වත්මන් පාලකයින් විසින් මග හරිමින් සිටින්නේ ලංකා ඉතිහාසයේ බිහිවූ සාර්ථකම ආණ්ඩුව බවට පත්වීමට තිබූ අවස්ථාව බව ශ්‍රී ලංකා පොදුජන පෙරමුණේ හිටපු පාර්ලිමේන්තු මන්ත්‍රී සංජීව එදිරිමාන්න පවසනවා.
ආණ්ඩුවක් විසින් මුහුණදෙන විශේෂ දේශපාලන අර්බුදයක්, යුද්ධයක්, ස්වභාවික විපත් හෝ වසංගත නොමැති තැනක වත්මන් ආණ්ඩුව සිටින බවයි අද (15) පැවති මාධ්‍ය හමුවකට එක්වෙමින් හිටපු මන්ත්‍රීවරයා සඳහන් කළේ.
එවැනි කිසිදු අර්බුදයක් නොමැතිව, විශාල දේශපාලන බලයක් සහිතව පත්වූ වත්මන් ආණ්ඩුවේ ජනප්‍රියතාව වේගයෙන් පිරිහෙන තැනකට පත්ව ඇති බවයි හිටපු පාර්ලිමේන්තු මන්ත්‍රී සංජීව එදිරිමාන්න වැඩිදුරටත් ප්‍රකාශ කළේ.
