ශ්‍රී ලංකාවේ මැතිවරණ පැවැත්වීම සම්බන්ධව ජාත්‍යන්තර මූල්‍ය අරමුදලට කිසිදු ගැටලුවක් නොමැති බව එහි ශ්‍රී ලංකාව සම්බන්ධ දූත කණ්ඩායමේ ජ්‍යෙෂ්ඨ ප්‍රධානී Peter Brewer පවසනවා.
ඕනෑම රටක ප්‍රජාතන්ත්‍රවාදයට ජාත්‍යන්තර මූල්‍ය අරමුදල ගරු කරන බවයි මාධ්‍ය හමුවකට එක්වෙමින් ඔහු සඳහන් කළේ.
ශ්‍රී ලංකාවේ මැතිවරණයක් පැවැත්වෙන්නේ නම් ජාත්‍යන්තර මූල්‍ය අරමුදලේ වැඩසටහනේ කාලය කෙරෙහි එය බලපාන නමුත්, අදාළ බලධාරීන් සමග සාකච්ඡා කර නැවත කාල රාමුවක් සකස් කරගැනීමට හැකි බවයි ඔහු වැඩිදුරටත් සඳහන් කළේ.
