තාක්ෂණික දෝෂ හේතුවෙන් මධ්යගත ඉලෙක්ට්රොනික පද්ධතියට ලියාපදිංචිවීමේ ක්රියාවලිය සම්පූර්ණ කිරීමට නොහැකි වූ රාජ්ය නිලධාරින්ට සිය වත්කම් හා බැරකම් වාර්තා ඉදිරිපත් කිරීමට ලබාදී තිබූ කාලය දීර්ඝ කර තිබේ.
ඒ අනුව එම කාලය ජූලි මස 07 වෙනිදා මධ්යම රාත්රී 12.00 දක්වා දීර්ඝ කර ඇති බව නිවේදනයක් නිකුත් කරමින් අල්ලස් හෝ දූෂණ චෝදනා විමර්ශන කොමිෂන් සභාව සඳහන් කළේය.
එම කාලයේදී දඩ අයකිරීමක් සිදු නොකරන බව ද එහි සඳහන්ය.
2026.03.31 දිනට ඇති වාර්ෂික සහ පශ්චාත් විශ්රාම වත්කම් සහ බැරකම් ප්රකාශ ජුනි 30 දිනට හෝ ඊට පෙර සිදුකළ යුතු බව අල්ලස් හෝ දූෂණ චෝදනා විමර්ශන කොමිෂන් සභාව මීට පෙර පැවසීය.
කෙසේ වෙතත් අදාළ ප්රකාශ අගෝස්තු මස 31 දක්වා සිදු කළ හැකි වූවත් එවිට දඩ මුදලකට යටත් වෙන බව ද එම කොමිෂන් සභාව අවධාරණය කරයි.
මේ අතර පසුගිය 28 වෙනිදා සිට මධ්යගත ඉලෙක්ට්රොනික පද්ධතියට දිනක් තුළ ඇතුළත් වූ අධික පරිශීලක ප්රවේශය හේතුවෙන් පද්ධතිය තුළ සිදුවූ තදබදය මත, ප්රකාශකයන් හට තාක්ෂණික දෝෂයන්ට මුහුණපෑමට සිදුවූ බවට තමන් වෙත තොරතුරු වාර්තා වූ බව අල්ලස් කොමිසම පැවසීය.
2023 අංක 9 දරන දූෂණ විරෝධී පනත ප්රකාරව වත්කම් සහ බැරකම් ප්රකාශ ඉදිරිපත් කළ යුතු තැනැත්තන් සඳහා වත්කම් සහ බැරකම් ප්රකාශ කිරීම අල්ලස් හෝ දූෂණ චෝදනා විමර්ශන කොමිෂන් සභාව විසින් ස්ථාපනය කර ඇති මධ්යගත ඉලෙක්ට්රොනික පද්ධතිය හරහා පමණක් සිදුකළ යුතුය.
වත්කම් හා බැරකම් ප්රකාශ කිරීම පිළිබඳව වන මධ්යගත ඉලෙක්ට්රොනික පද්ධතියට තොරතුරු ඇතුළත් කිරීම සම්බන්ධව මතුවන ගැටලු පිළිබඳව, කොමිෂන් සභාවේ වත්කම් හා බැරකම් ප්රකාශ අංශයේ 076 70 11 954 සහ 011 25 87 287 යන දුරකථන අංකය මඟින් නිරාකරණය කරගන්නා ලෙසට අල්ලස් හෝ දූෂණ චෝදනා විමර්ශන කොමිෂන් සභාව වැඩිදුරටත් ඉල්ලා සිටියි.
