පළාත් පාලන මැතිවරණයේ ඇතැම් ප්රදේශවල ඡන්ද ගණන් කිරීම මේ වන විට ආරම්භ කර තිබෙනවා.
පළාත් පාලන මැතිවරණයේදී ඡන්ද ගණන් කිරීම ඡන්ද ප්රකාශ කරන මධ්යස්ථානයේදීම සිදු කරන බවයි මැතිවරණ කොමිසම සඳහන් කළේ.
මෙවර පළමු ඡන්ද ප්රතිඵලය වෙනදාට වඩා කළින් ප්රකාශයට පත් කිරිමට බලාපොරොත්තු වන බව මැතිවරණ කොමසාරිස් ජනරාල් සමන් ශ්රී රත්නායක වැඩිදුරටත් ප්රකාශ කළා.
පළාත් පාලන මැතිවරණයේ ඡන්ද විමසීම අද පස්වරු 4.00 ට අවසන් වුණා.
ඒ අනුව අද පෙරවරු 7.00 ට ආරම්භ වූ ඡන්ද විමසීමේ කටයුතු, පස්වරු 4.00 දක්වා දිවයින පුරා මධ්යස්ථාන 13,759කදී ක්රියාත්මක වුණා.
පළාත් පාලන මැතිවරණය හෙට (06) පැවැත්වීමට නියමිතව තිබෙනවා.
ඒ අනුව පළාත් පාලන ආයතන ඡන්ද විමසීම හෙට (06) පෙරවරු 7.00 සිට පස්වරු 04.00 දක්වා, දිවයින පුරා මධ්යස්ථාන 13,759කදී පැවැත්වීමට නියමිතයි.
පළාත් පාලන ආයතන 339ක් සඳහා පැවැත්වෙන ඡන්ද විමසීමේ දී ඡන්ද හිමියන් 17,156,338 දෙනෙකු ඡන්දය භාවිත කිරීමට මෙවර සුදුසුකම් ලබා තිබෙන බවයි මැතිවරණ කොමිසම සඳහන් කළේ.ඡන්දය ප්රකාශ කිරීමේදී සඳහා ජාතික හැඳුනුම්පත, වලංගු විදේශ ගමන් බලපත්රය, වලංගු රියදුරු බලපත්රය, රාජ්ය සේවා විශ්රාමික හැඳුනුම්පත, වැඩිහිටි හැඳුනුම්පත, පූජ්ය/පූජක හැඳුනුම්පත, ජාතික හැඳුනුම්පතේ තොරතුරු තහවුරු කිරීමේ ලිපිය, මැතිවරණ කොමිෂන් සභාව විසින් නිකුත් කරනු ලබන තාවකාලික හැඳුනුම්පත, ආබාධිත තැනැත්තන්ට නිකුත් කරනු ලබන තාවකාලික හැඳුනුම්පත යන ලේඛනවලින් එකක් භාවිතා කර, සිය අනන්යතාව තහවුරු කර ඡන්දය භාවිතා කිරීමේ හැකියාව පවතිනවා.
මේ අතර නිල ඡන්ද දැන්වීම් පත්රිකා නොලැබුණ ද, ලියාපදිංචි සෑම ඡන්ද දායකයෙකුටම ඡන්දය භාවිත කිරීමට අවස්ථාව හිමිවන බවත්, ඒ සඳහා තමන්ට අයත් ඡන්ද මධ්යස්ථානයට ගොස්, වලංගු ආකාරයේ අනන්යතාව තහවුරු කිරීමේ ලේඛණයක් ඉදිරිපත් කර, ඡන්දය භාවිතා කළ හැකි බවයි මැතිවරණ කොමිසම සඳහන් කළේ.
මෙවර පළාත් පාලන මැතිවරණයේදී ඡන්දය භාවිතා කළ යුතු ආකාරය සම්බන්ධයෙන් මැතිවරණ කොමිසමේ සභාපති ආර්.එම්.ඒ.එල්. රත්නායක පැහැදිළි කිරීමක් සිදුකර තිබෙන අතර, ඒ අනුව, පළමුවෙන්ම ඇති කොටුවේ ඇත්තේ දේශපාලන පක්ෂයේ හෝ ස්වාධීන කණ්ඩායමේ නම බවත්, දෙවනුවට ඇති කොටුවේ අදාළ පක්ෂයේ හෝ ස්වාධීන කණ්ඩායමේ සලකුණ සටහන් කර ඇති බවත්, එයට ඉදිරියෙන් ඇති හිස් කොටුවේ එක් කතිරයක් යෙදීමෙන් තමන්ගේ ඡන්දය සටහන් කළ හැකි බවත් ඔහු පවසා සිටියා.
