Category: news_sub

හිටපු මහබැංකු අධිපති අර්ජුන් මහේන්ද්‍රන් මහතාගේ අත්සනින් යුත් රුපියල්
5000 නෝට්ට්ටුව අවලංගු කිරීමේ අවශ්‍යතාවයක් පැන නොනගිනු ඇතැයි වත්මන් මහබැංගු අධිපති ඉන්ද්‍රජිත් කුමාරස්වාමී මහතා සදහන් කළේය.

මීට පෙර අවස්ථාවලදීද මහබැංකු අධිපතිවරයා වශයෙන් විදෙස් පුරවැසිභාවය සහිත පුද්ගලයන් කිහිප දෙනෙක්ම කටයුතු කර ඇති බැවින් එවන් අවශ්‍යතාවයක් පැන නොනගිනු ඇතැයි ඒ මහතා සදහන් කළේය.

එසේම මහබැංකු අධිපතිවරයා පත්කරනු ලබනුයේ ජනාධිපතිවරයා වන බැවින් අදාළ රුපියල් පන්දහසේ නෝට්ටුවට හිටපු මහබැංකු අධිපතිවරයා අත්සන් තැබීම නීතයානුකූල වනු ඇතැයි තමා සිතන බවද හෙතෙම අවධාරණය කළේය.

අද ( අප්‍රේල් 09) ශ්‍රී ලංකා මහ බැංකු ශ්‍රවණාගාරයේදී පැවති මාධ්‍ය
හමුවකදී රුපියල් 5000 නෝට්ටු අවලංගු කරන බවට පැතිර යන කටකතාව සම්බන්ධයෙන් මාධ්‍යවේදීන් අසන ලද පැනයකට පිළිතුරුදෙමින් මහබැංකු අධිපතිවරයා මේ බව සදහන් කළේය.

පසුගිය ජනාධිපතිවරණ සමයේ දිවිනැඟුම සංවර්ධන දෙපාර්තමේන්තුවට අයත් රුපියල් මිලියන 2991ක මුදලක් සාපරාධී සාවද්‍ය පරිහරණය සම්බන්ධයෙන් හිටපු අමාත්‍ය බැසිල් රාජපක්ෂ ඇතුළු සිව් දෙනෙකුට එරෙහි චෝදනා සම්බන්ධ සාක්ෂි විභාගය නොවැම්බර් මස 08 වනදා සිට සිදු කිරීමට තීරණය කර තිබේ.

කොළඹ මහාධිකරණ විනිසුරු ආර්. ගුරුසිංහ මහතා නියෝග කළේ එදිනට අධීකරණය හමුවේ පෙනී සිටින ලෙස දන්වමින් පැමිණිල්ලේ සාක්ෂිකරුවන්ට සිතාසි නිකුත් කරන ලෙසයි.

චෝදනා 07ක් යටතේ නීතිපතිවරයා විසින් අදාළ පැමිණිල්ල ගොණු කර තිබුණි.

දිවිනැඟුම සංවර්ධන දෙපාර්තමේන්තුවේ හිටපු අධ්‍යක්ෂ කිත්සිරි රණවක, හිටපු නියෝජ්‍ය අධ්‍යක්ෂ බන්දුල තිලකසිරි සහ අර්ථික සංවර්ධන අමාත්‍යංශයේ හිටපු ලේකම් වෛද්‍ය නිහාල් ජයතිලක යන මහත්වරුන් ද චූදිතයින් අතර වෙයි.

සිරිකොත පක්ෂ මූලස්ථානයට වෙඩිතැබූ බව කියන පොලිස් කොස්තාපල්වරයෙකු මිරිහාන පොලීසිය විසින්  අත්අඩංගුවට ගෙන තිබේ.

අද (01) පස්වරුවේ පක්ෂ මූලස්ථානය සමීපයේ සිට හිතාමතාම මෙම වෙඩිතැබීම සිදුකර ඇති බව මූලික පොලිස් පරීක්ෂණවලදී අනාවරණය වී ඇතැයි පොලීසිය පවසයි. වැඩිදුර අාරංචි මාර්ග සදහන් කරන්ෙන් ඔහු මානසික අාබාධයකින් ෙපෙළන අෙයක් බවටද මත පළ ෙකෙරන බවයි.

ශ්‍රී ලංකාවට ජී.එස්.පී ප්ලස් බදු සහනය ලබාදීමට එරෙහිව ඉදිරිපත් වු යෝජනාව බ්‍රසල්ස්හි යුරෝපා පාර්ලිමේන්තුවේ දී පරාජයට පත්ව තිබේ.

