සංශෝධනය කර නැවත පාර්ලිමේන්තුවට ඉදිරිපත් කිරීමට නියමිතව ඇති නව ත්රස්ත විරෝධී පනතට එරෙහිව අධිකරණයට යෑමට සැලසුම් කර ඇති බව සමගි ජන බලවේගය පවසනවා.
මෙම පනත කුමන ආකාරයෙන් සංශෝධනය කළ ද එයට විරෝධය පළකරන බවයි එම පක්ෂයේ පාර්ලිමේන්තු මන්ත්රී අශෝක් අබේසිංහ සඳහන් කළේ.
ප්රති ත්රස්ත පනත පාර්ලිමේන්තුවට ඉදිරිපත් කළ අවස්ථාවේ දී පාර්ශව කිහිපයක්ම අධිකරණයට ගොස් ප්රති ත්රස්ත පනත සුදුසු නැති බවට ප්රකාශ කළ බවත් ලෝක සංවිධාන රාශියක්ම මෙයට විරෝධතාව ප්රකාශ කර ඇති බවයි ඔහු වැඩිදුරටත් පෙන්වා දෙන්නේ.
මේ සතිය තුළ ආයතන කිහිපයක් පොදු ව්යාපාර පිළිබඳ කාරක සභාව හෙවත් කෝප් කමිටුව හමුවට කැඳවීමට තීරණය කර තිබෙනවා.
ඒ අනුව අද (19) දිනයේ ශ්රී ලංකා තේ මණ්ඩලයේ නිලධාරීන් කෝප් කමිටුව හමුවට කැඳවීමට නියමිත බවයි පාර්ලිමේන්තු සන්නිවේදන දෙපාර්තමේන්තුව සඳහන් කළේ.
හෙට (20) සීමාසහිත ගොඩනැගිලි ද්රව්ය සංස්ථාවේ නිලධාරීන් කෝප් කමිටුව හමුවට කැඳවා ඇති අතර අනිද්දා දිනයේ කොළඹ විශ්වවිද්යාලයේ නිලධාරීන් කෝප් කමිටුව හමුවට කැඳවා ඇති බවයි වැඩිදුරටත් සඳහන් වන්නේ.
ශ්රි ලංකා ආර්ථිකය යළි ගොඩනැඟීමට ජනාධිපති රනිල් වික්රමසිංහ ගෙන යන වැඩපිළිවෙළට සහාය ලබා දෙන බව දකුණු කොරියානු ජනාධිපති යූන් සුක් යෙයෝල් (Yoon Suk Yeol) ප්රකාශ කර තිබෙනවා.
ශ්රී ලංකාව මුහුණ දුන් දරුණු ආර්ථික අර්බුදයෙන් රටත්, ජනතාවත් නිදහස් කර ගැනීමට ජනාධිපති රනිල් වික්රමසිංහ ගෙන යන වැඩපිළිවෙළ අගය කළ දකුණු කොරියානු ජනාධිපතිවරයා ඒ වෙනුවෙන් ජනාධිපතිවරයා සිදු කරන කැපවීම ද පැසසුමට ලක් කළ බවයි ජනාධිපති මාධ්ය අංශය සඳහන් කළේ.
එසේම ශ්රී ලංකාවට අදාළව මේ වනවිට දකුණු කොරියාව ලබා දී ඇති රැකියා කාණ්ඩ ප්රමාණය වැඩි කිරීමට අපේක්ෂා කරන බවත්, ඒ තුළින් ඉදිරියේ දී ශ්රී ලාංකික තරුණ තරුණියන්ට දකුණු කොරියාවේ වැඩි රැකියා අවස්ථා ප්රමාණයක් උදාවනු ඇති බවත් දකුණු කොරියානු ජනාධිපතිවරයා සඳහන් කර තිබෙනවා.
මේ සම්බන්ධයෙන් නිකුත් කළ නිවේදනය පහතින්.
පසුගිය වසරේ දෙවන කාර්තුවට සාපේක්ෂව මෙම වසරේ දෙවැනි කාර්තුවේදී මෙරට ආර්ථිකය 3.1%කින් සංකෝචනය වී ඇති බව ජන හා සංඛ්යාලේඛන දෙපාර්තමේන්තුව පවසනවා.
