යුද්ධයේදී මියගිය හා ආබාධිත වූ හමුදා සාමාජිකයන්ට පූර්ණ වැටුප් හා දීමනා

යුද්ධයේදී මියගිය හෝ ආබාධිත වූ හමුදා සාමාජිකයන් හට පූර්ණ වැටුප් හා දීමනා ලබා දීමට අමාත්‍ය මණ්ඩලය තීරණය කර තිබෙනවා.

ඒ අනුව, 2009.05.19 දිනට පෙර මෙරට පැවති යුද්ධයට සක්‍රියව දායකත්වය ලබා දී ත්‍රස්තවාදී ක්‍රියා හේතුවෙන් මියගිය, ආබාධිතව වෛද්‍ය හේතූන් මත විශ්‍රාම ගොස් සිටින ත්‍රිවිධ හමුදා සාමාජිකයින්ට මෙම ප්‍රතිලාභය ලැබෙන බවයි ආරක්ෂක අමාත්‍යාංශය නිවේදනය කරන්නේ.

අදාළ හමුදා සාමාජිකයා වයස අවුරුදු 55 එළැඹීමට පෙර මිය ගිය අවස්ථාවකදී, වයස අවුරුදු 55 එළඹෙන දිනය දක්වාම ඔවුන්ගේ යැපෙන්නන් වෙත මෙම වැටුප් හා දීමනා ලබා දීමට නියමිතව තිබෙනවා.