අමෙරිකානු ස්ථිර පදිංචිය අපේක්ෂාවෙන් සිටින විදේශිකයින් වෙනුවෙන් නව ක්‍රමවේදයක් හඳුන්වාදෙන බව අමෙරිකානු ජනාධිපති ඩොනල්ඩ් ට්‍රම්ප් පවසනවා. ඒ අනුව ඩොලර් මිලියන 05ක මුදලකට ස්ථිර පදිංචිය අලෙවි කරන බවයි අමෙරිකානු ජනාධිපතිවරයා සඳහන් කළේ. ‘Gold Card’ ලෙස නම් කර ඇති මෙම ක්‍රමවේදය සඳහා මේ වනවිට ස්ථිර පදිංචිය ලබාදීම සඳහා භාවිත කෙරෙන Green Card හා සමාන ප්‍රතිලාභ හිමිවන බවයි සඳහන් වෙන්නේ. රැකියා උත්පාදන කරමින් අමෙරිකානු ආර්ථිකය තුළ විශාල මුදලක් ආයෝජනය කිරීමට බලාපොරොත්තු වන විදේශිකයින් වෙනුවෙන් මෙම Gold Card ක්‍රමවේදය හඳුන්වා දී ඇති බවයි වැඩිදුරටත් සඳහන් වෙන්නේ.