අධ්යයන පොදු සහතික පත්ර සාමාන්ය පෙළ විභාගයට අදාළ උපකාරක පන්ති පැවැත්වීම හෙට (23) මධ්යම රාත්රී 12.00 සිට තහනම් බව විභාග දෙපාර්තමේන්තුව පවසනවා.
ඒ අනුව උපකාරක පන්ති, දේශන, සම්මන්ත්රණ සහ වැඩමුළු පැවැත්වීම තහනම් වන බවයි එම දෙපාර්තමේන්තුව සඳහන් කරන්නේ.
2022 අපොස සාමාන්ය පෙළ විභාගය එළඹෙන මැයි 29 සිට ජුනි 08 වනදා දක්වා දිවයින පුරා විභාග මධ්යස්ථාන 3,568කදී පැවැත්වීමට නියමිතව තිබෙනවා.
අයහපත් කාලගුණය හේතුවෙන් අධිවේගී මාර්ගයේ වාහන පැදවීමේදී පැයට කිලෝමීටර 60 සීමාවේ සිය වාහන පදවන ලෙස අධිවේගී මාර්ග රථ වාහන පොලිස් කොට්ඨාසය රියදුරන්ගෙන් ඉල්ලා සිටිනවා. ඒ අනුව වාහන අතර නිසි පරතරය තබා ගනිමින් ගමනාන්තය දක්වා සිය වාහනය පදවන ලෙසයි අධිවේගී මාර්ග රථ වාහන පොලිස් කොට්ඨාසය දැනුම් දෙන්නේ. එසේම ඉදිරිපස හා පසුපස ලාම්පු දල්වාගෙන රිය ධාවනය කරන ලෙසයි ඔවුන් වැඩිදුරටත් රියදුරන්ට දැනුම්දෙන්නේ.
ගාල්ල දිස්ත්රික්කයේ ප්රදේශ කිහිපයක් සඳහා ජාතික ගොඩනැගිලි පර්යේෂණ සංවිධානය විසින් නායයෑමේ පූර්ව අනතුරු ඇඟවීමක් නිකුත් කර තිබෙනවා.
ඒ අනුව අද (21) උදෑසන 8.00 සිට හෙට (22) උදෑසන 8.00 දක්වා එය වලංගු බවයි ජාතික ගොඩනැගිලි පර්යේෂණ සංවිධානය සඳහන් කරන්නේ.
ගාල්ල දිස්ත්රික්කයේ, යක්කලමුල්ල, බද්දේගම, ඇල්පිටිය සහ නාගොඩ යන ප්රදේශවලට මෙලෙස නායයෑමේ පූර්ව අනතුරු ඇඟවීම් නිකුත් කර ඇති බවයි සඳහන් වන්නේ.
ශ්රී ලංකා පරිගණක හදිසි ප්රතිචාර සංසදය (Sri Lanka CERT) මඟින් සංවිධානය කරනු ලබන 15 වැනි ජාතික සයිබර් ආරක්ෂණ (Cyber Security) සමුළුව මැයි 23 වැනිදා කොළඹ Waters Edge හෝටලයේ දී පැවැත්වීමට කටයුතු සංවිධානය කර ඇති බව එම සංසදය පවසනවා.
“තීරණාත්මක ජාතික තොරතුරු යටිතල පහසුකම් ආරක්ෂා කරගැනීම” යන තේමාව යටතේ පැවැත්වෙන මෙම සමුළුව සඳහා තොරතුරු තාක්ෂණ ක්ෂේත්රයේ ප්රවීණයින් සහ වෘත්තිකයින් රැසක් සහභාගී වීමට නියමිත බවයි සඳහන් වන්නේ.
සයිබර් ආරක්ෂණය (Cyber Security) පිළිබඳ උනන්දුවක් දක්වන ඕනෑම අයෙකුට මෙම සමුළුව සඳහා ප්රවේශ පත්ර ලබාගැනීමේ අවස්ථාව සලසා ඇති බවද ඔවුන් වැඩිදුරටත් සඳහන් කරනවා.
Online ප්රවේශ පත්ර ලබාගත හැකි වෙබ් ලිපිනය පහතින්.
https://csw.cert.gov.lk/
බංකොළොත් බවින් මිදුණු අභිමානයෙන් ජීවත්විය හැකි රටක් ගොඩනැඟීමට සියලුදෙනා එක්ව කැපවිය යුතු බව ජනාධිපති රනිල් වික්රමසිංහ පවසනවා.
කෑගල්ල අරණායක “අසුපිණි ඇල්ල ජල යෝජනා ක්රමය” ජනතා අයිතියට පත් කිරීමේ අවස්ථාවට එක්වෙමින් ජනාධිපතිවරයා මේ බව සඳහන් කළා.
කෑගල්ල දිස්ත්රික්කයේ අරණායක, මාවනැල්ල සහ රඹුක්කන ප්රාදේශීය ලේකම් කොට්ඨාවලට අයත් ග්රාම නිලධාරි වසම් 135ක පැවති පානීය ජල ගැටලුවට විසඳුම් ලබා දෙමින් ශ්රී ලංකා රජයේ රුපියල් මිලියන 3,847ක මූල්ය ප්රතිපාදන සහ නෙදර්ලන්ත රජයේ රුපියල් මිලියන 18,650ක ණය ආධාර යටතේ මෙම ජල යෝජනා ක්රමය ක්රියාවට නංවා තිබෙනවා.
