ආණ්ඩු පක්ෂයට බහුතර බලයක් අහිමි වුනොත් ආණ්ඩුවක් පවත්වාගෙන යාමේ හැකියාවක් කිසිසේත් නොමැති බව ශ්රී ලංකා පොදුජන පෙරමුණේ සභාපති මහාචාර්ය ජී.එල් පීරිස් මහතා පැවසීය.
එ් මහතා මෙසේ පැවසුවේ ඊයේ (01පුංචි බොරැුල්ල, ශ්රී වජිරාස්රම විහාරයේදී ඒකාබද්ධ විපක්ෂයේ ආර්ථික පර්යේෂණ ඒකකය විසින් පැවැත්වූ මාධ්ය හමුවකට එක් වෙමිනි.
තමාගේ ආශීර්වාදයෙන් තොරව ආණ්ඩුවක් පිහිටුවිය නොහැකි බවට ජනාධිපති මෛති්රපාල සිරිසේන මහතා ප්රකාශ කර ඇත්තේ ආණ්ඩුක්රම ව්යවස්තාව පිළිබ`දව අවබෝධයකින් තොරව යැයිද සදහන් කළ එ් මහතා එහිදී මෙසේද පැවසීය.
මහ බැංකු බැ`දුම්කර වංචාව මේ වනවිට ඉතාම පැහැදිලිව ඔප්පුවෙමින් තිබෙනවා. මේ වංචාව රජයේ ඉහළ මට්ටමින් ව්යාප්තව තිබෙනවා. මේ දැවැන්ත දූෂණය මුළු රජයම වෙළාගෙන තිබෙනවා. රජයේ වුවමනාවන් ඉටුකර ගැනීමට රවී කරුණානායක මහතා මෙහිදී පාවිච්චි කර තිබෙනවා. අනිවාර්යයෙන්ම ඔහු ඉල්ලා අස්විය යුතුයි. ඔහුව දඩමීමා කරගෙන තමන් සුදනන් වීමට ජනාධිපතිවරයා හා අගමැතිවරයා උත්සාහ ගන්නවා. බැ`දුම්කර වංචාවෙන් උපයාගත් මුදල් රවී කරුණානායක මහතාගේ පුද්ගලික සුඛ විහරණය උදෙසා යොදාගෙන තිබෙනවා. ඒ මුදලින් පුවත්පත් ආයතන ආරම්භ කර තිබෙනවා.ඊට අමතරව රජයේ යම් යම් කටයුතු ස`දහාත් ඒ මුදල් යොදාගෙන තිබෙනවා.
බැ`දුම්කර වංචාව ගැන මුලින්ම හෙළිදරව් කළ මොහොතේදී අග්රාමාත්යවරයා පාර්ලිමේන්තුවේදී විහිළු කළා. ඩියූ ගුණසේකර මහතා මේ වංචාව ගැන පරීක්ෂණ පැවැත්වීමේදී ඔහුට විරුද්ධව චෝදනා එල්ල කළා. අනතුරුව පාර්ලිමේන්තුව විසුරුවා හැරියා. මහාමැතිවරණයෙන් පසුව පත්වූ අලූත් පාර්ලිමේන්තුවේ කෝප් කමිටු සබාපතිධූරයට සුනිල් හ`දුන්නෙත්ති මහතා පත් කළා. නිල කාලය අවසන්වූ පසුවත් මහ බැංකු අධිපති ධූරයට නැවතත් අර්ජුන් මහේන්ද්රන් පත් කිරීමට අගමැතිවරයා සෑහෙන උත්සාහයක් දැරුවා. නමුත් එය ව්යාර්ත වුණා. හොරුන් ආරක්ෂා කරන තැනක ශ්රී ලංකා නිදහස් පක්ෂයේ මන්ත්රීවරුන් ඉන්නේ කොහොමද?. ආත්ම ගරුත්වයක් තිබෙන කිසිම කෙනේක්ට එහෙම ඉන්න බැහැ.
තමන්ගේ ආශීර්වාදයක් නොමැතිව ආණ්ඩුවක් පිහිටුවිය නොහැකි බවට ජනාධිපතිවරයා ප්රකාශ කළා. එය ආණ්ඩුක්රම ව්යවස්තාව පිලිබ`දව නොදැන කළ ප්රකාශයක්. ආණ්ඩු පක්ෂයට බහුතර මන්ත්රී සංඛ්යාවක් අහිමි වුනොත් ආණ්ඩුවක් පවත්වාගෙන යන්නේ කොහොමද?. ජනතා මතය මැන බැලීමටනම් ජනතාවට ඡුන්ද බලය ලබාදිය යුතුයි. පළාත් පාලන මැතිවරණය කල් දැම්මා වගේම පළාත් සභා මැතිවරණයත් කල් දමන්න රජය සූදානම් වෙනවා. ආණ්ඩුව ජනතා මතයට බය නිසා මැතිවරණ කල් දමනවා යැයි පැවසීය.
පාර්ලිමේන්තු මන්ත්රී බන්දුල ගුණවර්ධන මහතා මෙසේ පැවසීය.
