එළඹෙන උත්සව සමයේ අඛණ්ඩව වැටලීම් සිදුකරන බව පාරිභෝගික සේවා අධිකාරිය පවසනවා.
කල් ඉකුත්වු හා තොරතුරු වෙනස් කළ භාණ්ඩ වෙළදපලට පැමිණිම වැළැක්විම එහි අරමුණ වන බවයි එම අධිකාරිය සඳහන් කරන්නේ.
අතරමැදියන් වී තොග ළඟ තබාගෙන සිටින්නේද යන්න පිළිබඳවත් පරීක්ෂා කිරීම් සිදුකරන බවයි පාරිභෝගික සේවා අධිකාරියේ අධ්‍යක්ෂ අසේල බණ්ඩාර පවසන්නේ.
පාරිභෝගිකයන්ට ඇතිවන ගැටලු සඳහා 1977 කෙටි දුරකතන අංකය ඔස්සේ පැමිණිලි කිරීමට හැකි බවද වැඩිදුරටත් සඳහන්.
