තෙල් මිල ඉහළ ගියහොත් සංචිත ප්රමාණවත් නොවන බවත් නැවත වරක් රට කඩා වැටීමේ අවදානමක් ඇති නිසා අනුප්රාප්තික IMF ගිවිසුමකට යන ලෙස රජයෙන් ඉල්ලා සිටින බව විපක්ෂ නායක සජිත් ප්රේමදාස මහතා පවසා තිබේ.
අද (24) සමගි ජන බලවේග පක්ෂ මූලස්ථානයේ දී සමගි ජන බලවේගයේ ගුරු සංගමය පිහිටුවීමේ මූලික සාකච්ඡාව හා එක්වෙමින් ඒ මහතා මෙම අදහස් පල කරන්නට විය.
මේ අතර, ජනාධිපතිවරයා රටේ ගැටලු නැති බව ජනතාවට පෙන්වීමට උත්සාහ කරමින් රටේ ඩොලර් ඇති බව පැවසුවත් වර්තමානය වනවිට රට ඇති අවදානම් තත්ත්වය ගැන විවිධ සංඛ්යා ලේඛනවලින් දැනුවත් විය හැකි බවත් විපක්ෂ නායක සජිත් ප්රේමදාස මහතා පවසා තිබේ.
එලෙසම මෙම ප්රශ්නය සම්බන්ධයෙන් යථාර්ථවාදී අවබෝධයක් ජනතාවට තිබිය යුතු බවත් ඔහු පවසයි.
මේ අතර, ලෝකය පිළිගන්නා ආකාරයට රටක සංචිත මාස 3ක ආනයන ආවරණය කළ යුතු වුවත් අප රටේ එයද නොමැති බවත් අප රටේ මාසික ආනයන වියදම ඇ. ඩොලර් බිලියන 2ක් බවත් මේ යන ආකාරයට මාස 3ක ආනයන වියදම ආවරණය කරන සංචිත පවා රටේ නොමැති බවත් විපක්ෂ නායකවරයා පැවසීය.
එලෙසම රටට ලැබෙන විදේශ ප්රේෂණ බිලියන 8ක් දක්වා වැඩි වුවත් මැදපෙරදිග යුද්ධය දිගින් දිගටම කල්ගොස් එය තවත් උත්සන්න වුවහොත් රටේ ආර්ථිකයට විශාල බලපෑමක් සිදුවන බවත් මැදපෙරදිග ආර්ථිකය කඩා වැටුනහොත් ශ්රමිකයන්ගේ රැකියා අහිමි වන බවත් මේ ගැන පවා රජය කතා නොවන බවත් විපක්ෂ නායක සජිත් ප්රේමදාස මහතා පැවසීය.