එක් කතිරයකට වඩා යොදා තිබුණහොත් හෝ වෙනත් සලකුණු යොදා තිබුණහොත් අදාළ ඡන්දය ප්රතික්ෂේපිත ඡන්දයක් ලෙස සටහන් වන බවයි මැතිවරණ කොමිසමේ සභාපති ආර්.එම්.ඒ.එල්. රත්නායක වැඩිදුරටත් සඳහන් කළේ.
පළාත් පාලන ආයතන ඡන්ද විමසීමට අදාළව ඊයේ (04) දිනයේ පමණක් පැමිණිලි 289ක් ලැබී ඇති බව මැතිවරණ කොමිෂන් සභාව පවසනවා.
ඒ අනුව, මේ දක්වා ලැබී ඇති මුළු පැමිණිලි සංඛ්යාව 4,628ක් දක්වා ඉහළ ගොස් ඇති බවයි එම කොමිසම සඳහන් කළේ.
ඉන් පැමිණිලි 4,284ක් ලැබී ඇත්තේ නීති උල්ලංඝණය කිරීම්වලට අදාළව වන අතර, ප්රචණ්ඩ ක්රියා සම්බන්ධයෙන් පැමිණිලි 35ක් ලැබී ඇති බවද සඳහන්.
ලැබී ඇති පැමිණිලි 4,628න් 3,825ක් මේ වන විට විසඳා ඇති බවත්, සෙසු පැමිණිලි 803 සම්බන්ධයෙන් අවශ්ය කටයුතු මේ වන විට සිදු කරමින් පවතින බවයි මැතිවරණ කොමිෂන් සභාව වැඩිදුරටත් ප්රකාශ කර සිටියේ.
අදාළ නිවේදනය පහතින්.
පාර්ලිමේන්තුව මැයි 08 සහ 09 යන දෙදින තුළ රැස්වීමට නියමිත බව පාර්ලිමේන්තුවේ මහලේකම් කුෂානි රෝහණදීර පවසනවා.
කථානායක වෛද්ය ජගත් වික්රමරත්න මහතාගේ ප්රධානත්වයෙන් ඊයේ (02) පැවති පාර්ලිමේන්තු කටයුතු පිළිබඳ කාරක සභා රැස්වීමේදී එම දෙදිනට අදාළ පාර්ලිමේන්තු කටයුතු තීරණය කළ බවයි මහලේකම්වරිය සඳහන් කර සිටියේ.
මේ අනුව මැයි 08 වැනි බ්රහස්පතින්දා සාමාන්ය පාර්ලිමේන්තු කටයුතුවලට අමතරව, ආනයන තීරුබදු සම්බන්ධයෙන් පසුගිය 09 දින ඉදිරිපත් කරන ලද අති විශේෂ ගැසට් පත්රයට අදාළ යෝජනා සම්මතය විවාදයට ගැනීමට තීරණය කර ඇති බව සඳහන්.
මැයි 09 වැනි සිකුරාදා සාමාන්ය පාර්ලිමේන්තු කටයුතුවලට අමතරව, පෙරවරු 11.30 සිට පස්වරු 5.00 දක්වා පෞද්ගලික මන්ත්රී යෝජනා 06ක් විවාද කිරීම සඳහා කාලය වෙන් කර තිබෙනවා.
ඒ අනුව, හේෂා විතානගේ, රෝහණ බණ්ඩාර, චමින්ද විජේසිරි, රවි කරුණානායක, රවීන්ද්ර බණ්ඩාර, ලාල් ප්රේමනාත් යන පාර්ලිමේන්තු මන්ත්රීවරුන් විසින් ඉදිරිපත් කරනු ලබන පෞද්ගලික මන්ත්රී යෝජනා මෙදින විවාදයට ගැනීමට තීරණය වී ඇති බවයි වැඩිදුරටත් සඳහන් වන්නේ.
මෙවර පළාත් පාලන මැතිවරණයේදී ඡන්දය භාවිතා කළ යුතු ආකාරය සම්බන්ධයෙන් මැතිවරණ කොමිසමේ සභාපති ආර්.එම්.ඒ.එල්. රත්නායක පැහැදිළි කිරීමක් සිදුකර තිබෙනවා.
