https://www.youtube.com/embed/DNnTrQFGZRA?si=1ceL0m-jaAxyMkV8″ title=
Author: Supun
අම්බලංගොඩ ආදාදොලදී මල්ශාලා හිමිකරුවෙකු කපා කොටා ඝාතනය කරයි…..
https://www.youtube.com/embed/XAXZZhGHKgo?si=MYg3XF4q_zqgSGAL” title=
හිරුණිකා අභියාචනයක් ඉදිරිපත් කරයි
තමන්ට නියම වී ඇති වසර තුනක සිරදඬුවමින් තමන්ව නිදොස් කොට නිදහස් කරන ලෙස ඉල්ලා හිටපු පාර්ලිමේන්තු මන්ත්රීනි හිරුණිකා ප්රේමචන්ද්ර අභියාචනයක් ඉදිරිපත් කර තිබෙනවා.
මෙම පෙත්සම අභියාචනාධිකරණය වෙත යොමු කිරීම සඳහා කොළඹ මහාධිකරණයට භාරදී ඇති බවයි වාර්තා වෙන්නේ.
අදාළ ඉල්ලීම ලබන 4 වනදා කැඳවීමට නියමිත බවයි වැඩිදුරටත් සඳහන් වෙන්නේ.
ගුරු-විදුහල්පති වෘත්තීය සමිති හෙට පාසල් ඉදිරිපිට විරෝධතා පැවැත්වීමට තීරණය කරයි
සිය ඉල්ලීම්වලට විසඳුම් ලබාදෙන ලෙස ඉල්ලා ගුරු-විදුහල්පති වෘත්තිය සමිති සන්ධානය හෙට (02) පාසල් ඉදිරිපිට විරෝධතා පැවැත්වීමට සැලසුම් කර ඇති බව ලංකා ගුරු සංගමය පවසනවා.
ගුරු විදුහල්පති වැටුප් විෂමතාව ඉවත් කිරීම ඇතුළු ඉල්ලීම් කිහිපයක් මුල්කරගනිමින් ගුරු-විදුහල්පති වෘත්තිය සමිති සන්ධානය අද (01) පාසල් ඉදිරිපිට කළු කොඩි සහ බැනර් ප්රදර්ශනය කරමින් විරෝධතාවක නිරත වුණා.
වෘත්තීය ක්රියාමාර්ග තිව්ර කිරීමට කටයුතු කරන බවත් දෙමාපියන් මෙම තත්ත්වය තේරුම් ගත යුතු බවයි ලංකා ගුරු සංගමයේ ප්රධාන ලේකම් ජෝසප් ස්ටාලින් අද පැවති මාධ්ය හමුවකට එක්වෙමින් සඳහන් කළේ.
අවම බස් ගාස්තුව රුපියල් විසි අටයි – ජාතික ගමනාගමන කොමිසම
අද (01) මධ්යම රාත්රියේ සිට සැලසුම් කළ ආකාරයෙන් 5.07%කින් බස් ගාස්තු පහළ දැමීමට ජාතික ගමනාගමන කොමිසම තීරණය කර තිබෙනවා.
ඒ අනුව අවම බස් ගාස්තුව රුපියල් දෙකකින් පහළ යන අතර නව අවම බස් ගාස්තුව 28 ක් බවයි එහි සභාපති ශෂී වෙල්ගම සඳහන් කළේ.
ඉන්ධන මිල අඩු වුවත් ත්රීරෝද රථ ගාස්තු අඩු කරන්නේ නැහැ – ත්රීරෝද රථ සංගම්
ඉන්ධන මිල අඩු වුවත් ත්රීරෝද රථ ගාස්තු අඩුවීමක් සිදු නොවන බව සමස්ත ලංකා ත්රීරෝද රථ රියදුරන්ගේ වෘත්තීය සමිතිය පවසනවා.
මාසයෙන් මාසය මිල අඩු වන විට ත්රීරෝද රථ ගාස්තු සංශෝධනය කිරීමට හැකියාවක් නොමැති බවයි එහි සභාපති ලලිත් ධර්මසේකර සඳහන් කළේ.
ඒ අනුව ගාස්තු සංශෝධනයක් සිදු නොවන බවත්, අඩු කිරීමක් හෝ වැඩි කිරීමක් සිදු නොවන බවයි ඔහු වැඩිදුරටත් සඳහන් කළේ.
