Category: sports_sub

සංචාරක ඇෆ්ගනිස්තාන කණ්ඩායම හා ශ්‍රී ලංකා කණ්ඩායම අතර පැවති පළමු එක්දින තරගයෙන් කඩුලු 6 ක ජයක් ලැබීමට ඇෆ්ගනිස්තාන කණ්ඩායම සමත් වුණා.

තරගයේ කාසියේ වාසිය දිනාගත් ඇෆ්ගනිස්තාන කණ්ඩායම පළමුවෙන් පන්දුවට පහරදීමට ශ්‍රී ලංකා කණ්ඩායමට ආරාධනා කළ අතර ශ්‍රී ලංකා කණ්ඩායම සිය පන්දුවාර 50 තුළ සියලුදෙනා දැවී ලකුණු 268 ක් ලබා ගත්තා.

පන්දුවට පහරදීමේදී ශ්‍රී ලංකා කණ්ඩායම වෙනුවෙන් චරිත් අසලංක ලකුණු 91 ක්, ධනංජය ද සිල්වා ලකුණු 51 ක්, පැතුම් නිස්සංක ලකුණු 38 ක් හා දුෂාන් හේමන්ත ලකුණු 22 ක් ලබා ගැනීමට සමත් වුණා.

පන්දු යැවීමේදී ඇෆ්ගනිස්තාන කණ්ඩායම වෙනුවෙන් Fazalhaq Farooqi හා Fareed Ahmad කඩුලු 2 බැඟින් බිඳ හෙළිමට සමත් වුණා.

පිළිතුරු ඉනිම ක්‍රීඩා කළ ඇෆ්ගනිස්තාන කණ්ඩායම කඩුලු 4 ක් දැවී සිටියදී 47 වන පන්දුවාරයේදී සිය ජයග්‍රාහී ඉල්ලක්කය පසුකර යාමට සමත් වුණා.

පන්දුවට පහරදීමේදී ඇෆ්ගනිස්තාන කණ්ඩායම වෙනුවෙන් Ibrahim Zadran ලකුණු 98 ක් හා Rahmat Shah ලකුණු 55 ක් ලබා ගත්තා.

පන්දු යැවීමේදී ශ්‍රී ලංකා කණ්ඩායම වෙනුවෙන් කසුන් රාජිත කඩුලු 2 ක් හා ළහිරු කුමාර, මතීෂ පතිරණ එක් කඩුල්ල බැඟින් බිඳ හෙළීමට සමත් වුණා.

සංචාරක ඇෆ්ගනිස්තාන කණ්ඩායම හා ශ්‍රී ලංකා කණ්ඩායම අතර පැවැත්වෙන පළමු එක්දින තරඟය මේ වන විට පැවැත්වෙනවා.

තරගයේ කාසියේ වාසිය දිනාගත් ඇෆ්ගනිස්තාන කණ්ඩායම පළමුවෙන් පන්දුවට පහරදීමට ශ්‍රී ලංකා කණ්ඩායමට ආරාධනා කළ අතර ශ්‍රී ලංකා කණ්ඩායම සිය පන්දුවාර 50 තුළ සියලුදෙනා දැවී ලකුණු 268 ක් ලබා ගත්තා.

පන්දුවට පහරදීමේදී ශ්‍රී ලංකා කණ්ඩායම වෙනුවෙන් චරිත් අසලංක ලකුණු 91 ක්, ධනංජය ද සිල්වා ලකුණු 51 ක්, පැතුම් නිස්සංක ලකුණු 38 ක් හා දුෂාන් හේමන්ත ලකුණු 22 ක් ලබා ගැනීමට සමත් වුණා.

පන්දු යැවීමේදී ඇෆ්ගනිස්තාන කණ්ඩායම වෙනුවෙන් Fazalhaq Farooqi හා Fareed Ahmad කඩුලු 2 බැඟින් බිඳ හෙළිමට සමත් වුණා.

ඒ අනුව ඇෆ්ගනිස්තාන කණ්ඩායමට හිමිවී ඇති ඉලක්කය ලකුණු 269 ක්.

සංචාරක ඇෆ්ගනිස්තාන කණ්ඩායම හා ශ්‍රී ලංකා කණ්ඩායම අතර පැවැත්වෙන පළමු එක්දින තරඟයේදී අර්ධ ශතක දෙකක් වාර්තා කිරීමට චරිත් අසලංක හා ධනංජය ද සිල්වා සමත් වුණා.

ඒ අනුව චරිත් අසලංක සිය අර්ධ ශතකය සඳහා හතරේ පහර 8 ක් ඇතුළත් වූ අතර ධනංජය ද සිල්වාගේ අර්ධ ශතකය සඳහා හතරේ පහර 5 ක් ඇතුළත් වුණා.