විදේශ කටයුතු නියෝජ්‍ය අමාත්‍ය ආචාර්ය හර්ෂද සිල්වා මහතා සඳහන් කළේ ජී.එස්.පී ප්ලස් බදු සහනය ශ්‍රී ලංකාවට ලබාදීමට එරෙහිව ඉදිරිපත් වු යෝජනාවට පක්ෂව ලැබී ඇත්තේ ඡන්ද 119ක් පමණක් බවයි.

අදාළ යෝජනාවට එරෙහිව ඡන්ද 436ක් ලැබී තිබේ.

නියෝජිතයින් විසි දෙදෙනෙකු අදාළ යෝජනාව සම්බන්ධයෙන් ඡන්දය දීමෙන් වැළකී සිට ඇති බව හර්ෂ ද සිල්වා නියෝජ්‍ය අමාත්‍යවරයා සඳහන් කළේය.

සයුර නෞකාව  “පාවෙන ආපන ශාලාවක්“ ලෙස නම් කර දියත් කිරීමට ධීවර හා ජලජ සම්පත් සංවර්ධන අමාත්‍යංශය පියවර ගෙන තිබේ.

ඒ අනුව සයුර නෞකාව පාවෙන ආපන ශාලාවක් ලෙස වැඩි දියුණු කර මහජනතාවට විනෝද වීම සඳහා අවස්ථාවන් සලසාදීමට කටයුතු කර ඇති බව එම අමාත්‍යංශය සඳහන් කළේය.

උපන්දින සාද විවාහ සැමරුම් මෙන්ම ආයතනවල විනෝද සංචාර ආදිය සඳහා මෙම නෞකාව ලබාගත හැකි බව සඳහන්ය.

එමෙන්ම පොදු ජනතාවට ඉතා පහසු මිලකට මෙම නෞකාව වෙන්කරවා ගැනීමට අවස්ථාව සලසා දෙන බව නෞකාව පාවෙන ආපන ශාලාවක් වශයෙන් දියත් කිරීමේ අවස්ථාවට එක්වෙමින් අමාත්‍ය මහින්ද අමරවීර මහතා කියා සිටියේය.

වසීම් තාජුඩීන් ඝාතන සිද්ධිය සම්බන්ධයෙන් අත්අඩංගුවට ගෙන සිටින හිටපු නියෝජ්‍ය පොලිස්පති අනුර සේනානායක මහතා ලබන මැයි මස 4 වැනිදා දක්වා තවදුරටත් රක්ෂිත බන්ධනාගාර ගත කර තිබේ.

අදාළ නඩුව අද(27) කැඳවු අවස්ථාවේ දී අපරාධ පරීක්ෂණ දෙපාර්තමේන්තුව අධිකරණයට වාර්තාවක් ඉදිරිපත් කරමින් සඳහන් කර ඇත්තේ තාජුඩීන් ඝාතනය වු සමයේ ජනාධිපති ආරක්ෂක අංශයේ දෛනික සටහන් පොතේ පිටු ගලවා තිබීම පිළිබඳ පරීක්ෂණයක් සිදුකරන බවයි.

ඒ යටතේ එම ආරක්ෂක අංශයේ සාමාජිකයන් 25දෙනෙකුගෙන් ප්‍රකාශ සටහන් කරගෙන ඇති අතර තවත් සාමාජිකයන් 14 දෙනෙකුගෙන් ප්‍රකාශ සටහන් කරගැනීමට නියමිත බව අපරාධ පරීක්ෂණ දෙපාර්තමේන්තුව අධිකරණයට දැනුම්දුන් බව වාර්තා ෙව්.

ඊට අමතරව පුද්ගලික ඔත්තුකරුවන් මාර්ගයෙන් තවදුරටත් පරීක්ෂණ සිදුකරන බව ද අපරාධ පරීක්ෂණ දෙපාර්තමේන්තුව ප්‍රකාශ කර තිබේ.

සිද්ධියට අදාළව ඩී.එන්.ඒ.පරීක්ෂනවලට භාජනය කළ දැනට ජින්ටෙක් ආයතනයේ තිබෙන අස්ථි කොටස් අධිකරණය භාරයේ නඩු භාණ්ඩ වශයෙන් රඳවා තැබීමට අවසර දෙන ලෙස රජයේ නීතීඥවරයා අධිකරණයෙන් ඉල්ලිමක් කර ඇති බව සඳහන්ය.

අදාළ ඉල්ලීම පිළිගත් අධිකරණය එම අස්ථි කොටස්  අධිකරණය භාරයේ රඳවා තැබීමට නියෝග කළ බව වාර්තා වී අැත.