ඩීසල් සහ භූමිතෙල් වලට VAT බද්දෙන් බලපෑමක් නොවන ආකාරයට කටයුතු කරනවා – කංචන

ඩීසල් සහ භූමිතෙල් යන ඉන්ධන වර්ග සඳහා වැට් බද්දෙන් බලපෑමක් නොවන ආකාරයට කටයුතු කිරීමට කැබිනට් මණ්ඩලයට යෝජනා ඉදිරිපත් කර ඇති බව විදුලිබල හා බලශක්ති අමාත්‍ය කංචන විජේසේකර පවසා තිබෙනවා.

වැට් බද්ද ඉන්ධන සඳහාත් අදාළ වන බවට පසුගිය 10 වැනිදා පාර්ලිමේන්තුවේ යෝජනා වු නමුත්, වැට් බද්දෙන් එකතු කිරීමට ඇති බදු ආදායම ඉන්ධන මත පනවා ඇති වෙනත් බදු වලින් තුලනය කර ඉහත ඉන්ධන සඳහා වැට් බද්දෙන් බලපෑමක් නොවන ආකාරයට කටයුතු කරන බවයි ඔහු වැඩිදුරටත් පැවසුවේ.

ඒ අනුව ඉදිරියේදී ඒ වෙනුවෙන් අවශ්‍ය තීන්දු තීරණ ගැනීමට නියමිත බවද අමාත්‍යවරයා සඳහන් කළා.