රටට අවාසිදායක කොන්දේසි රාශියක් යටතේ රජය හම්බන්තොට වරාය චීනයට බදු දීමේ ගිවිසුම අත්සන් කළා. එම ගිවිසුමෙන් රටට ඇතිවන අවාසිදායක තත්ත්වයන් පිළිබ`දව දැනුවත් කිරීමට ඒකාබද්ධ විපක්ෂයේ පාර්ලිමේන්තු මන්ත්රීවරුන්ගේ අත්සනින් යුතුව ජනාධිපතිවරයාට ලිපියක් යොමුකළා. එම ලිපියේ ස`දහන් කරුණුවලට සමාන කරුණු පිළිබ`දව ආණ්ඩු පක්ෂයේ මැති ඇමතිවරුන් හා දේශීය ආයෝජකයන් තමන්ව දැනුවත් කළ බව ජනාධිපතිවරයා විසින් ඒකාබද්ධ විපක්ෂයේ නායක දිනේෂ් ගුණවර්ධන මහතාට දැනුම් දී තිබුණා. ඒ සම්බන්දව සාකච්ඡුා කිරීමට තමන් සමඟ සාකච්ඡුා කිරීමට අපිට අවස්ථාවක් ලබාදෙන බවත් ජනාධිපතිවතුමන් ප්රකාශකර තිබුණා. නමුත් මේ වනතුරුත් අපිය එවැනි අවස්තාවක් ලැබුනේ නැහැ.මේ ගිවිසුම අනුව අපේ රටට ලැබෙන්නේ ඇමරිකානු ඩොලර් බිලියන 1.1 ක් වගේ සොච්චම් මුදලක්. එය ලැබෙන්නෙත් කොටස් වශයෙන්. ඇමරිකානු ඩොලර් බිලියන 600ක් මේ වසරේදී ලැබෙනවා. ලබන වසරේදී ඉතිරි මුදල ලැබෙනවා.
මහින්ද රාජපක්ෂ යුගයේදී ලබාගත් අසාමාන්ය ණය ගෙවිය යුතු නිසාවෙන් හම්බන්තොට වරාය විකුණන බව මෙම රජය මුල සිටම ප්රකාශකළා. එය සම්පූර්ණයෙන්ම අසත්යයක්.රාජ්ය මූල්ය කටයුතු සම්බන්දයෙන් මහබැංකුව විසින් පාර්ලිමේන්තුවට ඉදිරිපත් කළ වාර්තාව අනුව මෙරට ආර්ථිකයේ දුෂ්කරම කාලය වන්නේ2000 වසරේ සිට 2004 වසර දක්වා වූ වසර හතරක කාලයයි. එම වසර හතරක කාලයේදී නිෂ්පාදනයට වඩා ජාතියේ ණය බර ඉහළ ගියා. ඒ යුගයේදී අග්රාමාත්යධූරයේ කටයුතු කළේ රනිල් වික්රමසිංහ මහතාමයි. ණය වාරික හා පොළි මුදල් ගෙවීමට රජයට මුදල් නොමැතිබව එතුමා ඒ යුගයේදී ප්රකාශ කළා. ඉදිරියේදී පත්වන ආණ්ඩු මේ දුෂ්කර තත්ත්වයෙන් මුදවා ගැනීමට එතුමන් විසින් 2003 වසරේදී රාජ්ය මූල්ය කළමාණාකරණ වගකීමේ පනත පාර්ලිමේනතුවට ඉදිරිපත් කළා.
කෙසේ නමුත් මේ ණය අර්බුදය 2005 වසරේදි මහින්ද රාජපක්ෂ මහතා බාර ගත්තා. ඒ අර්බුදය පමණක් නෙමෙයි සුනාමියෙන් විනාශවූ රට, ත්රස්තවාදී ප්රශ්නය, ලෝක ආහාර අර්බුදය, ලෝක මූල්ය අර්බුදය ආදි තවත් අර්බුද ගනණාවකට ඒ කාලයේදි ඔහු මුහුණ දුන්නා.හිටපු මුදල් ඇමති රවී කරුණානායක මහතා අසාමාන්ය ලෙස ණය ගත්තා. මෙම රජය යටතේ ලෝක වෙල`දපොලේ ඛණිජතෙල් මිළ අසාමාන්ය ලෙස අඩුවීම නිසා රටින් පිටට ගිය විදේශ විනිමය විශාල වශයෙන් රටතුළ ඉතිරු වුණා. ඒ නිසාවෙන් පසුගිය වසර දෙකේදී ඇමරිකානු ඩොලර් මිලියන 4013ක් රටතුළ ඉතුරු වුණා. ඒ මුදලට මොකද වුනේ. අද මේ අර්බුද ඇතිවී තිබෙන්නේ රජයේ මූල්ය කළමණාකරනයේ දුර්වලතාවයන් නිසයි.
