ශ්රී ලංකා ටෙස්ට්, එක්දින සහ විස්සයි විස්ස කණ්ඩායම් තුන සඳහා නව නායකයන් පත්කිරීමට උපුල් තරංගගේ සභාපතිත්වයෙන් යුත් නව තේරීම් කමිටුව තීරණය කර තිබෙනවා.
ඒ අනුව ටෙස්ට් නායකත්වය ධනංජය ද සිල්වාටත්, එක්දින නායකත්වය කුසල් මෙන්ඩිස්ටත්, විස්සයි විස්ස නායකත්වය වනිඳු හසරංගටත් ලබාදීමට තේරීම් කමිටුවේ අවධානය යොමුවී ඇති බවයි සඳහන් වන්නේ.
එසේම ටෙස්ට් කණ්ඩායමේ උප නායකත්වය කුසල් මෙන්ඩිස්ට, එක්දින සහ විස්සයි විස්ස කණ්ඩායම්වල උප නායකත්වයට චරිත් අසලංක පත් කිරීමටනියමිත බවයි වැඩිදුරටත් සඳහන් වන්නේ.
අවුරුදු 19 න් පහළ ආසියානු කුසලාන එක්දින ජාත්යන්තර තරගාවලියේ අවසන් තරගයට බංග්ලාදේශ කණ්ඩායම හා එක්සත් අරාබි එමීර් රාජ්ය කණ්ඩායම ඊයේ සුදුසුකම් ලබා ගත්තා.
ශ්රී ලංකා 19 න් පහළ කණ්ඩායම පූර්ව වටයෙන්ම තරගාවලියෙන් ඉවත් වූ අතර, ඉන්දියාව හා පාකිස්ථානය යන ප්රබල කණ්ඩායම් ද අවසන් පූර්ව තරගවලින් පරාජය වීම විශේෂත්වයක් වුනා.
සිකුරාදා (15) පැවැති අවසන් පුර්ව තරගවලින් බංග්ලාදේශය හා ඉන්දියාව අතර පැවතුණු අවසන් පුර්ව තරගයෙන් බංග්ලාදේශය කඩුලු 04 කින් ජය ගත් අතර, එක්සත් අරාබි එමීර් රාජ්ය හා පාකිස්ථානය අතර අවසන් පුර්ව තරගය ලකුණු 11කින් ජය ගැනීමට එක්සත් අරාබි එමීර් රාජ්ය සමත් වුණා.
ඒ අනුව බංගලාදේශය සහ එක්සත් අරාබි එමීර් රාජ්ය කණ්ඩායම් අතර අවසන් මහා තරගය හෙට (17) ඩුබායි ජාත්යන්තර ක්රීඩාංගණයේ දී පැවැත්වීමට නියමිතව තිබෙනවා.
මෙරටින් බිහිවූ සුපිරි පිතිකරුවෙක් වෙන තිලකරත්න ඩිල්ෂාන් ශ්රී ලංකා ක්රිකට් පිතිකරණ පුහුණුකරු ධූරය සඳහා අයදුම් කර ඇති බව ඔහු පවසනවා.
ඒ අනුව ශ්රී ලංකා ක්රිකට් පිතිකරණ පුහුණුකරු ධූරය හිමිවුවහොත් තමාට ඒ සඳහා වසර 3 ක සැලැස්මක් ඇති බවයි ඔහු වැඩිදුරටත් සඳහන් කළේ.
ආසියානු කුසලාන ක්රිකට් තරගාවවලියේදී කොළඹ ආර්. ප්රේමදාස සහ මහනුවර පල්ළෙකැලේ ක්රීඩාංගණයේ සේවකයන් කළ කැපවීම අගයමින් ප්රදානය කළ ඇමරිකානු ඩොලර් 50,000 ක මුදල සේවකයින්ට බෙදාදීම සිදුකළ බව ශ්රී ලංකා ක්රිකට් ආයතනය පවසනවා.
ආර්. ප්රේමදාස ක්රීඩාංගණයේ සේවකයන් 138 ක් සහ පල්ළෙකැලේ ක්රීඩාංගණයේ සේවකයන් 115 ක් ඇතුළු සමස්ත සේවකයන් 253 කට මුදල් ත්යාගය හිමිවන බවයි සඳහන් වන්නේ.
ඇමරිකානු ඩොලර් 50,000 ක මුදල ශ්රී ලංකා මුදලින් වටිනාකම රුපියල් ලක්ෂ 160 ක් බවයි වැඩිදුරටත් සඳහන් වන්නේ.
2024 ජනවාරි මාසයේදී ශ්රී ලංකාවේ පැවැත්වීමට නියමිතව තිබූ 19 න් පහළ ලෝක කුසලාන ක්රිකට් තරගාවලිය දකුණු අප්රිකාවේ පැවැත්වීමට නියමිත බව විදෙස් මාධ්ය වාර්තා කරනවා.
ඒ අනුව ශ්රී ලංකා ක්රිකට් ආයතනයේ පවතින පරිපාලනමය අවිනිශ්චිතතාවය සැලකිල්ලට ගනිමින් ICC විසින් මෙම තීරණය ගෙන ඇති බවයි Cricbuzz වාර්තා කර තිබෙන්නේ.
මේ වනවිට අහමදාබාද් හිදී පැවැත්වෙන ජාත්යන්තර ක්රිකට් කවුන්සිලයේ හමුවේදී මෙම තීරණය ගෙන ඇති බවයි සඳහන් වන්නේ.
2023 ක්රිකට් ලෝක කුසලාන ක්රිකට් තරගාවලියේ ශූරතාව දිනා ගැනීමට ප්රබල ඔස්ට්රේලියානු කණ්ඩායම සමත් වුණා.
