ලංකාවේ කුඩු උස්සන උකුස්සෝ

පාතාලය මෙන්ම කුඩු මර්ධනය වත්මන් ජනපති විසින් ජනතාවට දුන් එක් ප්‍රධාන පොරොන්දුවක්. ඒ අනුව පසුගිය කාලය පුරාවටම විවිද වැටලීම් සිදුවුණා. පාතාල නායකයන්, සාමාජිකයන් අත්අඩංගුවට පත්විය. මත්ද්‍රවය ආශ්‍රිත බන්ධනාගාරයේද විවිද වැටලීම් සිදු කෙරුනා.

සියල්ල හමුවේ අද දවසේදී වාර්තා වුනේ සුවිශේෂී පුවතක්ක. ඒ කුඩු ප්‍රවාහණය කරන මිනිසෙකු නොව සතෙක් ගැන. පාතාල කල්ලි නායකයෙකු ලෙස සැළකෙන “අංගොඩ ලොක්කා” විසින් මත්ද්‍රව්‍ය බෙදාහැරීමට යොදාගත් බවට සැක කෙරෙන උකුස්සෙකු මෙලෙස අතුරුගිරිය පොලීසිය විසින් අද (30) සොයාගනු ලැබුවා.

බස්නාහිර පළාත් බුද්ධි නිලධාරීන්ට ලද තොරතුරකට අනුව මීගොඩ, නාවලමුල්ල, කනත්තපාර ප්‍රදේශයේ දී ‍එම උකුස්සා සොයාගෙන තිබෙනවා. මෙහිදී අංගොඩ ලොක්කාගේ සමීපතමයන් දෙදෙනෙකු ද පොලීසිය විසින් අත්අඩංගුවට ගත්තා.

එමෙන්ම අද කැලණිය සහ කොළොන්නාව ප්‍රාදේශීය ලේකම් කාර්යාලවල සේවකයින් දෙදෙනෙක් අයිස් මත්ද්‍රව්‍ය ග්‍රෑම් 250 ක් සමග අත්අඩංගුවට ගෙන තිබෙනවා. ඔවුන් ගමන් කරමින් සිටි මෝටර් රථය ද පොලිස් බාරයට ගෙන ඇතැයි වාර්තා වනවා.  එම සැකකරුවන් දෙදෙනා පෑලියගොඩ, පට්ටියහන්දිය ප්‍රදේශයේ දී අත්අඩංගුවට පත්ව ඇති බව වාර්තා වනවා.

වැලිකඩ බන්ධනාගාරය ඇතුළු බන්ධනාගාර ගැන කතා කිරීමේදී තහනම් භාණ්ඩ මෙන්ම මත්ද්‍රවය තාප්පෙට උඩින් විසි කරන කල්ලියක් අල්ලා ගැනීමටත් හැකි වෙලා. පසුව එම කල්ලියේ ප්‍රධානියත් පොලීසිය විසින් අත්අඩංගුවට ගෙන තිබුනේ පසුගිය 28වනදා. මැගසින් බන්ධනාගාරයේ තාප්පයකට ඉහළින් විසි කිරීමේදී සැකකරු අත්අඩංගුවට ගෙන ඇත්තේ බොරැල්ල පොලීසියේ නිලධාරීන් කණ්ඩායමක් විසින්. මත්ද්‍රවය වලට අමතරව දුරකථන, සිම් පත් විවිධ භාණ්ඩ වෙනවා.  බූස්ස බන්ධනාගාරයේ රඳවා සිටින රැඳවියන් සමග සබඳතා පවත්වාගෙන යන නිලධාරීන් පිරිසක් හඳුනාගෙන ඇතැයි බන්ධනාගාර දෙපාර්තමේන්තුව පවසනවා.

සියල්ලට අවසානයේදී සම්බන්ද වෙලා කියලා මාට්ටු වුණේ නිලධාරීන්. ඒ අතර සුරාබදු නිලධාරීන්, ජේලර්වරුන්, බන්ධනාගාර නියාමකවරුන් ද වගේම නාකොටික් නිලධාරීන් සහ CID නිලධාරීන් වගේම ලොකු ලොක්කොත් ඉන්න බවට පසුගියදා වාර්තා වූණා.

ඒ වගේම විශේෂ ඝණයේ අපරාධකරුවන් 30 දෙනෙකු පමණ රඳවා සිටින්නේ ද බූස්ස බන්ධනාගාරයේ ඔවුන් සමග සබඳතා පවත්වාගෙන යන මෙම නිලධාරීන් අදාළ අපරාධකරුවන් සමග තොරතුරු ද හුවමාරු කරගන්නා බවටයි මේවනවිට අනාවරණය වෙලා. තවද සංවිධානාත්මක අපරාධ කල්ලි සාමාජිකයින් දෙදෙනෙකු වන මාකඳුරේ මදූෂ් සහ කංජිපානි ඉම්රාන්ගේ සමීපතමයින් දෙදෙනෙකු කොටහේන ප‍්‍රදේශයේදී අත්අඩංගුවට පත්වුණේ පසුගිය 27 වනදා. ඒ, කොටහේන පොලිස් ස්ථානයේ නිලධාරීන් පිරිසක් විසින්.

කොටහේන මහා විද්‍යාලය අසලදී අත්අඩංගුවට ගෙන ඇති එක් සැකකරුවෙකු සංවිධානාත්මක අපරාධ කල්ලි සාමාජික මාකඳුරේ මදූෂ් සමග ඩුබායිහිදී සමීප සබඳතා පැවැත්වූ අයෙකු බවයි පොලීසිය සඳහන් කළේ. එසේම 2018 වසරේදී පාතාල සිද්ධියක් සම්බන්ධයෙන් අලූත්කඬේ පල්ලිය අසලදී වෙඩි තබා ඝාතනය කෙරුණු මොහොමඞ් හුසෙයින් මොහොමඞ් රිස්කාන් නමැත්තා සමග ද මෙම සැකකරු සමීප සබඳතා පවත්වා ඇති බව අනාවරණ වී තිබෙනවා. ඒවගේම පාතාලයට පොලිස් හැඳුනුම්පතක් දීලා. ඒවගේම පාතාල නායකයන්ගේ ‘විමර්ශන පොත් 50ක්’ පොලිසියෙන් අතුරුදන් වෙලා  තවත් පොත් 20ක පිටු නැති වෙලත් තිබ්බා. ඒ ප්‍රබල පාතාල නායකයෙක් වන ආමි සම්පත්ට අදාළ තොරතුරු ඇතුළු වසර විස්සකට අධික කාලයක් තිස්සේ ග්‍රෑන්ඩ්පාස් පොලිසියේ තිබූ සුවිශේෂී අපරාධ හා මත්ද්‍රව්‍ය ජාවාරමට අදාළ සටහන්. මෙලෙස පොත් අස්ථානගත වීම පිළිබඳ පොලිස් මූලස්ථානය පුළුල් විමර්ශනයක් ආරම්භ කර තිබෙනවා. මීට අමතරව ග්‍රෑන්ඩ්පාස් පොලිසියේ තිබූ තොරතුරු පොත් විස්සක පමණ පිටු ගලවා ඉවත් කර ඇතැයිද වාර්තා වනවා.

පාතාලය මඩින්න  දිගටම මෙලෙස මෙහෙයුම් ක්‍රියාත්මකයි. නමුත් පොඩිපොඩි හාල්මැස්සෝ වගේම තෝරු මොරුත් මේ ගැම්මට ඇල්ලුවොත් විනා එසේ නොවන තාක් මේවා හැමදාම මෙන් නාටක බවටම පත් වේවි.