රැකියා විරහිත උපාධිධාරීන් පිරිසක් අනුරාධපුර පිහිටි උතුරු මැද පලාත් සභා කාර්යාලය ඉදිරිපිට දී මේ වන විට විරෝධතාවයක් ආරම්භ කර තිබේ.

අනුරාධපුර පිහිටි උතුරු මැද පලාත් සභා කාර්යාල සංකීර්ණය ඉදිරිපිටට රැස්වූ එම රැකියා විරහිත උපාධීධාරීහු අද දහවල් මෙම විරෝධතාවය ආරම්භ කලහ. මෙලෙස විරෝධතාවයේ නිරත වනුයේ වයස අවුරුදු 25-45ත් අතර පසුවන උපාධීධාරීන් පිරිසකි. අනුරාධපුර දිස්ත්‍රික්කයේ රැකියා විරහිත උපාධීධාරීන් 100ක පමණ පිරිසක් මේ වනවිට එම විරෝධතාවයට එක්ව සිටිති.
උපාධිය සම්පූර්ණකර වසර කිහිපයක් ගත වුවද තමන්ට මෙතෙක් නිසි රැකියාවක් ලබා දීමට රජය කටයුතු නොකළ බව පවසන ඔවුන්, රැකියා විරහිත උපාධීධාරීන් වන තමන්ට වහාම රැකියා ලබා දෙන ලෙස රජයෙන් ඉල්ලා මෙලෙස විරෝධතාවයේ නිරත වෙති.
ඡායාරූප
60 විරෝධතාවයේ අවස්ථා.