කොළඹ විශ්ව විද්යාලයේ කුලපති ධුරය සඳහා පත් කර සිටින මුරුත්තෙට්ටුවේ ආනන්ද හිමියන් ඉවත් කරන ලෙස කොළඹ විශ්ව විද්යාල මහා ශිෂ්ය සංගමය විසින් ඉල්ලීමක් කර තිබෙනවා.
ඒ අනුව විශ්ව විද්යාලයේ කීර්තිය සහ ගෞරවය ආරක්ෂා කළ හැකි ඊට වඩා සුදුසු පුද්ගලයෙකු පත් කරන ලෙසයි කොළඹ විශ්ව විද්යාලයේ මහා ශිෂ්ය සංගමය ජනාධිපතිවරයා වෙත ලිපියක් යොමු කරමින් සඳහන් කර ඇත්තේ.
මුරුත්තෙට්ටුවේ ආනන්ද හිමියන්ගේ පත් කිරීම හුදෙක් දේශපාලනික පත් කිරීමක් බවයි ඔවුන් වැඩිදුරටත් පෙන්වා දෙන්නේ.
අදාළ නිවේදනය පහතින්.
අයහපත් කාලගුණයෙන් බලපෑමට ලක් වූ ප්රදේශ නිරීක්ෂණය සඳහා ගුවන් හමුදාව කටයුතු කරමින් තිබෙනවා.
ඒ අනුව අද (27) අංක 07 බලඝණයට අයත් බෙල් 212 හෙලිකොප්ටර් යානයක් අම්පාර ප්රදේශය නිරීක්ෂණ කටයුතු සදහා පිටත් කර යැවූ බවයි ගුවන් හමුදාව නිවේදනය කළේ.
මෙම මෙහෙයුම් අතරතුර එරාවූර්, මයිලවට්ටවන් ප්රදේශයේ විපතට පත් සිවිල් වැසියෙකු ගුවනින් බේරා ගැනීමට සමත්වූ අතර, පසුව ඔහු ගුවන් මගින් මඩකලපුව ගුවන් හමුදා කඳවුර වෙත ආරක්ෂිතව රැගෙන ගිය බවයි ගුවන් හමුදාව වැඩිදුරටත් සඳහන් කළේ.
ශ්රී ලංකා රජය සහ ආසියානු සංවර්ධන බැංකුව අතර 02 වැනි උප වැඩසටහන සඳහා ප්රතිපත්ති පාදක ණය ලබාදීමේ ණය ගිවිසුම අත්සන් කිරීම අද (27) සිදුකර තිබෙනවා.
ඒ අනුව මේ යටතේ අමෙරිකානු ඩොලර් මිලියන මිලියන 200 ක ණය මුදලක් ශ්රී ලංකාවට ලැබීමට නියමිත බවයි මුදල් අමාත්යංශය සඳහන් කළේ.
ශ්රී ලංකාවේ මූල්ය අංශයේ ස්ථාවරත්වය සහ ප්රතිසංස්කරණ වැඩසටහන ක්රියාත්මක කිරීම සඳහා උප වැඩසටහන් 02 ක් යටතේ ඇමෙරිකා ඩොලර් මිලියන 400ක ප්රතිපත්ති පදනම් කරගත් ණය මුදලක් ශ්රී ලංකාවට අනුමත වී තිබුණා.
පළමු උප වැඩසටහන සඳහා වන ඩොලර් මිලියන 200 ක ණය මුදල 2023 වසරේ දෙසැම්බර් මාසයේදී ලබාදී තිබූ බවයි වැඩිදුරටත් සඳහන් වෙන්නේ.
තාවකාලිකව අත්හිටුවා තිබෙන උසස් පෙළ විභාගය යළි පවත්වන දිනය පිළිබඳ තීරණයක් එළැඹෙන 29 වනදායින් පසුව ගැනීමට බලාපොරොත්තු වන බව ආරක්ෂක ලේකම්, එයාර් වයිස් මාර්ෂල් (විශ්රාමික) සම්පත් තුයියකොන්තා පවසනවා.
ඒ අනුව 29 වැනිදායින් පසු කාලගුණ තත්ත්වයන් පිළිබඳ නැවත විශ්ලේෂණය කිරීමෙන් අනතුරුව තීරණයක් ගැනීමට බලාපොරොත්තු වන බවයි අද (27) පස්වරුවේ පැවති ප්රවෘත්ති සාකච්ඡාවකට එක්වෙමින් ඔහු සඳහන් කළේ.
ඒ සම්බන්ධයෙන් වන නිවේදනය ඉදිරියේදී විභාග දෙපාර්තමේන්තුව විසින් නිකුත් කරනු ඇති බවයි ඔහු වැඩිදුරටත් ප්රකාශ කළේ.
ආණ්ඩුවෙන් පසු ඊළඟට බලය ලබාගැනීමට හැකි බලවේගය සමගි ජන බලවේගය බව පාර්ලිමේන්තු මන්ත්රී හෙක්ටර් අප්පුහාමි පවසනවා.
ඒ අනුව ජාතික ලැයිස්තු මන්ත්රී ධූර සම්බන්ධයෙන් සියලු දෙනා සමඟ සාකච්ඡා කර නියමිත වේලාවට තීන්දුව ලබාදෙනු ඇති බවයි අද (26) මාධ්ය වෙත අදහස් දක්වමින් මන්ත්රීවරයා සඳහන් කළේ.
