ව්යාපාරික දිනේෂ් ෂාෆ්ටර්ගේ මරණයට අදාළ පරීක්ෂණවලදී රජයේ රස පරීක්ෂකවරයා වෙත යොමුකළ භාණ්ඩවලට අදාළ පරීක්ෂණ වාර්තා මෙතෙක් ලැබී නොමැති බැවින් එම වාර්තා කඩිනමින් කැඳවීමට පියවර ගන්නා ලෙස කොළඹ මහේස්ත්රාත් අධිකරණය අද (20) අපරාධ පරීක්ෂණ දෙපාර්තමේන්තුවට නියෝග කර තිබෙනවා.
පැමිණිල්ල අද කොළඹ අතිරේක මහෙස්ත්රාත්වරිය ඉදිරියේ කැඳවනු ලැබූ අවස්ථාවේදී ඇය අපරාධ පරීක්ෂණ දෙපාර්තමේන්තුවට පෙන්වා දුන්නේ මෙම පරීක්ෂණයට අදාළව රජයේ රස පරීක්ෂකවරයා වෙත යොමුකරන ලද ලේ සාම්පල ඇතුළු ද්රව්යවලට අදාළ වාර්තා මෙතෙක් ලැබී නොමැති බවයි.
එම වාර්තා ලැබීමේ ප්රමාදයක් තිබෙන බවත් ඒවා කඩිනමින් කැඳවීමට පියවර ගන්නා ලෙසත් අවශ්ය නම් රජයේ රස පරීක්ෂකවරයා වෙත සිහිකැඳවීම් යොමුකිරීමට හැකියාව තිබෙන බවත් පැමිණිල්ල ලබන 28 වනදා කැඳවන ලෙසයි මහේස්ත්රාත්වරිය වැඩිදුරටත් සඳහන් කළේ.
