Business
ඉන්දියාවේ සිට ආනයනය කරනු ලබන බිත්තර රුපියල් 30 ක් වැනි මිලකට ආහාර නිෂ්පාදකයින්ට ලබාදිය හැකි බව මුදල් රාජ්ය අමාත්ය රංජිත් සියඹලාපිටිය පවසනවා.
රාජ්ය වාණිජ විවිධ නීතිගත සංස්ථාව විසින් ආනයනය කරනු ලබන බිත්තර වෙළෙඳපොළට නිකුත් නොකරන බවයි අමාත්යවරයා පෙන්වා දෙන්නේ.
මෙරට බිත්තර මිල පාලනය කිරීමේ අරමුණින් බිත්තර ආනයනය කිරීමට පසුගියදා කැබිනට් මණ්ඩලය තීරණය කළ අතර ඒ අනුව ඉන්දියාවේ සිට බිත්තර මිලියන 02ක් ආනයනය කිරීමට රජය පියවර ගෙන තිබුණා.
බිත්තරයක් සඳහා පනවා ඇති රුපියල් 50ක විශේෂ වෙළෙඳ භාණ්ඩ බද්ද පෙබරවාරි 21 වනදා සිට ශ්රී ලංකා රාජ්ය වාණිජ නීතිගත සංස්ථාව විසින් ආනයනය කිරීමේ දී රුපියලක් දක්වා අඩු කිරීමට මුදල් අමාත්යාංශය තීරණය කර තිබෙනවා.
ඉන්දියාවේ සිට බිත්තර මිලියන 02කට ආසන්න ප්රමාණයක් පළමු වරට ආනයනය කිරීමට පියවර ගෙන අතර එම බිත්තර තොගය දිවයිනට ගෙන ඒමට නියමිතව තිබෙනවා.
රුපියල් මිලියන 8,400 ක හිඟ බිල්පත් ජල පාරිභෝගිකයින් විසින් ගෙවීමට ඇති බවත්, බිල්පත් ගෙවීම 40 %ක් දක්වා පහළ ගොස් ඇති බවත් ජාතික ජල සම්පාදන හා ජලාපවහන මණ්ඩලය පවසනවා.
රුපියල් මිලියන 8,400ක මුදලින් රුපියල් මිලියන 6,200 ක්ම ගෙවීමට ඇත්තේ ගෘහස්ත ජල පාරිභෝගිකයින් විසින් බවත් මණ්ඩලය පෙන්වා දෙනවා.
මෙලෙස බිල්පත් නොගෙවීම නිසා මණ්ඩලයේ නිෂ්පාදන ක්රියාවලිය අඛණ්ඩව පවත්වාගෙන යාමට දැඩි බාධා මතුව ඇති බවයි එම මණ්ඩලය අවධාරණය කරන්නේ.
සංවර්ධනය වෙමින් පවතින රටවල් සහ විපතට පත් නැගී එන රටවල් සඳහා ණය ප්රතිව්යුහගතකරණය කිරීමේ ක්රියාවලියට සහාය වන ලෙස චීනය ඇතුළු සියලුම ද්විපාර්ශ්වික නිල ණය හිමියන්ට තමන් ආරාධනා කරන බව එක්සත් ජනපද භාණ්ඩාගාර ලේකම් ජැනට් යෙලන් පවසනවා.
G-20 කණ්ඩායමේ මුදල් අමාත්යවරුන්ගේ සහ මහ බැංකු ප්රධානීන්ගේ සහභාගීත්වයෙන් ඉන්දියාවේ බෙන්ගලුරු හිදී ආරම්භ වූ සමුළුව අමතමින් ඇය මේ බව සඳහන් කළා.
රාජ්ය මුදල් පිළිබඳ පාර්ලිමේන්තු කාරක සභාවේ සභාපති ධූරයෙන් තමන්ව ඉවත් කර ඇති බව පාර්ලිමේන්තු මන්ත්රී ආචාර්ය හර්ෂ ද සිල්වා පවසනවා.
Twitter පණිවිඩයක් නිකුත් කරමින් මන්ත්රීවරයා සඳහන් කරන්නේ, විපක්ෂය විසින් එම තනතුර සඳහා තම නම යෝජනා කර තිබූ අතර එම පත් කිරීම දින දෙකකට පෙර අනුමත වූ බවයි.
කෙසේ නමුත් රාජ්ය මුදල් පිළිබඳ පාර්ලිමේන්තු කාරක සභාවේ නව සභාපතිවරයා ලෙස අද පාර්ලිමේන්තු මන්ත්රී මයන්ත දිසානායක ආණ්ඩුපක්ෂයේ සියලු මන්ත්රීවරුන්ගේ ඡන්දයෙන් පත්වූ බවයි මන්ත්රීවරයා සඳහන් කළේ.