ආණ්ඩුව වේදිකාවල ප්රකාශ කළ දෑ සහ අද කරමින් සිටින දේ පිළිබඳව ජනතාව අවධානයෙන් සිටිය යුතු බවයි පාර්ලිමේන්තු මන්ත්රී හෙක්ටර් අප්පුහාමි වැඩිදුරටත් ප්රකාශ කළේ.
ඉන්දීය ප්රිමියර් ලීග් ක්රිකට් තරගාවලි ඉතිහාසයේ වෙන්දේසියකදී අලෙවි වූ ලාබාලතම ක්රීඩකයා බවට පත් වීමට ඉන්දියාවේ Vaibhav Suryavanshi සමත්වී තිබෙනවා.
වමත් මුල්පෙල පිතිකරුවෙකු වන ඔහු මේ වන විට 13 වන වියේ පසුවන බවයි ඉන්දීය මාධ්ය වාර්තා කළේ.
ඒ අනුව ඔහු ඉන්දීය රුපියල් කෝටි 1.10 ක මුදලකට Rajasthan Royals කණ්ඩායම විසින් මිලදී ගැනීමට සමත් වී තිබෙනවා.
Suryavanshi මේ වන විටත් ඉන්දීය වයස අවුරුදු 19 න් පහළ කණ්ඩායම ද නියෝජනය කර ඇති අතර, ඔහු එහිදි ඔස්ට්රේලියානු යොවුන් කණ්ඩායමට එරෙහිව චෙන්නායිහීදී මීට මාස දෙකකට පමණ පෙර පැවැති සිව්දින තරගයකදී ආරම්භක පිතිකරුවෙකු ලෙස ශතකයක් ද වාර්තා කිරීමට සමත්වීම විශේෂත්වයක්.
පවතින අයහපත් කාලගුණ තත්ත්වයත් සමඟ කොළඹ දැඩි රථ වාහන තදබදයක් හටගෙන ඇති බව පොලීසිය පවසනවා.
පවතින අයහපත් කාලගුණ තත්ත්වයත් සමඟ ධීවර ප්රජාවට අනතුරු ඇඟවීමක් නිකුත් කර තිබෙනවා.
ඒ අනුව යාපනය, කිලිනොච්චි, මුලතිව්, මඩකලපුව, ත්රිකුණාමලය, හම්බන්තොට, අම්පාර, ගාල්ල, මාතර, කොළඹ, කළුතර, මීගමුව, පුත්තලම සහ මන්නාරම යන දිවයින වටා ඇති මුහුදු ප්රදේශවල සිටින ධීවර ප්රජාවට මෙම අනතුරු ඇඟවීම නිකුත් කර ඇති බවයි සඳහන් වෙන්නේ.
එම ප්රදේශවල ඇති ධීවර වරයාවල් සහ අනෙකුත් ස්ථානවලින් බහුදින ධීවර යාත්රා සහ කුඩා යාත්රා ඇතුළු ධීවර නා නාවික කටයුතු සඳහා යන යාත්රා අද (26) සිට නැවත දැනුම්දෙනතුරු රැකියා සඳහා පිටත්වීම අත්හිටුවන බවයි ධීවර හා ජලජ සම්පත් දෙපාර්තමේන්තුව වැඩිදුරටත් දැනුම් දෙන්නේ.
නොගැඹුරු මුහුදේ රැකියා කරන සියලුම ධීවර යාත්රා ආරක්ෂිත ස්ථානයකට යොමු වන ලෙසයි එම දෙපාර්තමේන්තුව වැඩිදුරටත් දැනුම් දෙන්නේ.
පවතින අධික වැසි හේතුවෙන් මේ වනවිට පැවැත්වෙන අ.පො.ස උසස් පෙළ විභාගය දින 3 කට තාවකාලිකව අත්හිටුවීමට තීරණය කර තිබෙනවා.
ඒ් අනුව හෙට (27) සහ 28, 29 යන තෙදින අ.පො.ස උසස් පෙළ විභාගය නොපැවැත්වෙන බවයි විභාග කොමසාරිස් ජනරාල් එච්.ජේ.එම්.සී. අමිත් ජයසුන්දර ප්රකාශ සඳහන් කළේ.
අදාළ දින තුන වෙනුවට දෙසැම්බර් 21, 22, 23 දිනවල විභාගය පැවැත්වෙන බවයි ඔහු වැඩිදුරටත් ප්රකාශ කළේ.
දැදුරු ඔය ආශ්රිත ප්රදේශවලට ගංවතුර තත්ත්වයක් ඇතිවීමේ අනතුරු ඇඟවීමක් නිකුත් කර තිබෙනවා.
ඒ අනුව වාරියපොළ, නිකවැරටිය, මහව, කොබෙයිගනේ, බිංගිරිය, පල්ලම, හලාවත, ආරච්චිකට්ටුව සහ රස්නායකපුර ප්රදේශීය ලේකම් කොට්ඨාසවලට අයත් පහත් බිම්වල ගංවතුර තත්ත්වයක් ඇතිවිය හැකි බවයි සඳහන් වෙන්නේ.
ඒ අනුව මේ සම්බන්ධයෙන් අවශ්ය පියවර ගන්නා ලෙස අපදා අංශවලින් වාරිමාර්ග දෙපාර්තමේන්තුව ඉල්ලීමක් කර තිබෙනවා.
අදාළ නිවේදනය පහතින්.
