සීසර්වරුන්ට එරෙහිව ජනාධිපති ලේකම් කාර්යාලය ඉදිරිපිට උද්ඝෝෂණයක්

මූල්‍ය ආයතනවල සීසර්වරුන් පොලිසීය සමඟ එක්ව තවමත් වාහන පැහැරගෙන යාමේ කාර්යයේ නිරත වන බව පවසමින් ලීසීං හා ණය වාරික ගෙවන්නන්ගේ සංගමය අද (12) උදෑසන ජනාධිපති ලේකම් කාර්යාලය ඉදිරිපිට විරෝධතාවක නිරත වී තිබෙනවා.

ඒ අනුව පසුගිය රජයෙන් වාහන පැහැරගැනීම නතර කරමින් ගැසට් නිවේදනයක් නිකුත් කර තිබූ බවත්, ජනාධිපතිවරයාගෙන් ඉල්ලා සිටින්නේ එම ගැසට් නිවේදනය යළි ක්‍රියාත්මක කරන ලෙස බවයි ලීසිං හා ණය වාරික සංගමයේ සභාපති අසංක රුවන් පොතුපිටිය මාධ්‍ය වෙත අදහස් දක්වමින් සඳහන් කළේ.

ජනාධිපතිවරයාට මේ සම්බන්ධයෙන් ලිපියක් යොමුකළ ද, ඒ සම්බන්ධයෙන් මෙතෙක් පිළිතුරක් ලබාදී නොමැති බවත්, ජනාධිපතිවරයා ද ලීසිං ආයතනවල මාෆියාවට යට වී ඇද්දැයි සැක සහිත බවයි අසංක රුවන් පොතුපිටිය වැඩිදුරටත් ප්‍රකාශ කළේ.