මහනුවර ඊ.එල් සේනානායක වීදියේ ඉන්ධන පිරවුම්හලකට යාබදව තිබූ මහල් 6කින් යුත් ගොඩනැගිල්ලක කොටසක් කඩා වැටීමෙන් කම්කරුවන් දෙදෙනෙකු තුවාල ලබා පේරාදෙණිය ශික්ෂණ රෝහලට ඇතුළත් කර තිබේ.
අනතුර අද (24) පෙ.ව. 11.30 ට පමණ සිදුව තිබෙන අතර, කඩා වැටුණු කොන්ක්රීට් කැබැල්ලකට යටවී සිටි අයෙකු අසළ සිටි පිරිස් විසින් බේරාගෙන රෝහල් ගත කිරීමට පියවර ගෙන ඇත.
අදාළ ගොඩනැගිල්ලේ දෙවන මහලේ පිටතට පන්නා තිබූ කොන්ක්රීට් කොටසක් කඩා වැටීමෙන් මෙම සිදුව තිබෙන බව පොලීසිය පවසයි.
සිද්ධිය සම්බන්ධයෙන් මහනුවර පොලීසිය පරීක්ෂණ පවත්වයි.