ඒ අනුව මෙවර ඡන්ද දායකයින්ට ලැබෙන ඡන්ද පත්රිකාවේ ඇත්තේ, තමන්ට අයත් පළාත් පාලන ආයතනයේ මැතිවරණය සඳහා ඉදිරිපත් වන දේශපාලන පක්ෂ / ස්වාධීන කණ්ඩායම්වල නම්, අංක සහ සලකුණු ඇතුළත් ඡන්ද පත්රිකාවක් බවයි අද (01) මාධ්ය වෙත අදහස් දක්වමින් සභාපතිවරයා සඳහන් කළේ.
පළමුවෙන්ම ඇති කොටුවේ ඇත්තේ දේශපාලන පක්ෂයේ හෝ ස්වාධීන කණ්ඩායමේ නම බවත්, දෙවනුවට ඇති කොටුවේ අදාළ පක්ෂයේ හෝ ස්වාධීන කණ්ඩායමේ සලකුණ සටහන් කර ඇති බවත්, එයට ඉදිරියෙන් ඇති හිස් කොටුවේ එක් කතිරයක් යෙදීමෙන් තමන්ගේ ඡන්දය සටහන් කළ හැකි බවත් සභාපතිවරයා දන්වා සිටිනවා.
එක් කතිරයකට වඩා යොදා තිබුණහොත් හෝ වෙනත් සලකුණු යොදා තිබුණහොත් අදාළ ඡන්දය ප්රතික්ෂේපිත ඡන්දයක් ලෙස සටහන් වන බවයි මැතිවරණ කොමිසමේ සභාපති ආර්.එම්.ඒ.එල්. රත්නායක වැඩිදුරටත් ප්රකාශ කර සිටියේ.
මෙවර පළාත් පාලන මැතිවරණයට අදාළ ඡන්ද විමසීමේදී, ඡන්ද ගණන් කිරීමේ කටයුතුද එම මධ්යස්ථානයේදීම සිදුකරන බව මැතිවරණ කොමිෂන් සභාවේ සභාපති ආර්.එම්.ඒ.එල්. රත්නායක පවසනවා.
ඒ අනුව, මෙවර පළාත් පාලන මැතිවරණය කොට්ඨාස ක්රමයට පැවැත්වෙන නිසා, ඒ ඒ පළාත් පාලන ආයතන සතුව කොට්ඨාස කිහිපයක් බෙදී ඇති බැවින්, ඒ එම ඡන්ද මධ්යස්ථානයේ දුර සහ පිහිටීම අනුව ඡන්ද ගණනය කිරීම සඳහා යම් පියවර ගෙන ඇති බවයි අද (02) පැවති රූපවාහිනී වැඩසටහනකට එක්වෙමින් සභාපතිවරයා සඳහන් කළේ.
එක් කොට්ඨාසයක් තුල ඇත්තේ එක් ඡන්ද මධ්යස්ථානයක් නම්, අනිවාර්යයෙන්ම ඒ ඡන්ද මධ්යස්ථානයේ ඡන්ද ගණන් කිරීම සිදු කර ප්රතිඵලය ඒ ස්ථානයේදීම ප්රකාශයට පත් කරන බවත්, එක් කොට්ඨාසයක් තුළ ඡන්ද මධ්යස්ථාන කිහිපයක් ඇති නම්, සමහර ස්ථානවල ඡන්ද පොලේදීම ඡන්දය ගණන් කර, ඡන්දය ගණන් කර ප්රතිඵල ලේඛණය පමණක් කොට්ඨාසයේ ඇති ප්රතිඵල ප්රකාශ කිරිමේ ප්රධාන මධ්යස්ථානයට ගෙන එන බවත් ඔහු පවසා සිටියා.
තවත් ක්රමයක් ලෙස, කොට්ඨාසය තුළ ඇති සියලුම ඡන්ද පෙට්ටි පස්වරු 4.00න් පසු ප්රතිඵල නිකුත් කරන මධ්යස්ථානයට රැගෙන විත්, වෙන වෙනම ගණන් කර, ඒ මධ්යස්ථානයේදී කොට්ඨාසයේ ප්රතිඵලය සකස් කරන බවයි සභාපතිවරයා පවසන්නේ.
දිස්ත්රික්කවල පිහිටුවා ඇති එක් එක් පළාත් පාලන ආයතනවල ප්රතිඵල සකස් කිරීමේ මධ්යස්ථානවලදී ප්රතිඵල සියල්ල එක් කර පළාත් පාලන ආයතනයේ මුළු ප්රතිඵලය සකස් කරන බවත්, එහිදී එක් එක් දේශපාලන පක්ෂය ලබා ගත් ආසන සංඛ්යාව, සමානුපාතික නියෝජනය යටතේ එක් එක් දේශපාලන පක්ෂයට හෝ ස්වාධීන කණ්ඩායමට ලැබිය යුතු මන්ත්රී ධුර සංඛ්යාව තීරණය වනවා.
