කළා.

ඩීසල් මිල අඩු කළත් බස් ගාස්තු අඩු කරන්නේ නෑ – ජාතික ගමනාගමන කොමිසම

ඩීසල් මිල අඩු කළ ද බස් ගාස්තු අඩු නොකරන බව ජාතික ගමනාගමන කොමිෂන් සභාව (NTC) නිවේදනය කරනවා.

අවස්ථා දෙකකදීම ඩීසල් මිල අඩු කළද සමස්ත ලෙස ඒ අඩුවීමේ ප්‍රතිශතය 2.8%ක් පමණක් බවත්, කොමිසමට අනුව බස් ගාස්තු අඩු කිරීමක් ක්‍රියාත්මක කිරීමට නම් අවම වශයෙන් 4% ක අඩුවීමක් අවශ්‍ය වන බවයි එම කොමිසමේ සභාපති ශෂී වෙල්ගම සඳහන් කළේ.

එසේම වාර්ෂික බස් ගාස්තු සංශෝධනයක් මේ මාසය තුළ සිදු කිරීමට නියමිත බවද, එහිදී ඩීසල් මිල පහත වැටීම කෙරෙහි පමණක් අවධානය යොමු නොකොට බස් රථ අමතර කොටස්වල මිල අඩු කිරීම ඇතුළු කරුණු දොළහක් සැලකිල්ලට ගනු ඇති බවද ඔහු ප්‍රකාශ කර සිටියා.

දැන් මේ රට පාලනය කරන්නේ IMF එකට අවශ්‍ය විදිහට – අජිත් නිවාඩ් කබ්රාල්

ලංකාවේ පාලනය දැන් මෙරට නායකයින්ගෙන් ගිලිහී ගොස් ඇති බවත්, දැන් මේ රට පාලනය කරන්නේ ජාත්‍යන්තර මූල්‍ය අරමුදලට අවශ්‍ය ලෙස බවත් හිටපු මහ බැංකු අධිපති අජිත් නිවාඩ් කබ්රාල් පවසනවා.

මූල්‍ය ප්‍රතිපත්ති පොලී අනුපාත ගැන තීරණ ගන්නේ IMF විසින් බවත්, මෙරට නායකයින්ට ඒවා ගැන තීරණ ගැනීමේ හැකියාවක් හෝ ස්වාධීනත්වයක් නොමැති බවයි ඔහු පෙන්වා දෙන්නේ.

ආර්ථික වශයෙන් මේ යන ගමන ගැන තමාගේ පැහැදීමක් නොමැති බවද, IMF ප්‍රතිපත්ති ක්‍රියාත්මක වනතුරු මෙරට කවුරු බලයට පැමිණියත් ඒ අයට බලයක් නොමැති බවද ඔහු වැඩිදුරටත් පවසනවා.

පුරවැසියෙකුගේ සාධනීය විවේචනයක් පිළිගනිමින් සුනිල් හඳුන්නෙත්තිගෙන් ප්‍රතිචාරයක්

තමන් සිදුකළ ප්‍රකාශයක් සම්බන්ධයෙන් සමාජ මාධ්‍ය ක්‍රියාකාරිකයෙකු පෙන්වාදුන් සාධනීය විවේචනයක් පිළිගනිමින් ජාතික ජන බලවේගයේ විධායක සභික සුනිල් හඳුන්නෙත්ති කණගාටුව පළ කර තිබෙනවා.

පසුගියදා ජන හමුවක් අමතමින් ලොව ප්‍රකට තාක්ෂණ ව්‍යවසායකයෙකු වන Elon Musk පිළිබඳව සුනිල් හඳුන්නෙත්ති අදහස් දැක්වූ අතර, ඒ පිළිබඳව සාධනීය විවේචනයක් සිදුකරමින් සමාජ මාධ්‍ය ක්‍රියාකාරී සංජය ඇල්විටිගල ඊයේ (31) YouTube වීඩියෝවක් නිකුත් කර තිබුනා.

එම සාධනීය විවේචනය පිළිගනිමින්, තම කතාවේදී Elon Musk ට “හාදයා” යනුවෙන් ඇමතීම තමන් ඉදිරියේදී නිවැරදි කරගන්නා බවද, එය පෙන්වා දීම පිළිබඳව සංජය ඇල්විටිගලට ස්තූතිවන්ත වන බවද සඳහන් කරමින් සුනිල් හඳුන්නෙත්ති Facebook සටහනක් තබා තිබෙනවා.

එසේම “ආර්ථික ඝාතකයෙකු” ලෙස තමන් නම් කළේ Elon Musk නොව ජේම්ස් ෆැකර් සහ ජෝර්ජ් සොරොස් යන අය බවද, එනමුත් තම කතාවේදී එවැන්නක් හඟුනේ නම් ඊට කණගාටුව ප්‍රකාශ කරන බවයි ඔහු එහි වැඩිදුටත් සඳහන් කර ඇත්තේ.

අදාළ Facebook සටහන පහතින්.

665ac63195969