නදීෂ නිර්මාණ හේරත්
අමාවක වුනත් කොළඔ අහස පහල ලස්සන විදුලි බුබුලු දැල්විලා තිබුනා.මේ කතාවට පාදක වෙන්නේ අද සමාජයේ පවතින එක්තරා ශොකාන්තයක් අතර බඩ වඩා ගන්නා අධම මිනිසුන්ගේ ක්‍රියාවලියක්.
රාත්‍රිය මැදියම් වත්ම එහි නිහඬතාවය වැඩි වෙමින් තිබුනා.නගරයේ මැදින් වූ කුඩා මාර්ගය අතර තිබුනු කනත්ත අසල වූ මාර ගස අසල මං ආපු ත්‍රීවිල් එක නැවත්තුවට පස්සේ මං කලේ හරි වෙලාව වෙනකන් කනත්ත ට දුරින් වූ කෙටි මාර්ගය අසල බලා ඉන්න එක.ඒ මොහොත ලං වුනා.කුඩා ලොරියක් කනත්ත අසල නතරකල අතර එහි තාප්පයෙන් පැනගත් එක් අයෙක් අනෙකාව එගොඩ කලා.අනතුරුව ඔවුන් ට සවල් උදලු ආදිය ලබා දුන්නේ පල්ලෙහා හිටිය තුන්දෙනයි.දැන් මේ හැමෝම කනත්තෙ.මෙතරම් රෑ බෝ වී ඔවුන් සිදුකරන්නේ කුමක්ද? ඔවුන්ගේ වෑයම කුමක්ද යන ප්‍රශ්නාර්ථ ය ඔබටත් ඇති.
මිනී කාක්කෝ එහෙම නැත්නම් අවමංගල්‍යය අධ්‍යක්ෂකවරයන් ගැන ලංකාව ඇතුලෙ ලොකු කතාබහක් නොමැති වුනත් බාබර් සාප්පු නැතිවී සැලෝන් ඇතිවනවා මෙන් මිනීපෙට්ටි සාප්පු ද වර්ධනය වී ඇත.තමන්ගේ මව පියා,සැමියා,බිරිද,ඥාතියා ගේ අවමංගල්‍යය මැනවින් ඉටු කරගැනීම සදහා අවමංගල්‍යය අධ්‍යක්ෂකවරයෙකුට භාර දීම අද වන විට සාමාන්‍ය පාන්තිකයෙකු පවා පෙළඹෙන කාර්යයකි.රේමන්ලා ගේ කර්තව්‍යය අතිශය අනර්ඝ ලෙස වටිනා දැවමය පෙට්ටියක මල සිරුර සතපවා මිහිදන් කිරීමය.එහෙත් ගමේ මිනී පෙට්ටි කාරයා නම් සාමාන්‍ය දැවයෙන් නිමකල පෙට්ටිවල මලකද බහාලයි.ඒ අනුව අවමංගල්‍යය ද එකින් එක පන්තියේ වත්පොහොසත්කම් අනුව බෙදී පවතී.
මීනි පෙට්ටි සැල් වල අරමුණු වඩාත් හොදින් ඉටු වුනේ පහුගිය යුධ සමයේදීය.පෙට්ටි ගාන කීයද? පෙටිටි වැඩි කල යුතු ප්‍රදේශය කුමක්දැයි දැනගැනීමට ඔවුන් දිනපතා පුවත්පත් නැරඹූහ.එහිදී පෙට්ටිය හදන ලීය කුමක්ද යන්න ඔවුනට වැදගත් නොවුනු අවස්ථාව ද නැතුවාක් නොවේ.ධනපති සමාජයන්හි මිනිසුන් ට නම් අත්‍යවශ්‍ය වන්නේ එකී අවමංගල්‍යය උත්සවය ජයටම සිදුකිරීමය.එවන් අවස්ථාව මෙන්ම ප්‍රභූ පන්තියේ දේශපාලඥයන් ගේ අවමංගල්‍යය තුලින්ද අවමංගල්‍යය අධ්‍යක්ෂකවරයන් ද ලොකු ඉපයීමක් කරයි.
අවමංගල්‍යය අධ්‍යක්ෂකවරයන් ඉතා ප්‍රායෝගකාරී අකාරයට තම අලෙවි කටයුතු සිදුකරයි.රෝහල් අසල සිටින ත්‍රීරෝද රථ රියැදුරන් ට ගානක් දී රෝහලට එන අසාධ්‍ය රෝගීන් ගේ තත්වය ගැන ඇහැගහගෙන සිටින ලෙස පවසන ඔවුහු හට රෝගියා අසාධ්‍ය වී මිය යන අවස්ථාවකදී අදාල අවමංගල්‍යය ආයතනය සම්බන්ධ කරවීමට ඔවුන් වග බලා ගනී.මිය ගිය මොහොතකදී පවා ලග සිටින්නට තරම් තම ජාලය සවිමත් කරගැනීමට ඔවුන් උපක්‍රමශීලීය.
එමෙන්ම ඇතැම් විටවටිනා පෙට්ටියක වල දමන මලසිරුරු එදිනම රාත්‍රියේ ගොඩ දමන ඔවුන් එහි පෙට්ටිය පමණක් නොව වටිනා ආභරණ ආදිය ද එහි තැම්පත් කර ඇතැනම් ඒවාද ගෙන නැවත එම වල තිබුනු ආකාරයට ම සැකසීමට වග බලා ගනී.ජීවත්ව සිටින අපට වඩා මිය ගිය මිනිසුන් ගෙන් මුදල් හොයන මිනී කාක්කන් ගේ ගොදුරක් වන වුන් ට එය සදාකල් රහසක් වන නිසා මෙම ජාවාරම කිසිදු බාධාවක් නැතිව කරගෙන යාමම තවත් ඛේදාන්තයක්ම වන්නේය.