ඉන් අනතුරුව ඒ පළාත් පාලන ආයතනයේ අවසන් ප්රතිඵලය සකස් වන බවත්, මැතිවරණ කොමිෂන් සභාව විසින් එය අනුමත කිරීමෙන් අනතුරුව ප්රතිඵල ප්රකාශයට පත් කරන බවයි මැතිවරණ කොමිෂන් සභාවේ සභාපතිවරයා වැඩිදුරටත් ප්රකාශ කර සිටියේ.
පළාත් පාලන ආයතන ඡන්ද විමසීමට අදාළව ඊයේ (01) දිනයේ පමණක් පැමිණිලි 170ක් ලැබී ඇති බව මැතිවරණ කොමිෂන් සභාව පවසනවා.
ඒ අනුව, මේ දක්වා ලැබී ඇති මුළු පැමිණිලි සංඛ්යාව 3,998ක් දක්වා ඉහළ ගොස් ඇති බවයි එම කොමිසම සඳහන් කළේ.
ඉන් පැමිණිලි 3,722ක් ලැබී ඇත්තේ නීති උල්ලංඝණය කිරීම්වලට අදාළව වන අතර, ප්රචණ්ඩ ක්රියා සම්බන්ධයෙන් පැමිණිලි 26ක් ලැබී ඇති බවද සඳහන්.
ලැබී ඇති පැමිණිලි 3,998න් 3,362ක් මේ වන විට විසඳා ඇති බවත්, සෙසු පැමිණිලි 636 සම්බන්ධයෙන් අවශ්ය කටයුතු මේ වන විට සිදු කරමින් පවතින බවයි මැතිවරණ කොමිෂන් සභාව වැඩිදුරටත් ප්රකාශ කර සිටියේ.
අදාළ නිවේදනය පහතින්.
2025 පළාත් පාලන ආයතන ඡන්ද විමසීමට අදාළව, මැතිවරණ නීති උල්ලංඝනය කළ අපේක්ෂකයින් 33 දෙනෙකු මේ වන විට අත්අඩංගුවට ගෙන ඇති බව පොලීසිය පවසනවා.
ඊට අමතරව, පසුගිය මාර්තු 03 වැනිදා සිට අද (29) උදෑසන 6.00 දක්වා කාලය තුළ පක්ෂ ආධාරකරුවන් 152ක් සහ වාහන 32ක් ද අත්අඩංගුවට ගෙන ඇති බවයි පොලීසිය සඳහන් කළේ.
එසේම මේ දක්වා මැතිවරණ නීති උල්ලංඝනය කිරීමට අදාළ පැමිණිලි 349 ක් හා අපරාධමය පැමිණිලි 89ක් ද ලැබී ඇති බවයි පොලීසිය නිකුත් කළ නිවේදනයේ වැඩිදුරටත් දැක්වෙන්නේ.
මේ සම්බන්ධයෙන් නිකුත් කළ නිවේදනය පහතින්.
පළාත් පාලන ආයතන ඡන්ද විමසීමට අදාළව ඊයේ (27) දිනයේ පමණක් පැමිණිලි 223ක් ලැබී ඇති බව මැතිවරණ කොමිෂන් සභාව පවසනවා.
ඒ අනුව, මේ දක්වා ලැබී ඇති මුළු පැමිණිලි සංඛ්යාව 3,276ක් දක්වා ඉහළ ගොස් ඇති බවයි එම කොමිසම සඳහන් කළේ.
ඉන් පැමිණිලි 3,034ක් ලැබී ඇත්තේ නීති උල්ලංඝණය කිරීම්වලට අදාළව වන අතර, ප්රචණ්ඩ ක්රියා සම්බන්ධයෙන් පැමිණිලි 21ක් ලැබී ඇති බවද සඳහන්.
ලැබී ඇති පැමිණිලි 3,276න් 2,679ක් මේ වන විට විසඳා ඇති බවත්, සෙසු පැමිණිලි 597 සම්බන්ධයෙන් අවශ්ය කටයුතු මේ වන විට සිදු කරමින් පවතින බවයි මැතිවරණ කොමිෂන් සභාව වැඩිදුරටත් ප්රකාශ කර සිටියේ.
අදාළ නිවේදනය පහතින්.