ශ්‍රී ලංකා කණ්ඩායම මේ වන විට කඩුලු 5 ක් දැවී ලකුණු 183 ක් ලබා සිටිනවා.

ලකුණු 51 ක් ලබා සිටියදි ධනංජය ද සිල්වා දැවී ගියා.

සංචාරක ඇෆ්ගනිස්තාන කණ්ඩායම හා ශ්‍රී ලංකා කණ්ඩායම අතර පැවැත්වෙන පළමු එක්දින තරඟය අද (02) පැවැත්වෙනවා.

ඒ අනුව පළමුවෙන් පන්දුවට පහරදෙන ශ්‍රී ලංකා කණ්ඩායම මේ වන විට කඩුලු 4 ක් දැවී ලකුණු 143 ක් ලබාගෙන තිබෙනවා.

ක්‍රියාත්මක වන්නේ තරගයේ 32 වන පන්දුවාරයයි.

පන්දුවට පහරදෙමින් සිටින චරිත් අසලංක ලකුණු 38 ක් හා ධනංජය ද සිල්වා ලකුණු 29 ක් ලබා සිටිනවා.

සංචාරක ඇෆ්ගනිස්තාන කණ්ඩායම හා ශ්‍රී ලංකා කණ්ඩායම අතර පැවැත්වෙන පළමු එක්දින තරඟය අද (02) පැවැත්වෙනවා.

ඒ අනුව පළමුවෙන් පන්දුවට පහරදෙන ශ්‍රී ලංකා කණ්ඩායම මේ වන විට කඩුලු 3 ක් දැවී ලකුණු 70 ක් ලබාගෙන තිබෙනවා.

ක්‍රියාත්මක වන්නේ තරගයේ 18 වන පන්දුවාරයයි.

පන්දුවට පහරදෙමින් සිටින පැතුම් නිස්සංක ලකුණු 29 ක් හා චරිත් අසලංක ලකුණු 02 ක් ලබා සිටිනවා.

සංචාරක ඇෆ්ගනිස්තාන කණ්ඩායම හා ශ්‍රී ලංකා කණ්ඩායම අතර පැවැත්වෙන පළමු එක්දින තරඟය අද (02) පැවැත්වෙනවා.

තරඟයේ කාසියේ වාසිය දිනා ගැනීමට ඇෆ්ගනිස්තාන කණ්ඩායම සමත් වුණා.

ඒ අනුව ඔවුන් පළමුවෙන් පන්දු යැවීමට තීරණය කළා.

අද තරඟය සඳහා ශ්‍රී ලංකාව වෙනුවෙන් මතීෂ පතිරණ සහ දුෂාන් හේමන්ත එක්දින වරම් දිනාගත් අතර ඇෆ්ගනිස්තාන කණ්ඩායමේ ප්‍රබල දඟ පන්දු යවන ක්‍රීඩක රෂිඩ් ඛාන් හට ආබාධයක් හේතුවෙන් මෙම තරඟය අහිමි වී තිබෙනවා.

ශ්‍රී ලංකා කණ්ඩායම හා ඇෆ්ඝනිස්තාන කණ්ඩායම අතර එක්දින තරගාවලිය අද (02) ආරම්භවීමට නියමිතව තිබෙනවා.

ඒ අනුව පළමු එක්දින තරගය අද පෙරවරු 10.00 ට හම්බන්තොට දී පැවැත්වීමට නියමිතයි.

පා දග පන්දු යවන ක්‍රීඩක දුෂාන් හේමන්තට සහ මතීෂ පතිරණට අද එක්දින වරම් දිනා ගැනීමේ වැඩි අවස්ථාවක් පවතින බවයි සඳහන් වන්නේ.

තරගයේ සජීවී තොරතුරු එසැණ හරහා ඔබ වෙත ගෙන ඒමට මේ වන විට සියලු කටයුතු සූදානම් කර තිබෙනවා.