2024 වසරේ මේ දක්වා සංචාරකයින් මිලියනයක් පැමිණෙයි
මෙම වසර සඳහා විදෙස් සංචාරකයින් මිලියනයක් පැමිණිමේ ඉලක්කය 2024 ජුනි මාසයේ 29 වන දා වන විට සපුරාගැනීමට හැකි වූ බව ශ්රී ලංකා සංචාරක සංවර්ධන අධිකාරිය පවසනවා.
ඒ අනුව මෙරටට පැමිණි මිලියනය වැනි සංචාරකයා වූයේ යර්ලන්තයේ පෝල් සහ පැට්රීෂියා රෝයි යන සංචාරක යුවල බවයි එම අධිකාරිය සඳහන් කළේ.
මේ සම්බන්ධයෙන් විශේෂ සැමරුම් උත්සවයක් සංවිධානය කර තිබූ අතර, ශ්රී ලංකා සංචාරක ප්රවර්ධන කාර්යාංශය, ගුවන් තොටුපළ හා ගුවන් සේවා සමාගම සහ ශ්රී ලංකන් ගුවන් සේවය එක්ව පසුගිය දා ඔවුන්ව පිළිගැනීමට කටයුතු කර තිබුණා.
පාරින්ද රණසිංහ වැඩබලන නීතිපති ධුරයේ දිවුරුම් දෙයි
ජ්යේෂ්ඨ නියෝජ්ය සොලිසිටර් ජනරාල් පාරින්ද රණසිංහ වැඩබලන නීතිපතිවරයා ලෙස දිවුරුම් දී තිබෙනවා.
ඒ අනුව අද (01) උදෑසන ඔහු මෙලෙස දිවුරුම්දී ඇති බවයි වැඩිදුරටත් සඳහන් වෙන්නේ.
රංගේ බණ්ඩාරගේ පුත්රයා රිය අනතුරක් සම්බන්ධයෙන් අත්අඩංගුවට
එක්සත් ජාතික පක්ෂ මහලේකම් පාලිත රංගේ බණ්ඩාරගේ පුත්රයා වන යශෝධ රංගේ බණ්ඩාර රිය අනතුරක් සම්බන්ධයෙන් අත්අඩංගුවට ගෙන තිබෙනවා.
අද (29) අලුයම 4.30 පමණ කරුවලගස්වැව, 07 කණුව, මී ඔය ආසන්නයේ අලිමංකඩ ප්රදේශයේදී ඔහු ගමන්ගත් මෝටර් රථය මාර්ගයෙන් ඉවතට පැන ත්රීවිල් රථයක ගැටීමෙන් මෙම අනතුර සිදුවී ඇති බවයි වාර්තා වෙන්නේ.
මෙම අනතුරෙන් ත්රීවිල් රථ රියදුරු බරපතළ තුවාල ලබා පුත්තලම මූලික රෝහලට ඇතුළත් කර ඇති අතර, අනතුර සම්බන්ධයෙන් තවදුරටත් පරීක්ෂණ සිදුකරමින් පවතින බව කරුවලගස්වැව පොලීසිය සඳහන් කළා.
සරත් ෆොන්සේකාගේ සේවය අනාගතයේදී රටට ලබාගන්නට අවස්ථාව ලැබෙනු ඇතැයි බලාපොරොත්තු වෙනවා – ජනපති
ෆීල්ඩ් මාෂල් සරත් ෆොන්සේකාට තවත් මේ රටට සේවය කළ හැකි බවත්, එතුමාගෙන් ලබා ගැනීමට ඇති එම සේවය අනාගතයේදී රටට ලබාගන්නට අවස්ථාව ලැබෙනු ඇතැයි බලාපොරොත්තු වන බවත් ජනාධිපති රනිල් වික්රමසිංහ පවසනවා.
ජනාධිපතිවරයාගේ ප්රධානත්වයෙන් පාර්ලිමේන්තු මන්ත්රි ෆීල්ඩ් මාර්ෂල් සරත් ෆොන්සේකා විසින් රචිත “යුද හමුදාපති ජාතියට දුන් පොරොන්දුව” නම් ග්රන්ථය එළිදැක්වීමේ අවස්ථාවට එකවෙමින් ජනාධිපතිවරයා මේ බව සඳහන් කළා.
හමුදා ජීවිතයේ වුවත්, සිවිල් ජීවිතයේ වුවත්, දේශපාලනයේදී වුවත් එතුමා ශක්තිමත් චරිතයක් ලෙස බොහෝ අභියෝගයන්ට මුහුණ දී ජයගෙන ඇති බවත්, එතුමා කුමන ස්ථානයකදීවත් සටන අත් නොහැර එය කරගෙන යන අයෙක් බවයි ජනාධිපතිවරයා වැඩිදුරටත් සඳහන් කළේ.