2025 වසරේ මුල් මාස 04 වියදම් සඳහා ආණ්ඩුව විසින් ඉදිරිපත් කළ අතුරු සම්මත ගිණුම ඊයේ (06) පාර්ලිමේන්තුවේදි ඡන්ද විමසීමකින් තොරව සම්මත වී තිබෙනවා.
රජයේ කාර්යයන් සහ ණය සේවාකරණය අඛණ්ඩව කරගෙන යාම සඳහා වූ අතුරු සම්මත ගිණුම පසුගිය 03 වැනිදා පාර්ලිමේන්තුවට ඉදිරිපත් කෙරුණා.
ඒ අනුව, 05 සහ 06 යන දෙදින පෙ.ව 9.30 සිට ප.ව 5.30 දක්වා ඒ සඳහා වූ පාර්ලිමේන්තු විවාදය පැවැත්වුණා.
2025 වසරට අයවැය ලේඛනයක් ඉදිරිපත් නොවීම හේතුවෙන්, 2025 මුල් මාස කිහිපයේ රජයේ වියදම් දැරීම සඳහා අතුරු සම්මත ගිණුමක් ඉදිරිපත් කළ අතර එහි මුළු ඇස්තමේන්තුගත මුදල රුපියල් බිලියන 2600 ක් ලෙසයි සඳහන් වන්නේ.