ඇෆ්ගනිස්තානය සමග ජුනි දෙවැනිදා ආරම්භ වීමට නියමිත එක්දින ක්‍රිකට් තරගාවලියේ පළමු තරග දෙක සඳහා වන ශ්‍රී ලංකා සංචිතය ශ්‍රී ලංකා ක්‍රිකට් ආයතනය විසින් ප්‍රකාශයට පත්කර තිබෙනවා. ඒ අනුව දසුන් ශානකගේ නායකත්වයෙන් යුත් සංචිතය සඳහා ක්‍රීඩකයින් 16 දෙනෙකු ඇතුළත් වනවා. සංචිතය සදහා දිමුත් කරුණාරත්න හා දුෂ්මන්ත චමීර යළි කැඳවා ඇති අතර, ඇන්ජෙලෝ මැතිව්ස් ද සිය ස්ථානය රැක ගැනීමට සමත්ව තිබෙනවා. මෙතෙක් ජාත්‍යන්තර වරම් දිනා නොමැති 29 හැවිරිදි දුෂාන් හේමන්ත පා දඟ පන්දු යවන්නෙකු ලෙස සංචිතයට ඇතුළත් කර ඇති අතර, IPL තරගාවලියේ දී විශිෂ්ඨ දක්ෂතා දැක්වූ වේග පන්දු යවන ක්‍රීඩක මතීෂ පතිරණ ද සංචිතයට නම් කර තිබෙනවා. ඇෆ්ගනිස්තාන කණ්ඩායමේ ශ්‍රී ලංකා සංචාරයේ දී දෙරට අතර පැවැත්වීමට නියමිත තරග 3 කින් යුත් එක්දින තරගාවලියේ සියලු තරග දිවා තරග ලෙස හම්බන්තොට දී පැවැත්වීමට නියමිතයි.

පස්වැනි වරටත් අයි.පී.එල් ශූරයින් බවට පත් වීමට චෙන්නායි සුපර් කිංග්ස් කණ්ඩායම සමත් වුණා.

අවසන් මහා තරගයෙන් පසුගියවර ශූරයින් වූ ගුජරාට් ටයිටන්ස් කණ්ඩායම පරදා ඩක්වර්ත් ලුවිස් න්‍යාය යටතේ කඩුලු 5ක ජයක් වාර්තා කරමින් මෙම ජය වාර්තා කිරීමට චෙන්නායි සුපර් කිංග්ස් කණ්ඩායම සමත් වුණා.

තරගයේ කාසියේ වාසිය දිනාගත් චෙන්නායි සුපර් කිංග්ස් කණ්ඩායම පළමුවෙන් පන්දුවට පහරදීමට ගුජරාට් ටයිටන්ස් කණ්ඩායමට ආරාධනා කළ අතර ඔවුන් සිය පන්දුවාර 20 තුළ කඩුලු 4 ක් දැවී ලකුණු 214 ක් ලබා ගැනීමට සමත් වුණා.

ගුජරාට් ටයිටන්ස් කණ්ඩායම වෙනුවෙන් Wriddhiman Saha ලකුණු 54 ක්, Shubman Gill ලකුණු 39 ක්, හා Sai Sudharsan ලකුණු 96 ක් හා Hardik Pandya නොදැවී ලකුණු 21 ක් ලබා ගත්තා.

චෙන්නායි සුපර් කිංග්ස් කණ්ඩායම වෙනුවෙන් මතීෂ පතිරණ කඩුලු 2 ක් දවා ගැනීමට සමත් වුණා.

පිළිතුරු ඉනිම ක්‍රීඩා කළ චෙන්නායි ඉනිමට ඉනිමේ තෙවැනි පන්දුව ක්‍රියාත්මක වීමෙන් අනතුරුව වර්ෂාවෙන් බාධා එල්ල වු අතර අනතුරුව තරගය පැය දෙකයි මිනිත්තු 20 ක පමණ කාලයක් නතර කිරීමට සිදු වුණා.

පසුව තරගය ආරම්භ කෙරුණේ පන්දුවාර 15 කදී ලකුණු 171 ක ජයග්‍රාහී ඉලක්කයක් චෙන්නායි කණ්ඩායමට ලබා දෙමින්. චෙන්නායි පිල ඉනිමේ අවසන් පන්දුවේ දී කඩුලු 5 ක් දැවී සිටියදී ජයග්‍රාහී ඉලක්කය පසුකර යාමට සමත් වුණා.

පන්දුවට පහරදීමේදී ගයික්වඩ් ලකුණු 26, කොන්වේ ලකුණු 47 ක්, අජින්කෙයා රහානේ ලකුණු 27 ක්, ශිවම් ඩූබේ නොදැවී ලකුණු 32 ක් හා රවීන්ද්‍ර ජඩේජා පන්දු 6 කින් නොදැවී ලකුණු 15 ක් ලබා ගනිමින් සුපර් කිංග්ස් කණ්ඩායමට සුපිරි ජයක් හිමි කර දුන්නා.

ඉන්දිය ප්‍රිමියර් ලීග් ක්‍රිකට් තරගාවලියේ අවසන් මහා තරගය අද (28) පැවැත්වෙනවා.

ඒ අනුව චෙන්නායි සුපර් කිංග්ස් කණ්ඩායම හා ගුජරාට් ටයිටන්ස් කණ්ඩායම අතර පැවැත්වෙන තරගයේ කාසියේ වාසිය දිනා ගැනීමට චෙන්නායි සුපර් කිංග්ස් කණ්ඩායම සමත් වුණා.

ඒ අනුව ඔවුන් පළමුවෙන් පන්දු යැවීමට තීරණය කළා.