ඔහු බැදුම්කර මංකොල්ලයේ චූදිතයන් සමඟ ගණුදෙනු කිරීමෙන් රජයේ මුල්ය නීති උල්ලංඝණය කර තිබෙනවා. පදනමක් නැතුව ඕන කෙනේක් ඕනම දෙයක් කියන්න පුලූවන්.එහෙත් මහින්ද රාජපක්ෂ මහතා රට ණය අර්බුදයක ගිල්වූ බවට සංඛ්යාලේකන සහිතව කිසිවෙක්ට ඔප්පු කරන්න බැහැ.
රටේ සියුලම සම්පත් විකුණා දැමීම මේ රජයේ ප්රතිපත්තියයි. රාජ්ය සම්පත් දෙකක් විකුනා දැමීමට අනුමැතිය ලබාගැනීමට අද පැවැත්වෙන කැබිනට් මණ්ඩලයටත් කැබිනට් පත්රිකා දෙකක් ඉදිරිපත්ව තිබෙනවා. රාජ්ය සම්පත් විකිණිමේදී රජයට කිසිම ප්රතිපත්තියක් නැහැ. අපි මේ සත්ය තත්ත්වයන් හිටපු මුදල් ඇමතිතුමාට පැහැදිලි කළත් එතුමා සත්ය තත්ත්වය පිළිගන්න කැමති නැහැ. රාජපක්ෂල විනිශ කරපු රටක් තමන්ට බාරදුන් බව ඔහු අදත් කියනවා. බැ`දුම්කර වංචාෙවි ප්රධාන චූදිතයාගෙන් ඔහු අයුතු ප්රයෝජන රාශියක් ලබා ගත්තා. ඒ නිසා ලෝකයා රවී කරුණානායක මහත්තයා කියන දේවල් පිළි ගන්නේ නැහැ. එතුමගේ ලැජ්ජාව හා බය කියන නහර දෙකම කපලා.
මොනෑක් නිවාස සංකීර්ණයෙන් නිවසක් ලබා ගැනීමට අදාල ගිවිසුම මහින්දානන්ද අලූත්ගමගේ මහතා විසින් පාර්ලිමේන්තුවේ සභාගත කළා. ඒ එම සිද්ධිය බැ`දුම්කර කොමිසමට විසින් හෙළිකරීමට පෙරයි. පාර්ලිමේන්තු මන්ත්රීවරුන් වශයෙන් අපි බැ`දුම්කර කොමිසමට ගරු කරන්න ඕන. ඒ නිසා දැනුම්දුන් දිනයේදී රවී කරුණානායක ඇමතිතුමා ඒ කොමිසම හමුවේ පෙනී සිටිය යුතුයි. බැ`දුම්කර වංචාවෙන් උපයාගත් මුදලින් කල්මුණේ අරක්කු නිෂ්පාදන කම්හලක් ආරම්බ කරනවා. ලෝකයේ නවීනතම මුද්රණ යන්ත්ර උපයෝගි කරගෙන පුවත්පත් මුද්රණය කරනවා. ඉතාම සුළු බදු මුදලක් ගෙවා ඒ මුද්රණ යන්ත්රය රේගුවෙන් නිදහස් කර ගන්නවා. මේවාට හිටපු මුදල් ඇමතිවරයා සම්බන්දයි. ඒ නිසා බැ`දුම්කර සිද්ධිය සම්බන්දයෙනුත් ඔහුට විරුද්දව විශ්වාසභංග යෝජනාවක් ඉදිරිපත් කිරීමට තීරණය කර තිබෙනවා.ඔහුට විරුද්ධව ඒකාබද්ධ විපකක්ෂ විසින් මීට පෙර ලබාදුන් විශ්වාසභංග යෝජනාවක් පාර්ලිමේන්තු න්යාය පුස්තකයේ තිබෙනවා. අපි මේ ඒ ස`දහා අවශ්ය කටයුතු මේ දිනවල සූදානම් සුදානම් කරනවා. ලැජ්ජාවක් , බයක් ඇත්නම් මේ විශ්වාසභංග යෝජනව ඉදිරිපත් කරන තුරු නොසිට රවී කරුණානායක මහතා අමාත්යධූරයෙන් ඉල්ලා අස්විය යුතුයි.
එමෙන්ම ඊයේ (පෙරේදා* රාත්රියේදී පිටකොටුව ලොතරයි අළවි කුටිවලට ගිණිතබා තිබෙන බව වාර්තා වෙනවා. පසුගිය සමයේදී මුදල් ඇමතිවරයාට විරුද්දව ලොතරයි අළවි කරුවන් පාරට බැස ලොතරයි අළවිය වර්ජනය කළා. එවැන්නක් සිදුවූයේ ඉතිහාසයේ පළමු වතාවටයි. ඒ නිසා මේ වනවිට ලොතරයි අළවිකරුවන්ට විරුද්ධව මර්දනය මුදාහැර තිබෙනවා. ආණ්ඩුව කියූ ප්රජාතන්ත්රවාදී යහපාලනය මේකද?. මේ තත්ත්වය හො`ද දෙයක් නොෙවියැයි පැවසීය.