2022 දෙවැනි කාර්තුවේදී ශ්රී ලංකාවේ දළ දේශීය නිෂ්පාදිතය රුපියල් මිලියන 2,680,074 ක් වූ අතර, මෙම වසරේ දෙවැනි කාර්තුවේදී එය රුපියල් මිලියන 2,597,441 ක් දක්වා අඩුවී ඇති බවයි ඔවුන් නිවේදනය කරන්නේ.
මෙම කාර්තුව තුළ කෘෂිකර්ම කටයුතු 3.6% කින් ප්රසාරණය වී ඇති අතර කාර්මික කටයුතු 11.5% කින් හා සේවා කටයුතු 0.8% කින් හැකිළී ඇති බවද, ඉහළ පොලී අනුපාත හේතුවෙන් කෙටි කාලීන සහ දිගුකාලීන ආයෝජන මත ඇති වූ පීඩන ඊට බලපා ඇති බවද ඔවුන් පෙන්වා දෙනවා.
සාමාන්ය ජනතාවගේ සැබෑ ආදායම අඩුවීම තුළින් ඇති වන පීඩනය හේතුවෙන් සාමාන්ය ජනතාවගේ පරිභෝජන රටාව ප්රධාන වශයෙන් පාරිභෝගික භාණ්ඩ පරිභෝජනයට පමණක් සීමා වී ඇති බව නිරීක්ෂණය වන බවද අදාළ වාර්තාවේ දැක්වෙනවා.
තවත් සේවා කිහිපයක් අත්යවශ්ය සේවා බවට පත් කරමින් ජනාධිපති රනිල් වික්රමසිංහ විසින් අති විශේෂ ගැසට් නිවේදනයක් නිකුත් කර තිබෙනවා.
ඒ අනුව පහත සඳහන් දෑ සම්බන්ධ වැඩ හෝ ශ්රමය අත්යවශ්ය සේවා බවට පත් කර තිබෙනවා.
– විදුලි බලය සැපයීම සම්බන්ධ සියලු සේවා
– ඛනිජ තෙල් නිෂ්පාදනය හා ඉන්ධන සැපයීම හෝ බෙදා හැරීම සම්බන්ධ සියලු සේවා
– රෝහල්වල, සාත්තු නිවාසවල, බෙහෙත් ශාලා හා සමාන ආයතනවල රෝගීන් නඩත්තු කිරීම, පිළිගැනීම, රැකවරණය, පෝෂණය කිරීම සහ ප්රතිකාර කිරීම හා සම්බන්ධ සියලු සේවා
පාර්ලිමේන්තු මන්ත්රී උද්දික ප්රේමරත්නගේ මෝටර් රථය ඉලක්ක කර එල්ල වූ වෙඩි තැබීමේ සිද්ධිය සම්බන්ධ විමර්ශන අපරාධ පරීක්ෂණ දෙපාර්තමේන්තුවට බාර දෙන බව පොලීසිය පවසනවා.
ඒ අනුව පොලිස්පතිවරයාගේ නියමයෙන් අදාළ විමර්ශන අපරාධ පරීක්ෂණ දෙපාර්තමේන්තුවට බාර දෙන බවයි පොලීසිය වැඩිදුරටත් සඳහන් කළේ.
එක්සත් ජාතීන්ගේ මහා මණ්ඩලයේ 78 වැනි සැසිවාරය අද (18) අමෙරිකාවේ නිව්යෝර්ක් නුවරදී ආරම්භ වීමට නියමිතව තිබෙනවා.
සාමය, සෞභාග්යය, ප්රගතිය සහ තිරසරභාවය මත පදනම්ව තිරසර සංවර්ධන ඉලක්ක ජයගැනීමේ ක්රියාමාර්ග වේගවත් කිරීම සඳහා විශ්වාසය යළි ගොඩනැංවීම සහ ගෝලීය සහයෝගීතාව යළි ඇති කිරීම යන තේමාවෙන් යටතේ මෙවර සමුළුව පැවැත්වීමට නියමතයි.
ජනාධිපති රනිල් වික්රමසිංහ විසින් ලබන 21 වැනිදා සැසිවාරය ඇමතීමට නියමිත බව ජනාධිපති මාධ්ය අංශය පවසනවා.
