2023/24 තක්සේරු වර්ෂය සඳහා ආදායම් බදු වාර්තා ඉදිරිපත් කිරීමේ අවසන් දිනය අද (30) බවට සඳහන් කරමින් දේශීය ආදායම් දෙපාර්තමේන්තුව විශේෂ නිවේදනයක් නිකුත් කර තිබෙනවා.
එම බදු වාර්තා මාර්ගගත ක්‍රමයට පමණක් ලබා ගන්නා බවත්, ඒ සඳහා තාක්ෂණික සහාය ලබාදීම වෙනුවෙන් දේශීය ආදායම් දෙපාර්තමේන්තුවේ ප්‍රධාන කාර්යාලය මෙන්ම, ප්‍රාදේශීය හා නගර කාර්යාල ද සාමාන්‍ය රාජකාරී දිනයක් මෙන් අද දින විවෘතව පවතින බවයි සඳහන් වන්නේ.
තවද, ආදායම් බදු ගෙවීම් සඳහා දේශීය ආදායම් දෙපාර්තමේන්තුවේ ප්‍රධාන කාර්යාලයේ හා ජාවත්ත කාර්යාල පරිශ්‍රයේ පිහිටා ඇති ලංකා බැංකු ශාඛාව ද විවෘතව තබන බවද දේශීය ආදායම් දෙපාර්තමේන්තුව වැඩිදුරටත් දැනුම්දෙනු ලබනවා.