කෘෂිකර්ම නවීකරණ වැඩපිළිවෙළේ දී මතුව ඇති ගැටලු නීත්යානුකූලව නිරාකරණය කර ගැනීම සඳහා කෘෂි නවීකරණ ලේකම් කාර්යාලයක් කඩිනමින් ස්ථාපිත කරන ලෙස ජනාධිපති රනිල් වික්රමසිංහ නිලධාරීන්ට උපදෙස් ලබාදී තිබෙනවා.
කෘෂිකර්ම ක්ෂේත්රයේ නවීකරණය සඳහා ප්රතිපත්ති රාමුවක් සකස් කිරීම පිළිබඳ ජනාධිපති කාර්යාලයේ පැවති සාකච්ඡාවට එක් වෙමින් ජනාධිපතිවරයා මේ බව සඳහන් කර තිබෙනවා.
කෘෂි නවීකරණ වැඩපිළිවෙළ හා සම්බන්ධව සිටින ජනාධිපති කාර්යාලයේ, කෘෂිකර්ම අමාත්යාංශයේ සහ අනෙකුත් රේඛීය අමාත්යාංශවල අතිරේක ලේකම්වරුන් හා සමාන්තර ශ්රේණිවල නිලධාරින් මෙම කෘෂි නවීකරණ ලේකම් කාර්යාලය සඳහා නම් කරන ලෙස ජනාධිපති ලේකම්වරයා වෙත මෙහිදී උපදෙස් ලබාදී ඇති බවයි සඳහන් වන්නේ.
අපවත්වී වදාල අමරපුර මහා නිකායේ උත්තරීතර මහ නායක අග්ගමහා පණ්ඩිත අතිපූජ්ය දොඩම්පහළ චන්දසිරි මහ නාහිමියන්ගේ ආදාහන පූජෝත්සවය අද (21) පැවැත්වීමට නියමිතව තිබෙනවා.
ඒ අනුව ආදාහන පූජෝත්සවය පූර්ණ රාජ්ය ගෞරව සහිතව සිදු කිරීමට නියමිතව ඇති බවයි අමරපුර මහ සංඝ සභාව සඳහන් කළේ.
අමරපුර මහා නිකායේ උත්තරීතර මහ නායක අග්ගමහා පණ්ඩිත අතිපූජ්ය දොඩම්පහළ චන්දසිරි මහ නාහිමියන් පසුගිය 16 වනදා අපවත් වූ අතර අපවත් වන විට උන්වහන්සේ 84 වන වියේ පසු වුණා.
අන්තර් විශ්වවිද්යාල ශිෂ්ය බලමණ්ඩලයේ නව කැඳවුම්කරු ලෙස පේරාදෙණිය විශ්වවිද්යාලයේ සම සෞඛ්ය විද්යාපීඨයේ මධුෂාන් චන්ද්රජිත් තේරී පත්ව තිබෙනවා.
ඒ අනුව රජරට විශ්ව විද්යාලයේ පැවති සැසිවාරයේදී එම තීරණය ගෙන ඇති බවයි නිවේදනයක් නිකුත් කරමින් අන්තර් විශ්වවිද්යාල ශිෂ්ය බලමණ්ඩලය සඳහන් කරන්නේ.
අදාළ නිවේදනය පහතින්.
ජපානයේ දී පැවැත්වෙන G7 ලෝක නායක සමුළුවේ දී ශ්රී ලංකාව සම්බන්ධයෙන් ද අවධානය යොමුවී තිබෙනවා.
ප්රංශය, ඉන්දියාව සහ ජපානය එක්ව ශ්රී ලංකාවේ ණය හිමියන්ගේ සාකච්ඡා මෙහෙය වීම සම්බන්ධව G7 ලෝක නායකයින්ගේ ප්රසාදය හිමිව තිබෙනවා.
එමෙන්ම ලෝක නායකයින් අවධාරණය කර ඇත්තේ මෙම රටවල් ත්රිත්වයේ මැදිහත් වීම අනාගතයේ දී මැදි ආදයම් රටවල ණය ගැටලුව විසඳීම සඳහා දියත් කරනු ලබන බහුපාර්ශ්වික ප්රයත්නයන් සඳහා ද සාර්ථක ආදර්ශයක් වනු ඇති බවයි.
කැනේඩියානු අග්රාමාත්යවරයා විසින් පසුගිය 18 වනදා ශ්රී ලංකාව සම්බන්ධව කරන ලද ප්රකාශයක් සම්බන්ධයෙන් කරුණු විමසීම සඳහා ශ්රී ලංකාවේ කැනේඩියානු මහකොමසාරිස්වරයාව විදේශ කටයුතු අමාත්යංශය වෙත කැඳවා ඇති බව වාර්තා වනවා.
විදේශ කටයුතු අමාත්ය අලි සබ්රී විසින් මෙම කැඳවීම කර ඇති අතර, අමාත්යවරයා එහිදී කැනේඩියානු අග්රාමාත්ය ජස්ටින් ටෘෘඩෝ පසුගිය මැයි 18 වනදා නිකුත් ශ්රී ලංකාව තුළ ජන සංහාරයක් සිදුකළ බවට වන ප්රකාශය සම්පුර්ණයෙන් ප්රතික්ෂේප කොට හෙළා දැක ඇති බවත් සඳහන්.
