තලංගම, අකුරේගොඩ ප්රදේශයේ දී නීතිඥවරයෙකු හා ඔහුගේ බිරිඳ වෙඩිතබා ඝාතනය කිරීමේ සිද්ධියට ආධාර අනුබල දුන් තවත් සැකකරුවන් දෙදෙනෙකු බස්නාහිර පළාත දකුණ අපරාධ කොට්ඨාසය විසින් ඊයේ (6) අත්අඩංගුවට ගෙන තිබේ.
අදාළ අපරාධයෙන් පසු එක් වෙඩික්කරුවෙකු මොනරාගල ප්රදේශය දක්වා බස් රථයකින් ප්රවාහනය කර අපරාධයට ආධාර අනුබල දිම සම්බන්ධයෙන් මෙම සැකකරුවන්ව අත්අඩංගුවට පත්ව ඇත.
ඔවුන් අවුරුදු 39 හා 53 වයස්වල පසුවන ඉබ්බාගමුව හා මාකොළ ප්රදේශවල පදිංචිකරුවන් බව පොලීසිය පවසයි.
එක් සැකකරුවෙකු විසින් දැනට විදෙස්ගතව සිටින සංවිධානාත්මක අපරාධ කල්ලි සාමාජිකයෙකු විසින් ලබා දෙන ලද මුදලින් මිලට ගත් බස් රථයකින් වෙඩික්කරු ප්රවාහනය කර ඇති බවට අනාවරණ වී ඇති අතර, අදාළ බස් රථයද විමර්ශන නිලධාරීන් විසින් සිය භාරයට ගෙන ඇත.
ඉකුත් පෙබරවාරි මස 13 වනදා සිදුවූ අදාළ ඝාතන සම්බන්ධයෙන් පොලිස් කණ්ඩායම් කිහිපයක් මඟින් මේ වනවිට විමර්ශන සිදුකරමින් සිටී.
ඒ අනුව බස්නාහිර පළාත දකුණ අපරාධ කොට්ඨාසය සහ හෝමාගම කොට්ඨාස අපරාධ විමර්ශන කාර්යංශය මඟින් අපරාධයට සම්බන්ධ වෙඩික්කරුවන් දෙදෙනා ඇතුළු අපරාධයට ආධාර අනුබල දුන් සැකකරුවන් 08 දෙනෙකු මේ වනවිට අත්අඩංගුවට ගෙන ඇත.
බස්නාහිර පළාත දකුණ අපරාධ කොට්ඨාසය විසින් වැඩිදුර විමර්ශන සිදු කරනු ලබයි.
