ප්රභූන් 11 දෙනෙකුට ප්රභූ ආරක්ෂාව ලබා දී ඇති බවට පළවූ වාර්තා සම්බන්ධව කැබිනට් ප්රකාශක අමාත්ය නලින්ද ජයතිස්ස මහතා අද (14) පැහැදිලි කිරීමක් සිදු කළේය.
කැබිනට් මාධ්ය හමුවේදී මාධ්යවේදිනියක විසින් යොමු කළ ප්රශ්නයකට පිළිතුරු ලබා දෙමින් අමාත්යවරයා මේ සම්බන්ධව අදහස් පළ කළේය.
එහිදී පාර්ලිමේන්තු මන්ත්රීවරුන් ඇතුළු කිහිප දෙනෙකුට ප්රභූ ආරක්ෂාවක් ලබා දී ඇතැයි පසුගියදා වාර්තා පළ වූ අතර ඒ අතරට අශෝක රන්වල, මොහොමඩ් රිස්වි සාලි, සරත් කුමාර, අජිත් ශාන්ත, රුවන් විජේවීර, තිලංක යූ ගමගේ, සුනිල් බියන්විල, දිනේශ් හේමන්ත, රංජිත් මද්දුමබණ්ඩාර, එච්.ඒ ධර්මසේන, ගලගොඩඅත්තේ ඥානසාර හිමි ඇතුළු 11 දෙනෙකුට සිටින බවය.
කෙසේ වෙතත් මේ සම්බන්ධව අදහස් දක්වමින් අමාත්යවරයා පැවසුවේ විශේෂ ආරක්ෂක නියෝජ්ය පොලිස්පතිවරයා විසින් මෙම ප්රභූ ආරක්ෂාව සම්බන්ධව පොලිස්පතිවරයාට ලිපියක් යොමු කර ඇති බවය.
ඒ අනුව අදාළ පිරිසට කිසිදු ප්රභූ ආරක්ෂාවක් සපයා නොමැති බව නියෝජ්ය පොලිස්පතිවරයා විසින් දන්වා ඇති බවත් අමාත්යවරයා සඳහන් කළේය.
