ශ්‍රී ලන්කන් ගුවන් යානා ප්‍රමාදය ගැන ලැබුණු පැමිණිලි සොයා බැලීම සඳහා අමාත්‍ය විජිත හේරත් කටුනායක ගුවන් තොටුපොළේ නිරීක්ෂණය සංචාරයක නිරත වී තිබෙනවා.
එහිදී ඔහු ගුවන් තොටුපොළේ සියලුම අංශයන් වෙත ගොස්, ඒ ඒ අංශවල සේවකයින් සමග සුහද කතාබහක ද නිරත වී ඇති බව සඳහන් වෙන්නේ.
ශ්‍රී ලන්කන් ගුවන් සමාගම නියෝජනය වන පරිදි විශේෂ ඒකකයක් ගුවන් තොටුපොළේ පරිශ්‍රයේ පිහිටුවා, ගුවන් මගීන්ට ගුවන්යානා ප්‍රමාදය ගැන පැය 24 පුරාම ක්ෂණිකව තොරතුරු ලබා ගැනීමටත්, ප්‍රමාද කාල සීමාවේ මගීන්ට උපරිම පහසුකම් ලබා දීමටත් අවශ්‍ය බව අමාත්‍ය විජිත හේරත් එහිදී වැඩිදුරටත් සඳහන් කර තිබෙනවා.
