මත්පැන් මිල ගණන් ඉහළ දමා ඇති බව සුරාබදු දෙපාර්තමේන්තුව පවසනවා.
ඒ අනුව සියලුම වර්ගවලට අයත් මත්පැන්වල බෝතලයක මිල රුපියල් 300කින් ඉහළ දමා ඇති බවයි සඳහන් වන්නේ.
එසේම බියර් වර්ගවල මිල ද එකක් රුපියල් 50කින් ඉහළ දමා ඇති බවයි සුරාබදු දෙපාර්තමේන්තුව වැඩිදුරටත් සඳහන් කරන්නේ.
දුම්වැටියක මිල අද සිට ක්රියාත්මක වන පරිදි ඉහළ දමා තිබෙනවා.
ඒ අනුව කාණ්ඩ 4 ක දුම්වැටි මිල ගණන් පිළිවෙලින්, රුපියල් 5 , රුපියල් 15 , රුපියල් 20 සහ රුපියල් 25 ලෙස ඉහළ දමා ඇති බවයි සඳහන් වන්නේ.
මෙරට 19 වන ගුවන් හමුදාපතිවරයා ලෙස එයාර් මාර්ෂල් උදේනි රාජපක්ෂ අද (30) වැඩ භාරගෙන තිබෙනවා.
ශ්රී ලංකා ගුවන් හමුදා වත්මන් මාණ්ඩලික ප්රධානී එයාර් වයිස් මාර්ෂල් උදේනි රාජපක්ෂ ජනාධිපතිවරයා විසින් එයාර් මාර්ෂල් නිලයට අද උසස් කිරීමෙන් අනතුරුව ගුවන් හමුදාපතිවරයා ලෙස මෙලෙස වැඩ භාරගෙන ඇති බවයි සඳහන් වන්නේ.
ඔහු තම සේවා කාලයේදී අති දක්ෂ ගුවන් නියමුවෙකු ලෙස කටයුතු කර ඇති අතර ප්රහාරක ගුවන් නියමුවෙකු ලෙසත් ප්රවාහන ගුවන් යානා නියමුවෙකු ලෙසත් කටයුතු කර තිබෙනවා.
තෙල්දෙණිය කෙන්ගල්ල ප්රදේශයේ වාහන අංගනයකින් කොල්ලකන ලද ජීප් රථ 03 ක් සමඟ සැකකරුවන් තිදෙනෙකු පොලීසිය විසින් අත්අඩංගුවට ගෙන තිබෙනවා.
ඊයේ (29) අලුයම කැබ් රථයකින් පැමිණි පිරිසක් විසින් මෙම කොල්ලය සිදුකර ඇති බවයි පොලීසිය සඳහන් කළේ.
එහිදී අදාළ වාහන අංගනයේ සිටි සේවකයින් දෙදෙනෙකු බියවද්දා බැඳ දමා සැකකරුවන් වාහන 04 ක් කොල්ලකා පළාගොස් ඇති අතර ඩිෆෙන්ඩර් වර්ගයේ ජිප් රථ 03 ක් සහ වෑන් රථයක් මෙලෙස කොල්ලකා රැගෙනගොස් තිබෙනවා.
අත්අඩංගුවට ගත් සැකකරුවන් අවුරුදු 27, 32 සහ 34 යන වයස්වල පසුවන ගුන්නෑපාන, දොරගමුව සහ රජවැල්ල යන ප්රදේශවල පදිංචිකරුවන් බවට අනාවරණය වී තිබෙනවා.
විදුලි ගාස්තු සංශෝධනය කිරීම සම්බන්ධයෙන් සාකච්ඡා කිරීම සඳහා මහජන උපයෝගීතා කොමිෂන් සභාව අද (30) රැස්වීමට නියමිතව තිබෙනවා.
ඒ අනුව විදුලි ගාස්තු සංශෝධනය කිරීම සම්බන්ධයෙන් විදුලිබල මණ්ඩලය විසින් ඉදිරිපත් කර ඇති යෝජනාවලිය පිළිබඳව එහිදී සාකච්ඡා කිරීමට නියමිත බවයි සඳහන් වන්නේ.
අදාළ යෝජනාවලිය සම්බන්ධයෙන් මහජන අදහස් විමසීමද මීට පෙර සිදු කර තිබුණා.
හිටපු රාජ්ය ඇමතිනි විජයකලා මහේෂ්වරන් අද (29) උදෑසන මුන්දලම ප්රදේශයේ දී රිය අනතුරකට පත්වී තිබෙනවා.
අනතුරින් පසුව ඇයව හලාවත මහ රෝහල වෙත ඇතුළත් කර ඇති බවයි සඳහන් වන්නේ.
ඒ අනුව මේ වනවිට ඇය හලාවත රෝහලේ දැඩි සත්කාර ඒකකයේ ප්රතිකාර ලබන බවයි වැඩිදුරටත් සඳහන් වන්නේ.
දේශීය ණය ප්රතිව්යුහගත කිරීමේදී දැනටමත් රැස්කර ඇති සේවක අර්ථසාධක අරමුදලෙහි තැන්පතුවලට අත තැබීමක් සිදු නොකරන බව මහ බැංකු අධිපති ආචාර්ය නන්දලාල් වීරසිංහ පවසනවා.
ඒ අනුව එම තැන්පතු සඳහා ගෙවනු ලබන 9% පොලියක් සහතික කරන බවයි මාධ්ය ආයතන ප්රධානීන් සමඟ පැවති සාකච්ඡාවකට එක්වෙමින් මහ බැංකු අධිපතිවරයා සඳහන් කළේ.
රට තුළ ගෑස් හිඟයක් ඇති බවට විවිධ ප්රචාර පැතිර ගියද වෙළෙඳපොළේ කිසිදු ගෑස් හිඟයක් නොමැති බව ලාෆ්ස් ගෑස් සමාගම පවසනවා.
එ අනුව අවශ්ය ගෑස් තොග ප්රමාණවත් පරිදි පර්යන්තවල රැස්කර ඇති බවයි ලාෆ්ස් ගෑස් සමාගමේ ප්රධාන විධායක නිලධාරී නලින්ද කුරුකුලසූරිය සඳහන් කළේ.
දේශීය ණය ප්රතිව්යුහගත කිරීමට අදාළ යෝජනාවලිය පිළිබඳ සාකච්ඡා කිරීමට අද මුදල් පිළිබඳ කාරක සභාව රැස්වීමට නියමිතව තිබෙනවා.
ඒ අනුව අද (29) පස්වරු 2.00 පාර්ලිමේන්තුවේ මුදල් පිළිබඳ කාරක සභාව රැස්වීමට නියමිත බවයි සඳහන් වන්නේ.
ණය ප්රතිව්යුහගත කිරීම පිළිබඳ යෝජනාවට ඊයේ (28) රැස්වු විශේෂ අමාත්ය මණ්ඩල රැස්වීමේ දී අනුමැතිය හිමිව තිබුණා.
තාවකාලික රියදුරු බලපත්ර වලංගු කාලසීමාව සම්බන්ධයෙන් මෝටර් රථ ප්රවාහන දෙපාර්තමේන්තුව නිවේදනයක් නිකුත් කර තිබෙනවා.
ඒ අනුව 2022 මාර්තු 31 වනදා සිට 2023 ජූනි 30 වනදා දක්වා කාලය තුළ නිකුත් කර ඇති තාවකාලික රියදුරු බලපත්ර, කල් ඉකුත් වන දිනයේ සිට වසර 2ක් සඳහා වලංගු බවයි එම දෙපාර්තමේන්තුව සඳහන් කරන්නේ.
