පසුගිය වසරට සාපේක්ෂව මෙම වසරේදී ඩෙංගු රෝගීන්ගේ වැඩිවීමක් දක්නය ලැබෙන බව ජාතික ඩෙංගු මර්ධන ඒකකය පවසයි.
එම ඒකකයේ අධ්යක්ෂ වෛද්ය කපිල කන්නන්ගර මහතා පැවසුවේ පසුගිය වසරට සාපේක්ෂව මෙම වසරේදී ඩෙංගු රෝගීන් වාර්තා වීම 50%-55%ත් අතර ප්රමාණයකින් ඉහළ ගොස් ඇති බවය.
එමෙන්ම මෙම වසරේ ඩෙංගු රෝගීන් පසුගිය ජුනි 5 වන දින වනවිට 36,168ක් වාර්තා වී ඇති බවත් ඉන් 50%ක රෝගීන් ප්රමාණයක් වාර්තා වී ඇත්තේ බස්නාහිර පළාතෙන් බවද සඳහන් කළේය.
බස්නාහිර පළාතට අමතරව දකුණු පළාතේ ගාල්ල සහ මාතර දිස්ත්රික්ක, සබරගමු පළාතේ රත්නපුර, කෑගල්ල, පුත්තලම දිස්ත්රික්කයේ සහ මධයම පළාතේ නුවර දිස්ත්රික්කය තුළද වැඩි වශයෙන් ඩෙංගු රෝගීන් වාර්තා වී ඇති බවද වෛද්යවරයා පැවසීය.
ඩෙංගු රෝගීන් වැඩිවීම සඳහා ජනවාරි මාසයේ සිට මේ දක්වා ඇතිවූ වැසිබර කාලගුණයද හේතුවක් වී ඇති බව පෙන්වා දෙන වෛද්යවරයා පැවසුවේ දිට්වා සුළි කුණාටුවෙන් පසු විශාල වශයෙන් කසල එකතු වීම හේතුවෙන් මදුරුවන් බෝවන ස්ථාන නිර්මාණය වී ඇති බවත් සඳහන් කළේය.
