බහු දින ධීවර යාත්‍රාවකින් බේරුවල වරායේන් දියඹට ගමන් කරමින් සිටියදී මුහුදට වැටී පුද්ගලයෙකු අතුරුදන් .

26 වන දින උදෑසන 10.00 ට පමණ බේරුවල පොලිස් ස්ථානය ව‍ෙත න‍ෙ : 402, ගාලු පාර, මහගොඩ, බේරුවල ලිපිනයේ පදිංචි තයාගරාජා නිශාන්ත යන අය පැමිණිල්ලක් සිදු කරමින් කියාසිටියේ IMUL-A 2056 GLE (හරිනි දුව 01) දරන ධීවර යාත්‍රාව ගොඩ බිම සිට අවශ්‍ය පහසුකම් සමග දියඹ බලා 25 රාත්‍රි 1900 ට පමණ බේරුවල ධීවර වරායෙන් ධීවර කටයුතු සඳහා පිටත්ව ගොස් ඇති අතර මෙහි රැකියා කටයුතු සඳහා නියමු පැදිකරු ඇතුළු 06 දෙනෙකු ගෙන් යුත් කණ්ඩායමක් පිටව ගොස් ඇති බවත් මෙම ධීවර යාත්‍රාවේ නියමු පැදිකරුවිසින් පැය 2100 ට පමණ පැමිණිලිකරුට දුරකථනයෙන් කතා කර ඔවුන් සමග ධීවර කටයුතු සඳහා පැමිණි රසික ඩිලාන් යන අය යාත්‍රාවෙන් මුහුදට වැටී ඇති බවත් ඒ අවට මුහුදේ සොයා බැලූ අතර ඔහු හමු නොවුනු බවට දන්වා ඇති අතර මේ බව දන්වා පැමිණිලිකරු විසින් බේරුවල පොලිස් ස්ථානයට පැමිණිල්ලක් ඉදිරිපත් කර ඇත.

මෙම අතුරුදන් තැනැත්තා,

රන්මුතු රසික ඩිලාන් (34) බුළුගහවත්ත, අම්පෙ, බලපිටිය. ලිපිනයේ පදිංචිව සිටි පුද්ගලයෙකු වන අතර මොහු සමග ධීවර කටයුතු සඳහා පිටත්ව ගිය ධීවර යාත්‍රාව ඒ අවට ප්‍රදේශය සෝදිසි කරමින් සිටින අතර මේ සම්බන්ධයෙන් වැඩිදුර පරීක්ෂණ බේරුවල පොලිස් ස්ථානය මගින් වෙරලාරක්ශක නිලධාරීන් ගේ සහයෙන් සිදු කරන බවයි.
බේරුවල පොලිසිය පරීක්ෂණ සිදුකරයි .

අලුත්ගම තුසිත කුමාර ද සිල්වා