ඒ ඉන්දීය කණ්ඩායම හා ඔස්ට්රේලියා කණ්ඩායම අතර පැවති අවසන් තරගය කඩුලු 6 කින් ඔස්ට්රේලියානු කණ්ඩායම ජය ගැනීමත් සමඟයි.
ඒ අනුව තරගයේ කාසියේ වාසිය දිනාගත් ඔස්ට්රේලියානු කණ්ඩායම පළමුවෙන් පන්දුවට පහරදීමට ඉන්දීය කණ්ඩායමට ආරාධනා කළ අතර ඔවුන් සිය පන්දුවාර 50 තුළ සියලු දෙනා ලබා ගත්තේ ලකුණු 240 ක් පමණයි.
පන්දුවට පහරදීමේදී ඉන්දීය කණ්ඩායම වෙනුවෙන් KL Rahul ලකුණු 66 ක්, Virat Kohli ලකුණු 54 ක් හා Rohit Sharma ලකුණු 47 ක් ලබා ගත්තා.
පන්දු යැවීමේදී ඔස්ට්රේලියානු කණ්ඩායම වෙනුවෙන් Mitchell Starc කඩුලු 3 ක් හා Josh Hazlewood හා Pat Cummins කඩුලු 2 බැඟින් බිඳ හෙළීමට සමත් වුණා.
පිළිතුරු ඉනිම ක්රීඩා කළ ඔස්ට්රේලියා කණ්ඩායම 43 වන පන්දුවාරයේදී කඩුලු 4 ක් දැවී සිටියදී සිය ජයග්රාහී ඉලක්කය පසුකර යාමට සමත් වුණා.
පන්දුවට පහරදීමේදී ඔස්ට්රේලියා කණ්ඩායම වෙනුවෙන් Travis Head ලකුණු 137 ක් හා නොදැවී පන්දුවට පහරදුන් Marnus Labuschagne ලකුණු 58 ක් ලබා ගත්තා.
පන්දු යැවීමේදී ඉන්දීය කණ්ඩායම වෙනුවෙන් Jasprit Bumrah කඩුලු 2 ක් හා Mohammed Shami එක් කඩුල්ලක් බිඳ හෙළිමට සමත් වුණා.
2023 ක්රිකට් ලෝක කුසලාන ක්රිකට් තරගාවලියේ අවසන් මහා තරගය ඉන්දීය කණ්ඩායම හා ඔස්ට්රේලියා කණ්ඩායම අතර තව සුළු මොහොතකින් ආරම්භවීමට නියමිතයි.
ඒ අනුව තරගයේ කාසියේ වාසිය දිනා ගැනීමට ඔස්ට්රේලියා කණ්ඩායම සමත් වූ අතර ඔවුන් පළමුවෙන් පන්දු යැවීමට තීරණය කළා.
2023 ක්රිකට් ලෝක කුසලාන ක්රිකට් තරගාවලියේ අවසන් මහා තරගය අද (19) පැවැත්වෙනවා.
ඒ අනුව සත්කාරක ඉන්දීය කණ්ඩායම හා ඔස්ට්රේලියා කණ්ඩායම අතර අවසන් මහා තරගය ශ්රී ලංකා වේලාවෙන් අද පස්වරු 2.00 ට ආරම්භවීමට නියමිතයි.
ජාත්යන්තර ක්රිකට් කවුන්සිලය මගින් ශ්රී ලංකා ක්රිකට් ආයතනයේ සාමාජිකත්වය අත්හිටුවීමේ සිද්ධිය සම්බන්ධයෙන් අවශ්ය තීරණ ගැනීමේ බලය විදේශ අමාත්ය අලි සබ්රිගේ ප්රධානත්වයෙන් පත්කළ අමාත්ය මණ්ඩල අනු කමිටුවට ලබාදී තිබෙනවා.
ඒ අනුව එසේම මින් ඉදිරියට අතුරු කමිටු පත්කරන්නේ නම් ඒ සඳහා කැබිනට් අනුමැතිය ලබාගත යුතු බවට කැබිනට් මණ්ඩලය තීරණය කර ඇති බවයි ජනාධිපති මාධ්ය අංශය සඳහන් කළේ.
2023 ලෝක කුසලාන එක්දින ක්රිකට් තරගාවලියේ මූලික වටයේ 44 වන තරගය එංගලන්ත කණ්ඩායම හා පාකිස්ථාන කණ්ඩායම අතර මේ වන විට පැවැත්වෙනවා.
ඒ අනුව තරගයේ කාසියේ වාසිය දිනාගත් එංගලන්ත කණ්ඩායම පළමුවෙන් පන්දුවට පහරදීමට තීරණය කළ අතර ඔවුන් පන්දුවාර 50 ක් තුළදී කඩුලු 9 ක් දැවී ලකුණු 337 ක් ලබාගත්තා.
පන්දුවට පහරදීමේදී Ben Stokes ලකුණු 84ක්, Joe Root ලකුණු 60 ක් හා Jonny Bairstow ලකුණු 59 ක් ලබාගත්තා.
පන්දු යැවීමේදී පාකිස්ථාන කණ්ඩායම වෙනුවෙන් Haris Rauf කඩුලු 3 ක් ද, Shaheen Shah Afridi හා Mohammad Wasim කඩුලු 2 බැගින් ද බිඳ හෙළීමට සමත් වුණා.
ඒ අනුව ජයග්රහණය සඳහා පාකිස්ථාන කණ්ඩායමට හිමිවී ඇති ඉලක්කය ලකුණු 338 ක්.
