ගොවීන්ට QR කෝටාවට පරිබාහිරව ඉන්ධන ලබාදීමට තීරණය කර ඇති බව ගොවිජන සංවර්ධන දෙපාර්තමේන්තුව පවසයි.
එහි කොමසාරිස් ධම්මික රණතුංග මහතා සඳහන් කළේ, මේ සඳහා ලංකා ඛනිජ තෙල් සංස්ථාව සිය එකඟත්වය පළ කර ඇති බවය.
ඒ අනුව 2025/26 මහකන්නයේ අස්වනු නෙළන ගොවීන් සඳහා අක්කරයකට ලීටර් 15ක ඉන්ධන ප්රමාණයක් ලබාදීමට නියමිතය.
එමෙන්ම යළ කන්නයේ වගා කිරීමට සීසෑමේ කටයුතු සිදු කරන ගොවීන් සඳහා අක්කරයකට ලීටර් 20ක ඉන්ධන ලබාදෙන බව ගොවිජන සංවර්ධන දෙපාර්තමේන්තුවේ කොමසාරිස්වරයා ප්රකාශ කළේය.
ගොවීන්ට අවශ්ය වන ඉන්ධන ප්රමාණය ඇතුළත් ලැයිස්තුව අද (16) දිනයේ සිටම ලංකා ඛනිජ තෙල් සංස්ථාව වෙත යොමු කර තිබේ.
ගොවිජන සංවර්ධන දෙපාර්තමේන්තුවේ ඇති දත්ත පදනම් කරගනිමින් මෙය සකස් කර ඇත.
එම ලේඛනය අදාළ ගොවීන් පදිංචි ප්රදේශයේ ඇති ලංකා ඛනිජ තෙල් සංස්ථාවට අයත් පිරවුම්හල් වෙත යොමු කිරීමට පියවර ගන්නා බව ධම්මික රණතුංග මහතා පැවසීය.
ඉන්ධන බෙදාහැරීමේදී ඇතිවිය හැකි ගැලුකාරි තත්ත්වයන් පාලනය කිරීම ගොවිජන සංවර්ධන දෙපාර්තමේන්තුවේ නිලධාරින් පිරවුම්හල් වෙත අනුයුක්ත කිරීමට ද සැලැසුම් කර ඇත.
ගොවීන් සඳහා ලබා දෙන ඉන්ධන බූලිවලට ලබාදීමට කටයුතු කර ඇති බවත් ඊට අදාළ නෛතික පසුබිම සකස් කර ඇති බවත් කොමසාරිස්වරයා කීය.
මේ අතර පොහොර සහනාධාරය ද මාර්තු මස පළමුවෙනිදා සිට ලබාදීමට කටයුතු කර ඇති බව ගොවිජන සංවර්ධන දෙපාර්තමේන්තුවේ කොමසාරිස් ධම්මික රණතුංග මහතා වැඩිදුරටත් ප්රකාශ කළේය.