මෙරටට ආනයනය කරනු ලබන පළමු බිත්තර තොගය මෙම සති අන්තයේ දිවයිනට ළඟා වීමට නියමිතව තිබෙනවා. ශ්රී ලංකා රාජ්ය වාණිජ විවිධ නීතිගත සංස්ථාව විසින් එම බිත්තර තොගය ආනයනය කිරීමට නියමිත අතර ඉන්දියාවේ සිට බිත්තර මිලියන දෙකකට ආසන්න සංඛ්යාවක් පළමු වරට ආනයනය කිරීමට පියවර ගෙන ඇති බවයි සඳහන් වන්නේ. ඒ අනුව අදාළ බිත්තර තොගය හෙට දිනයේ ඉන්දියාවේ සිට මෙරටට ආනයනය කිරීමට සැලසුම් කර තිබෙනවා.
මෙරට සුළං විදුලි බලාගාර දෙකක් ස්ථාපනය කිරීම සඳහා ඉන්දියානු අදානි සමාගමට ආයෝජන මණ්ඩලයේ අනුමැතිය ලබාදී තිබෙනවා. ඒ අනුව අදානි ග්රීන් එනර්ජි සමාගමට මන්නාරම සහ පුනරීන් හි සුළං විදුලි බලාගාර දෙකක් සඳහා ආයෝජනයට අවස්ථාව හිමිවන අතර මෙම ව්යාපෘති සඳහා එම සමාගම ආයෝජනයට සැරසෙන මුදල අමෙරිකානු ඩොලර් මිලියන 442 ක් බවයි සඳහන් වන්නේ. මෙම සුළං විදුලි බලාගාර හරහා මෙගාවොට් 350ක ධාරිතාවයක් ජාතික පද්ධතියකට එක් කිරීමට බලාපොරොත්තු වන බව වාර්තා වනවා.
පාලන මිලට වඩා වැඩි මිලට බිත්තර අලෙවි කළ තලවකැලේ නගරයේ වෙළෙඳුන් සිව්දෙනෙකුට එරෙහිව නෛතික පියවර ගැනීමට නුවරඑළිය දිස්ත්රික් පාරිභෝගික කටයුතු අධිකාරියේ නිලධාරීන් පියවර ගෙන තිබෙනවා.
අදාළ වෙළෙඳුන් රතු බිත්තරයක් රුපියල් 50කට සහ සුදු බිත්තරයක් රුපියල් 48 කටත් අලෙවි කර ඇති බවටයි තොරතුරු වාර්තාවී තිබෙන්නේ.
ඒ අනුව අදාළ වෙළෙඳුන්ව ඇපකරයක් මත මුදාහැර මේ මස 28 වනදා නුවරඑළිය දිසා අධිකරණය හමුවේ පෙනි සිටින ලෙසට උපදෙස් ලබාදුන් බව නුවරඑළිය දිස්ත්රික් පාරිභෝගික කටයුතු අධිකාරිය සඳහන් කළේ.
මහ බැංකුව ප්රතිසංස්කරණය සඳහා නව පනතක් හඳුන්වාදීමට ආණ්ඩුව සූදානම් වන බව ඩිව් ගුණසේකර පවසනවා. ජාත්යන්තර මූල්ය අරමුදලේ ණය සහනය අනුමත වීමට එම ප්රතිසංස්කරණ සිදු කිරීම අනිවාර්ය බවයි මාධ්ය වෙත අදහස් දක්වමින් ඔහු සඳහන් කළේ. විදුලි ගාස්තු සහ ඉන්ධන මිල වැඩි කිරීම ජාත්යන්තර මූල්ය අරමුදලේ යෝජනා බවත් මහ බැංකුව ප්රතිසංස්කරණය කිරීමට පනතක් ගෙන ඒමේ යෝජනාව කැබිනට් මණ්ඩලයේදී සඳුදා අනුමත කර ඇති බවට තොරතුරු ලැබී ඇති බවත් ඔහු සඳහන් කළා.
වත්මන් බදු ප්රතිපත්තිය සාමාන්ය බදු ප්රතිපත්තියක් නොව, ගලවා ගැනීමේ මෙහෙයුමක් බව ජනාධිපති රනිල් වික්රමසිංහ පවසනවා. ඒ අනුව මෙම ක්රියාවලිය කඩාකප්පල් වුවහොත් ජාත්යන්තර මූල්ය අරමුදල සමඟ වැඩසටහනට ඇතුළත්වීමට නොහැකි වන අතර ශ්රී ලංකාවට කිසිඳු විදෙස් රටක් සමඟ ගනුදෙනු කිරීමට අවස්ථාව ද නොලැබෙන බවයි “2023 බදු සමුළුව” ආරම්භක දේශනය සිදු කරමින් ජනාධිපතිවරයා සඳහන් කළේ. 2023 වසර සඳහා ඉදිරිපත් කළ අය වැය ද සාමාන්ය අය වැයක් නොව, වැටී ඇති ආර්ථිකය ගොඩනැංවීමේ මෙහෙයුමක් බවයි එහිදී ජනාධිපතිවරයා වැඩිදුරටත් සඳහන් කළේ. මේ සම්බන්ධයෙන් නිකුත් කළ නිවේදනය පහතින්.