පාර්ලිමේන්තු මන්ත්රී උද්දික ප්රේමරත්න ඉලක්ක කර ඊයේ (17) රාත්රියේ වෙඩි ප්රහාරයක් එල්ල කර ඇති බව පොලිසිය පවසනවා.
අනුරාධපුර, ගුවන් තොටුපොළ පාරේ පිහිටි ඔහුගේ නිවස ඉදිරිපිටදී මන්ත්රීවරයා මෝටර් රථයෙන් බැස, ගේට්ටුවෙන් නිවසට ඇතුලුවන අවස්ථාවේදී වෙඩි ප්රහාරය එල්ල වී ඇති අතර ඉන් මන්ත්රීවරයාට කිසිදු හානියක් සිදුවී නොමැති බවයි වාර්තා වන්නේ.
පිස්තෝල වර්ගයේ ගිනි අවියකින් වෙඩි තැබීම කර ඇති බවද, සිද්ධිය සම්බන්ධයෙන් අනුරාධපුර පොලීසීය විමර්ශන ආරම්භ කර ඇති බවද පොලීසිය වැඩිදුරටත් සඳහන් කළා.
මහනුවර පල්ලේකැලේ ක්රීඩාංගනයේ හා කොළඹ ආර්. ප්රේමදාස ක්රීඩාංගනයේ තණතීරු භාරකරුවන්ට හා ක්රීඩාංගන සේවකයින්ට මූල්ය ත්යාග පිරිනැමීමට කටයුතු කර තිබෙනවා.
ඒ අනුව ආසියානු ක්රිකට් කවුන්සලය හා ශ්රී ලංකා ක්රිකට් ආයතනය විසින් ඇමෙරිකානු ඩොලර් 50,000 ක මූල්ය ත්යාගයක් මෙලෙස ලබාදී ඇති බවයි වාර්තා වන්නේ.
මෙවර තරගාවලියේ තරග රැසකට වර්ෂාවෙන් බාධා එල්ල වූ අතර, එහිදී තරග පැවැත්වීම වෙනුවෙන් ක්රීඩාංගන සේවකයින් දැක් වූ දායකත්වය පාර්ශව රැසක ඇගයීමට ලක්වුණා.
2023 ආසියානු කුසලාන ක්රිකට් තරගාවලියේ අවසාන මහා තරගය අද (17) ශ්රී ලංකාව සහ ඉන්දීය කණ්ඩායම අතර කොළඹ ආර්.ප්රේමදාස පිටියේ දී ආරම්භ වීමට නියමිතව තිබෙනවා.
ඒ අනුව අද දිනයේ ඛෙත්තාරාම ක්රීඩා පිටිය ආසන්නයේ විශේෂ රථවාහන සැලැස්මක් ක්රියාත්මක බවයි පොලිස් මාධ්ය ප්රකාශක, ජ්යෙෂ්ඨ පොලිස් අධිකාරී නීතිඥ නිහාල් තල්දූව සඳහන් කළේ.
තරගය නැරඹීම සඳහා වාහනවලින් පැමිණෙන පුද්ගලයින් ඛෙත්තාරාම මංසන්ධියේ දී වාහනවලින් බැසීමට සිදුවන බවත් ඉන්පසුව අදාළ ස්ථානවල රථගාල් 10 ක් පමණ ඇති අතර මෙම රථගාල්වල වාහන නතරකිරීමේ හැකියාව ඇති බවයි ඔහු සඳහන් කළේ.
අදාළ රථගාල්වල කිසිඳු මුදලක් අය නොකරන බවත් තැරැව්කරුවන්ටද මුදල් ලබාදීමෙන් වළකින ලෙසයි පොලීසිය මහජනතාවට දැනුම්දෙන්නේ.
තරගය නැරඹීම සඳහා වීදුරු වතුර බෝතල්, ගිනිපෙට්ටි, නලා, පෝස්ටර්, ලයිටර් හෝ ගෑස් අඩංගු දෑ සහ ආරක්ෂාවට බාධා වන කිසිදු දෙයක් ගෙනයාමට නොහැකි බවත් හෙල්මට් හෝ ජැකට් ගෙනයාමේ හැකියාවක් නොමැති නිසා ඒ සම්බන්ධයෙන් සැලකිලිමත් වන ලෙසයි වැඩිදුරටත් දැනුම්දෙන්නේ.
