ලංකා විදුලි බලමණ්ඩලය තුළ මින් ඉදිරියට කිසිදු බාහිර පුද්ගලයෙකු සඳහා පුහුණු වීම් ලබා නොදීමට ඒකමතිකව තීරණය කළ බව විදුලිබල මණ්ඩලයේ ඉංජිනේරු සංගමයේ සභාපති නිහාල් වීරරත්න පවසනවා.
ඔහු සඳහන් කර සිටියේ පසුගිය සමයේ දී රජය විසින් වරාය අධිකාරියට, විදුලිබල මණ්ඩලයට මිල්ටරීකරණය හඳුන්වා දීමට උත්සහා කළ බවත්, ඒ සඳහා ඇතැම් බාහිර පුද්ගලයින් ආයතනයන්වලට පැමිණ සිය වැඩකටයුතු සම්බන්ධයෙන් පුහුණු වීමක් ලැබීමටද උත්සාහ කළ බවයි.
නමුත් මින් ඉදිරියට එවන් කිසිවෙකුටත් පුහුණු වීම් ලබා නොදීමට තීරණය කළ බවයි සභාපතිවරයා වැඩිදුරටටත් පවසා සිටියේ.
